మన'సు'మాలే!భలే భలే
నీ సొగసంతా ఋతుశోభలే!
కన్నుల్లో వెన్నెల ప్రభలే
నా కవితలన్ని నీ కళాప్రతిభలే

అదేలే పదేపదే మది కుదేలే
సరేలే నీ పరువానికవి కొసరేలే

భామిని మేనే ఆమని
సెగలు రేపు పంటివిరుపు వేసవి
నవ్వులజల్లే వానకారుగా గని
చూపుల మత్తుచిమ్మె శరత్తుని

అదేలే పదేపదే మది కుదేలే
సరేలే నీ పరువానికవి కొసరేల

 బిగికౌగిట నలిగె హేమంతము
దరిచేర బెదిరేను శిశిరము
 నీవున్న తావే నిత్య వసంతం
నీతోటిలోకం స్వర్గ తుల్యము

అదేలే పదేపదే మది కుదేలే
సరేలే నీ పరువానికవి కొసరేలే