Friday, December 30, 2022

 రచన,స్వరకల్పన&గానం:డా.గొల్లపెల్లి రాంకిషన్ రాఖీ


రాగం:మోహన


మూలమంత్ర జప మొకటే గోవింద యనుటే

మూలదైవ మొకడే తిరుపతి శ్రీ వేంకటేశుడే

మూర్తీభవించిన పరమదయాళువు శ్రీనాథుడే

మూలిక తానై భవరోగములు బాపు ఘనవైద్యుడే


1.గోవింద యనినంత ఎనలేని నిశ్చింత

గోవింద యనినంత స్వామియే మనచెంత

గోవింద నినదించు తిరుమల సప్త గిరులంతా

గోవింద యనినంత  తరింతురు భక్తవరులంతా


2.కురులను అర్పించ వరముల నందేరు

ముడుపులు చెల్లించ ఇడుముల బాసేరు

స్వామిని దర్శించ  మనఃశాంతిని పొందేరు

శ్రీశుని సేవించ సకల కుశలములు బడసెదరు

 

https://youtu.be/y_pOuv0eRGk?si=wiN886pMlY318850

రచన,స్వరకల్పన&గానం:డా.గొల్లపెల్లి రాంకిషన్ రాఖీ


రాగం:చక్రవాకం


ఎన్నెన్ని కథలో ఎన్నెన్ని వెతలో

ఎద ఎద మాటున-విధి గ్రహపాటున

మన ప్రమేయమే కనము మనుగడన

కొట్టుమిట్టాడెదము గట్టుచేరగా నట్టనడి కడలిన


1.ఎన్నిమలుపులో ఈ జీవన పథమున

ఎన్ని మజిలీలో అనంత పయనమున

ఆడుగుఅడుగులో ఎన్నో గుంతలూ ముళ్ళు

నడక తడబడునటుల చింతలూ కడగళ్ళు


2.పూట గడుచుట కొరకు నిత్యం పోరాటాలు

ఆశలు తీరే వరకు వ్యర్థ ప్రయాసతొ ఆరాటాలు

దారీ తెన్నూ తెలియక తిమిరంలోనే గమనాలు

కాలపు తీర్పుకు వేచి చూస్తూ అపార సంయమనాలు

Wednesday, December 28, 2022

 రచన,స్వరకల్పన&గానం:డా.గొల్లపెల్లి రాంకిషన్ రాఖీ


రాగం:దర్బార్ కానడ


కృష్ణపక్ష చంద్రుడినై-కృంగిపోతున్నా .…

పడమటింటి రవినేనై-కనుమరుగౌతున్నా

నీ నుండి దూరంగా…మరణమే తీరంగా

మౌనంగా ధ్యానంగా-శూన్యంగా దైన్యంగా


1.తప్పుకుంటున్నా నీ జీవితం నుండి

ఎప్పటికీ తీరని ఆశలతో నాగుండె మండి

కార్చడానికి కన్నీరు సైతం లేక కనులెండి

నువ్వాడే సయ్యాటల్లో సైచలేక తొండి


2.పెద్దపీట వేయవు నాకెపుడూ నీ మదిలో

నాకంటూ ఓ పేజీ ఉండదు నీ ఆత్మకథలో

పట్టుకొని ప్రాకులాడడం నీకై నేనుమాత్రమే

తుమ్మితే ఊడే ముక్కైతే మన మైత్రి కృతకమే

Tuesday, December 27, 2022

రచన,స్వరకల్పన&గానం:డా.గొల్లపెల్లి రాంకిషన్ రాఖీ 


రాగం:హిందోళం


దాసుని తప్పులకు నీ దయతో సరి

చేసిన దోషాలకు నీ క్షమతో సరి

జన్మజన్మల మా పాపాలు నీ శరణాగతితో సరి

స్వామియే శరణం అంటూ అయ్యప్పా

వేడెద నిన్నూ ఇప్పటినుండి మరిమరి


