Thursday, September 17, 2015


ఓ సుముఖా- వినాయకా- శుభదాయకా
రావయ్యా –మాయింటికి-ఎలుక నెక్కి చకచకా
ఇల్లెడింటి వారమంత- స్వాగతిస్తు వేచినాము
కాసింత చూపవయ్యా-మా పైన కనికరము

1.    బంతులు చామంతులు-దారంతా పరిచినాము
మామిడాకు తోరణాలు-ద్వారాలకు కట్టినాము
ఇరవయొక్క పత్రాలు-సేకరించి పెట్టినాము
నువుమేచ్చే మందారాల –మాల గుచ్చి ఉంచినాము

పూజలందుకోవయ్యా- ఓ గణపయ్యా
విన్నపాలు దీర్చవయ్య-ఓ వెంకయ్యా

2.    ముదముతోడ మోదకాలు- ఆరగించవయ్యా
ప్రియమారగ ఉండ్రాళ్ళు –బోజ్జనింపుకోవయ్యా
తనివిదీర పాయసాన్ని-కడుపార గ్రోలవయ్య                                  
వండి వార్చి ఉంచినాము-దండిగ భుజియించవయ్య

నివేదనలు నీకివే లంబోదర లకుమికరా
వేదనలను తొలగించర   పాశాంకుశ ధరా
www.4shared.com/mp3/vCsn0Tbgba/O_SUMUKHA_VINAYAKA.html?
https://youtu.be/zR-oyHHOAYU