1.నియమాల పాలనలో నా ఉదాసీనత

నిష్ఠగ చేసే దీక్షలో నా నిర్లక్ష్యపు నడత

పదిమంది కోసం అందరిలో గంభీరత

ఏకాంతంలో కప్పదాట్లతో తప్పిన నా క్రమత


2.అనుకూలంగా సౌకర్యంగా సూత్రీకరణ

తెలిసీ తెలియని జ్ఞానంతో వితండవాదన

లోకాభి రామాయణపు కాలాయాపన

శరణుఘోషనే మానేసి ఐహిక విషయాలోచన


https://youtu.be/KyAYyZjLfE4


రచన,స్వరకల్పన&గానం:డా.గొల్లపెల్లి రాంకిషన్ రాఖీ


ఆరు పండుగలొస్తాయి…ఒకేసారి…

నువ్వు నవ్వుతు ఎదురైతే

ఆరు ఋతువులు వెలుస్తాయి…ఒకేసారి…

నీతో ఏడడుగులు నే వేస్తే

చెలీ మమతల జాబిలీ మంజుల రవళి

నా కలతలు తీర్చగ నువ్వే ఓ గులేబకావళి


1.నీపెదవుల దివ్వెలో నవ్వులు వెలిగితే దీపావళి

రాలిన ముత్యాలు ముగ్గుగ మారితే సంకురాతిరి

నీ తనువే ఇంద్రధనువై వర్ణాలు వర్షిస్తుంటే అదిహోళీ

చెలీ మమతల జాబిలీ మంజుల రవళి

నా కలతలు తీర్చగ నువ్వే ఓ గులేబకావళి


2.నువు కట్టూబొట్టుతో ఉట్టిపడగా తెలుగుల ఉగాదిగా

నీ మోమే పలురకాల పూలున్న బతుకమ్మ పండగగా

సరదాగా ఓ సుముహూర్తాన నీతో విందారగిస్తే దసరాగా

చెలీ మమతల జాబిలీ మంజుల రవళి

నా కలతలు తీర్చగ నువ్వే ఓ గులేబకావళి

Monday, December 26, 2022

 రచన,స్వరకల్పన&గానం:డా.గొల్లపెల్లి రాంకిషన్ రాఖీ


రాగం:సారమతి


నన్నేల మరచితివి శ్రీ గణనాథా

నీ అండ లేకుండ నేననాథ

వక్రతుండ నిను నెరనమ్మితి ఏకదంత

ఏమరుపాటేల తొలగించగ నా చింత


1.నా నాలుకపై నీనామమే సదా

త్రికరణశుద్ధిగ నిను కొలిచితి కదా

నీ తలపులతో నిండెను నా ఎద

నను కనికరించగ నీ దయరాదా


2.నాడూ నేడూ మరి ఏనాడూ

నిజముగ నీవే స్వామీ నా తోడు

రుజలను బాపగ ఇక వేగిర పడు

చిగురించనీ ప్రభు నా బ్రతుకు మోడు

రచన,స్వరకల్పన&గానం:డా.గొల్లపెల్లి రాంకిషన్ రాఖీ

కొడిగట్టనీకు నేస్తమా స్నేహదీపం
మన మైత్రి నాకైతే అపురూపం
తేలికగా భావిస్తే నాకెంతో పరితాపం
చితిపేర్చి తెలుపకు చెలిమికి సంతాపం

1.నాకెపుడూ అవసరమే నీ సహవాసం
దాటవేసి నిన్నునీవు చేసుకోకు మోసం
నీ సాంత్వన కోరుకుంటె ఔతుందా దోషం
అనుబంధం పెనవేయకుంటేనే అది  విశేషం

2.నీ అంతట నీవెపుడూ నన్ను పలకరించవు
నాదైన అతీ గతీ ఆరాలేవీ నువు తీయవు
యాంత్రికంగా ప్రవర్తించ ప్రయత్నిస్తుంటావు
స్నేహితమా పరిచయమా అన్నట్టుగ ఉంటావు

Sunday, December 25, 2022

 

https://youtu.be/myrpFn6CKtk?si=TkzStAAUQf2ywEie

రచన,స్వరకల్పన&గానం:డా.గొల్లపెల్లి రాంకిషన్ రాఖీ


రాగం:మోహన


కనుగొనలేదు విష్ణువైనను నీ మూలము

ఎరుగలేదసలు సృష్టికర్తయు నీ అంత్యము

నరులము నిన్ను రామలింగేశ్వర తెలియ జాలము

నీ కరుణలేనిదే గ్రహియించలేము నీదైన శివ తత్త్వము


1.బంధాలు అనుబంధాలు నీకున్నట్టే తోస్తాయి

రాగాలు వింత మోహాలు నిన్ను కట్టిపడ వేస్తాయి

తామరాకు మీద నీటి బొట్టే కద ఐనా నీ మార్గము

ఒంట బడితె స్వామి ఇంకోటుంటుందా అంతకన్న స్వర్గము


2.రెప్పపాటులోనే తెప్పరిల్లగలుగు రౌద్రావేశము

చిప్పిల్లే కళ్ళలో కదలాడు నంతలో భోలా నైజము

చెప్పలేము కద ఎప్పుడుపోతుందొ బొందిలో ప్రాణము

ఇప్పటికిప్పుడు ఎప్పుడూ తప్పనీయకు స్వామీ నీ ధ్యానము

 రచన,స్వరకల్పన&గానం:డా.గొల్లపెల్లి రాంకిషన్ రాఖీ


అగ్నిమాపకమే లేదు ఆర్పడానికి-

నిరంతరం నను కాల్చే నీ జ్ఞాపకాలని

ప్రేమమాపకమేదీ లేదు కొలవడానికి

అపారమైన నీమీది అనురాగానికి

నా గుండె సడివి నా మది అలజడివి

జన్మలెన్ని ఎత్తినా నను వీడని ముడివి


1.నేను నిన్ను ఆరాధిస్తా ప్రియమైన దేవతగా

నన్ను మాత్రం పరిగణించవు నీ కనీస భక్తుడిగా

షరతులంటు ఉంటాయా ప్రణయాను బంధాన

అవధులంటు ఉంటాయా ఆత్మలేకమయ్యాక

నా గుండె సడివి నా మది అలజడివి

జన్మలెన్ని ఎత్తినా నను వీడని ముడివి


2.గులాబివే నీవు ఘుమఘుమలు గుభాళిస్తూ 

కంటకమని నను భావించినా వెన్నంటి కాపుకాస్తా

సితారవే నీవు మంజుల స్వరములు రవళిస్తూ

తప్పని తప్పెటనై విప్పిన గుప్పిటినై లయకూరుస్తా

నా గుండె సడివి నా మది అలజడివి

జన్మలెన్ని ఎత్తినా నను వీడని ముడివి

Friday, December 23, 2022

 రచన,స్వరకల్పన&గానం:డా.రాఖీ


రాగం:ఖరహర ప్రియ


జయము నీకు జగన్నాథ వేంకటేశ్వరా

జయవిజయులు నీ భృత్యులు జగదీశ్వరా

అబ్జదళనేత్ర నీ పదాబ్జముల శరణంటిరా

కుబ్జను దయతో బ్రోచిన హరీ ననుపాలింపరా


1.దుర్జనులను నిర్జించే అర్జున రథ సారథీ

సజ్జన పక్షపాతివే ప్రభూ పక్షి వాహన ప్రణతి

ముజ్జగములు కొలిచేటి అలమేలు మంగపతి

నను చేర్చుము వేగిరముగ స్వామి కైవల్య గతి


2.రుజలను బాపగలుగు వైద్య ధన్వంతరి

ప్రజలను ప్రేమ మీర ఆదరించు మురారి

శత్రు భంజనా విప్ర వినుత నిరంజనా శౌరి

ప్రభంజన సూన వందిత వందనమ్ము మనఃసంచారి

 రచన,స్వరకల్పన&గానం:డా.రాఖీ


రాగం:ఖమాస్


అందాలకు లోగిళ్ళు అరవిరిసిన ఆ కళ్ళు

ఎంతగా చూసినా తీరవు నా చూపుల ఆకళ్ళు

కళ్ళు కళ్ళతో కలిపామా వేస్తాయి సంకెళ్ళు

అప్సరసల మనోహర నేత్రాల కవి నకళ్ళు


1.అలవోకగ చూసినపుడు అల్లనేరేడు పళ్ళు

క్రీగంట చూస్తేనో కొంటె కోణంగులా జంట మీనాలు

అబ్బురాన విప్పారితె తామర పూరేకులు

రెప్పలల్లార్చినపుడు తళుకుమనే తారకలు


2.నవరసాల నొలికించే అభినయ తారలు

విశ్వభాష పలికించే అపురూప యానకాలు

ఎన్నటికీ ఎండిపోని గుండె ఊట బావులు

ఇరు మనసుల కలిపేటి వింతైన వంతెనలు

 


https://youtu.be/w2SVrgaGNqE?si=O72i0C1Y9Dzle2E0

30) గోదాదేవి ముప్పయవ ఆఖరి పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:సిందు భైరవి


ఆచరణతొ ధన్యమగును జీవితము

శ్రీ రంగని కొలిచే  తిరుప్పావై వ్రతము

ధనుర్మాస మార్గళి నియమానుసారము

నోము నోచినంత తీరేను వాంఛితార్థము


1.సాగర మథనాన గిరిధర కూర్మావతారుడు

దానవుడగు కేశిని సంహారించినట్టి కేశవుడు

గోదాదేవి పాశుర వినుతుడు గోపాల కృష్ణుడు

ఆముక్తమాల్యద దాల్చిన ఆండాళ్ ప్రియవరుడు

కరుణించును వ్రత ఫలమున శౌరి భక్త వరదుడు


2.విష్ణుచిత్తుని ముద్దుల పట్టి గోదాదేవియే కవై

గోపికల అనుభూతులనల్లిన మాలే తిరుప్పావై

పఠితులకవి వరలును ఇహపరసాధకమగు త్రోవై

మన్నించును దోషములను హరి మననేలే ప్రభువై

నడిపించును సన్మార్గము మనల శ్రీ మహావిష్ణవై

 

https://youtu.be/kzXe_IQJ19I?si=AF9bX8SpTtBZnA6z

29) గోదాదేవి ఇరవై తొమ్మిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:షణ్ముఖప్రియ


వేగుచుక్క పొడవగనే

వేకువనకు మునుపుననే

చేరవచ్చినాము నీ పదసన్నిధికి

పాటపాడుతున్నాము నీ సుప్రభాత సేవకి

మేలుకోరా శ్రీనాథా శ్రీరంగనాథా

మా మేలుకోరే గోకుల గోపీనాథా


1.యాదవుల ఇంటిలో నీ సామాన్య జీవనము

గోవులకాచే గొల్లపిల్లవాడిగా సాగే నీవే ఆదర్శము

కొంటెచేష్టలు కోణంగి ఆటలు మామూలుగా మనడము

అంతలోనె వింతగొలుపు లీలలతో నీ శౌర్యమే ఆశ్చర్యము

మేలుకోరా నందనందనా మందస్మిత వదనా

మా మేలుకోరే యశోదా కిశోరా మురళీధరా


2.అన్యథా శరణం నాస్తి మాకీవే శరణాగతి

నీ దాసాను దాసులకు సైతం మా పబ్బతి

నిరంతము నిన్నే తలవనీ చెలఁగెడి మా మతి

మా మనోకామన లీడేర్చి మము  చేర్చుము సద్గతి

మా నోము ఫలమే పరమార్థ సాధనము

మమ్మేలుకొనగ మేలుకో గోవిందా అనుదినము

Tuesday, December 20, 2022

 

https://youtu.be/aD7a9UPeZjM?si=a7bXqvKvSysB7gnM

28) గోదాదేవి ఇరవై ఎనిమిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:కళ్యాణి


దయనే కురిసేటి కన్నులతోటి మము కన్నయ్యా

గోకులమంతా మురిసేటి వెన్నలాంటి మనసున్నయ్యా

నందకిషోరా నవనీతచోరా రేపల్లె అల్లరి నల్లనయ్యీ

గొల్లభామల ఉల్లములే కొల్లగొట్టిన కొంటె కిట్టయ్యా

నీ చెలులము నిను చనువుగా ముద్దుపేర్ల పిలిచేము

అలుగక చెలఁగక అడిగినవొసగి నెరవేర్చు మా నోము


1.పశువుల కాపరులము ఐనా నీకు కాముపరులము

అన్నెం పున్నెం ఎరుగని అన్నుల మిన్నలం గోపకన్నెలం

అమాయకపు భామలం మోహన కృష్ణా నీ మాయకు అధీనులం

త్రికరణ శుద్ధిగా ప్రభూ నిన్ను మాత్రమే నమ్ముకున్న దీనులం


2.నీ పదధూళితో పునీతమైంది మా గోకులమంతా

ఏ సంచిత కర్మతోనో గడిచింది బ్రతుకంతా నీ చెంత

ధన్యమాయే మాజన్మ నీవల్ల తొలగేను మా యే చింత

ప్రసాదించు స్వామి పురుషార్థాలను హే అనంతా


https://youtu.be/pJeoIwrJ8PI?si=Qe3P0C1fuGRMeyw3

 27) గోదాదేవి ఇరవై ఏడవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:హిందోళం


వాంఛితార్థ దాయకా-యదుకుల దీపకా

మాధవా కేశవా గోవిందా మనసిజ జనకా

కరివరదా వరములీయి కనికరముతొ మాకికా

వ్రత ఫలమును అందీయవొ జాగు సేయకా


1.సామగ్రీయుటె కాదు స్వామి తీర్చాలి మా కోరిక

లోకులంత చకితులై చూడగ మానోము వేడుక

రవ్వల గాజులు మువ్వల పట్టీలు చెవికమ్మలు

కంకణాలు కేణీలు మాకొసగుము పసిడి నగలు


2.పట్టుచీరలేకట్టి నగలన్ని మా మేన దిగబెట్టి

పరమాన్నము వండి పెట్టి నీకు నైవేద్యమెట్టి

జుర్రాలి పాయసాన్ని కమ్మని నేయిని కలిపిపెట్టి

ప్రసాదించు ఈ రీతి నోముఫలము జగజ్జెట్టీ

 

https://youtu.be/x-s9SF70vbs?si=5FqyMjNvqoLoKzW3

26) గోదాదేవి ఇరవై ఆరవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:అమృత వర్షిణి


నిమిత్తమాత్రులమే మేము శ్యామసుందరా

నీ ప్రేమ పాత్రులమే ప్రభూ ప్రేమ మందిరా

కర్తా కర్మ క్రియా సర్వం నీవే ఆశ్రిత వరదా మాధవా

మనసా వాచా కర్మణా నిను నమ్మితిమి ఆపద్బాంధవా


1.వ్రతాచరణలో అర్చనకై వలయు సరంజామా

అమర్చవయ్యా తగువిధి నీ కరుణే మాకు ధీమా

శంఖము ఢంకా గంటలు తప్పెట తాళవాద్యాలు

మంగళ మాణిక్యాలు ధ్వజారోహణకై పతాకాలు


2.మంగళా శాసన పరులు ఆచార్య భూసురులు

నీ ధ్యానమగ్నులు నిత్యాగ్నిహోత్రులు యాజ్ఞికులు

నిష్ఠతో చేసేము కృష్ణా తిరుప్పావై వ్రతాచరణ రీతులు

సిద్ధింపజేయవయ్యా దయతో నీవు వ్రత ఫలశ్రుతులు

Monday, December 19, 2022

 https://youtu.be/UtB6oxI59fw?si=RQ4HOESefvcrc1uC


25) గోదాదేవి ఇరవై ఐదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:రేవతి


అష్టమ గర్భాన అష్టమీ తిథి రోజున

జన్మించినావు దేవకీదేవికి చెఱసాలన

చేరినావు కృష్ణా యశోదానందుల గృహము నందున

గోలలే చేసినావు లీలలే చూపినావు (వారి) భాగ్య వశమున


1.మేనమామ కంసుని నిను దునిమే యోచనని

వమ్ము చేసినావు దమ్ముచూపినావు దుమ్మురేపినావు

మీ తలిదండ్రుల ఖైదు చేసిన మథురాధీశుని గని

రొమ్ము చరిచినావు నేలకూల్చినావు చంపివేసినావు


2ఎన్నని కొనియాడదము నీ లీలని యదుభూషణా

నిన్నే శరణంటిమి బ్రోవగ మాపై ప్రేమగొన్న శ్రీ కృష్ణా

కోరివచ్చినాము వరమీయవయ్య మాకు పురుషార్థాలను

దయచేయవయ్యా మేము చేసెడి వ్రత పరమార్థమిలను

 రచన,స్వరకల్పన&గానం:డా.రాఖీ


నువ్వు నేనుగా మారిచూడు

నా అడుగులలో అడుగిడి నడు 

నిరంతరం నాఎద ఆరని కాడు

దరికొస్తే తెలుస్తుంది ఆ ధగడు


1.మనస్ఫూర్తిగానే చేస్తా నా ప్రతి చర్య

కోరుకుంటానదే ఎదుటివారి ప్రతిచర్య

నీ పట్ల నా తీవ్రతను అలా తీసి పారేయకు

అందరిలా నను జమకట్టి కొట్టి పారేయకు


2.ఉంటే ఉండాలి ఇరువురమొకటై

వద్దంటే మన ఇంట్లోనే మన ఇష్టమై

బరిలోకి దిగిపోయాకా ఇంకా ఇంత దూరాలా?

పరస్పరం అనవరతం మనమే మది దూరాలా!

 రచన,స్వరకల్పన&గానం:డా.రాఖీ


వాలు కన్నులు నాపై-వాలుతున్నవి

చిలిపి నవ్వులు నన్నే-ఏలుతున్నవి

బిగబట్టిన పెదాల ఎరుపే-మెరుపులీనుతున్నది

పట్టిపట్టి పదేపదే నను-నీ చూపు లాగుతున్నది

నేనోపలేనే ఎడబాటునీ-మన్నించవే నా పొరపాటునీ


1.నా బింకం సడలుతున్నది నీ పొంకం ముందు

నా గర్వం అణుగుతున్నది ఊహించగ నీ పొందు

కైపులో ముంచుతున్నది నీ అందం మత్తు మందు

దాసోహం దాసోహం ప్రేయసీ ఇంతకన్న ఇంకేమందు

నేనోపలేనే ఎడబాటునీ-మన్నించవే నా పొరపాటునీ


2.బెట్టునంత కట్టకట్టి కలిపేసా నది గోదాట్లో

పట్టుబట్టి దూరంపెట్టి నను ముంచకు నట్టేట్లో

మట్టిగొట్టుక పోతానే నన్నంటి ముట్ట నట్టుంటే

కంటికే కనిపించనే  కంటగింపుగా జమకట్టుంటే

నేనోపలేనే ఎడబాటునీ-మన్నించవే నా పొరపాటునీ

 

https://youtu.be/CM-0jPiyKcE?si=ZDvNbWdVTtSIFzes

24) గోదాదేవి ఇరవై నాలుగవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:బృందావన సారంగ


మూడు అడుగులతోటి ముల్లోకములు గొలిచి

కీర్తినొందిన శ్రీ కృష్ణమూర్తీ 

నీ పాదపద్మాలకు ఇదే శుభ మంగళం

ఆజానుబాహులతో శరపరంపర వైచి

లంకేశు కూల్చిన కోదండ పాణీ

నీ బలమైన కరములకు జయ మంగళం


1.చిననాటనే అకటా !శకటాసురుని ద్రుంచి

వాసికెక్కిన వాసుదేవా నీకు సుమ మంగళం

వృత్తాసురుని వడిసెల రాయిగా విసిరిన హరీ

వీరగాథతో అబ్బురపరచిన నీకు కర్పూర మంగళం


2.గోటితో గోవర్ధన గిరినెత్తి గోకులాన్ని కాచినా

గోపాలకృష్ణా నీ అపార కృపకిదే భవ్య మంగళం

కపిత్థాసురాది శత్రువులను వధియించిన

సుదర్శన చక్రధారీ నీ శౌర్యానికిదె దివ్య మంగళం


3.జయమంగళం నిత్య శుభమంగళంబనుచు

నీ లీలలు మహిమల గుణ గానమే మావ్రతం

ఇహపరములందును పరమార్థమొందుచును

తరియించగా సిద్ధింపజేయుమా మా నోము ఫలితం

 https://youtu.be/ovxNA3qH1Rc?si=vVzfj30Ai1ADPIcu

రచన,స్వరకల్పన&గానం:డా.రాఖీ


రాగం:శుభ పంతువరాళి


జయ జయ జయ శంభోశంకరా

జయ త్రిపురాసురవిజయ శుభకరా

జయ పార్వతీ వల్లభా మనోహర హరా

జయ గోవిందార్చిత భవహరా పరా


1.నీ పదధూళి మాకు పరమపావనం

నీ తాండవకేళి కనగ తరియించును జీవనం

చంద్రమౌళీ నీ అభిషేకమే కైవల్యదాయకం

శుభపంతు వరాళీ రాగాన్విత గాన ప్రియం


2.పత్రం పుష్పం ఫలం తోయం కావు విశేషం

శివా నీ ఆరాధనకై వలయు నిర్మల మానసం

నిశ్చలమైన భక్తి మూఢమైదైనా కాదు దోషం

శ్రీ కాళ హస్తి చరిత తెలుపునదియె సందేశం

 

https://youtu.be/EO4VgWAKFS8?si=mwlo1Ts9i2pPYx-3

23) గోదాదేవి ఇరవై మూడవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:సింహేంద్ర మధ్యమం


దయచేయవయ్యా నవనీత హృదయా మాపై

దయచేయగ నీతలపులు మదిలో పొద్దూమాపై

వానకారున కుహరాన నిదుర చెదిరిన హరి రూపై

ఒళ్ళు సాగదీసి జూలును విదిలించి గర్జించిన సొంపై

నల్లనయ్యా నీ కృపతో వ్రత ఫలితము దక్కు మా మదికింపై


1.సర్వాలంకార శోభితుడవై  సభ కరుదెంచి

రత్నఖచితమౌ సింహాసనమును అధిష్ఠించి

విన్నపాలనాలకించి ఆపన్నుల అనుగ్రహించి

పరిపాలించెదవు నిఖిల జగతికి శుభములు కూర్చి

నల్లనయ్యా నీ కృపతో సత్ఫలితమునందేము వ్రతమాచరించి


2. నందకిషోర సందడిజేయగ వేంచేయరా

యదుకుల వీర గోవర్ధన గిరిధరా బలరామ సోదరా

పీతాంబరధారి వైజయంతి వనమాలి జగదీశ్వరా

కస్తూరితిలకాంకిత కౌస్తుభాలంకృత మరళీధరా

నల్లనయ్యా నీ కృపతో సత్ఫలితమునందేము వ్రతమాచరించనీయరా

Saturday, December 17, 2022

 

https://youtu.be/hyAToMyzAJE?si=uLFm9VePZ3eZbYS4

22) గోదాదేవి ఇరవై రెండవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:చారుకేశి


సురలు భూధరులు మునివరులు

నీ మేలుకొలుపుకై పడుదురు పడిగాపులు

అధికార మదమునొదిలి దేహమోహమూ వీడి

నీదరి కరుదెంచి నీ దయనాశించెడి పగిది

మేమంతా కూడివచ్చి నిలిచితిమి నీదివ్య సన్నిధి


1.విచ్చిన తామరల తీరు తెరువు ప్రభూ- నీ నేత్ర యుగళి

చల్లని కరుణను ప్రసరించు స్వామి-గొని వేగమే జాలి

మువ్వగోపాలా అలరించనీ అందమైన నీ నవ్వుల సరళి

మ్రోగించవో హృదయాను రాగాల తేల నీ మోహన మురళి


2.జగద్రక్షకా చాలించు నీ పరీక్ష ఓపలేము ప్రతీక్ష

సత్ఫలితమునందగా పూర్తిచేయనీ  శ్రీ వ్రత దీక్ష

నీ కృపాకటాక్ష వీక్షణతో పాపములే హరించ నీవె రక్ష

మేలుకొనవయ్య మమ్మేలుకొనగ నమో పుండరీకాక్ష

రచన,స్వరకల్పన&గానం:డా.గొల్లపెల్లి రాంకిషన్ రాఖీ


రాగం:హంసానంది


నేలబాట పట్టింది మేఘమాలిక

నీ కురులు చూస్తె తోచిందీ పోలిక

సుందరాంగుల లోకానికి నీవే ఏలిక

దిగిరావే ఒదిగిపోవే నీతోడే కావాలిక


1.నీ పలువరుసే ముత్యాల పేరు

నగవులందు వెన్నెల సెలయేరు

చెంపల సొట్టలలో పుట్టతేనెలూరు

కెంపులే పెదాలకే అరుణిమనే కూరు


2.చుక్కే దాక్కుంది ముక్కుపుడకతో పడక

కనుబొమలే సుమధనువై దోగాడిన వేడుక

నీ కనులే మీనాలై నా చూపుల వలలలో పడక

నీ తలపుల తూపులతో అంపశయ్య నా పడక

 https://youtu.be/m49YERE0gAU?si=vX_j5hT_FUYxJD82

రచన,స్వరకల్పన&గానం:డా.రాఖీ


పాడిందే పాడి పాడి-వేడిందే వేడి వేడి

విసిగినాను విప్పలేక బ్రతుకులోని చిక్కుముడి

అనుకున్న ప్రతిసారీ అడుగులు తడబడి

వేంకటేశ పనికిరాద వసతికి నా గుండెగుడి

మొక్కుచుంటి మొరవినమని స్వామీ సాగిలబడి


1.పడగెత్తి బుసకొట్టు పాము నా కోపము

పవళించవయ్యా చేకొని నీ  శయ్యాతల్పము

రెక్కలను సాచి ఎక్కడికొ ఎగిరేటి పక్షి నా కామము

ఎక్కి తిరుగవయ్యా చక్కని గతి వదలక ఏ క్షణము

చెలఁగేనా గుణగణములు చేయనీ నీకై కైంకర్యము


2.నా జీవితదశలు నీ దశావతారాలుగను

తల్లిగర్భాన చేపను శిశువుగ తాబేలును

ఉచితా నుచితములెరుగని వరాహము మృగమును

మరియాద రామునిగా మనుటకొరకు వగచెదను

గీతా కృష్ణునిగా జీవన పరమార్థమెరుగ ప్రార్థించెదను

 

https://youtu.be/xQ8YVPH04lU?si=Trr0j6UDdRXoAtPv

21) గోదాదేవి ఇరవైఒకటవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:చక్రవాకం


గోవర్ధన గిరిధారి గోకుల శౌరి

గోవింద నామాంకిత కృష్ణా బృందావిహారి

అభివందనచందనాలు నీకు మురారి

నిను లేపగ వచ్చితి నీ నీలను గోదా బృందముచేరి

నిదురలేచి సిద్దపడగ నోముఫలముకై నిను కోరికోరి


1.కుండలు నిండిపోగ దండిగ పాలుపొరలెడు

ఆవులమందలకే అధిపతి మా నందగోపుడు

యశోదానందులకే గారాల సుతుడవు

ఈ నీలా సుందరికే  ప్రియతముడవు నీవు

నిదురలేవవయ్యా నీవే నిజమగు ఆశ్రితవరదుడవు


2.సర్వస్య శరణాగతివేడి అంకితమైతిమి

శత్రుంజయ సురేంద్ర విజయ నమోనమామి

నీవారము మేము వరమిచ్చేవని వచ్చితిమి కరుణించెదవని నిన్నూ మనసారా నమ్మితిమి

కనికరించి నిదురలెమ్ము తరించెదము నోమునోమి

 

https://youtu.be/qiIMpX9cFUg?si=fGdpeq34vVl7QVVL

20) గోదాదేవి ఇరువదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:ఆనంద భైరవి


నగుమోము రూపుడు నారద వినుతుడు నిరంజనుడు నీల శరీరుడు నులివెచ్చని దేహుడు నూఱుతప్పులు సైచినవాడు నృత్యప్రియుడు నెచ్చెలులు మెచ్చువాడు నేరేడు కనులవాడు నైకమాయు మిత్రుడు నొడుగు తేనియవాడు /

నోము ఫలమువాడు- నౌచరుడు భవజలధికివాడు/

నందకుమారుడు ఆనందకరుడగువాడికి నమో నమః


1.సురలకు సైతం భయహరుడు శ్రీ కృష్ణుడు

తెల్లారినా తెగదా గోపాలా నిను మేలుకొలుపుడు

స్వర్ణ కలశస్తని ప్రవాళ అధర భామిని నీలామణీ

నాజూకు నడుమున్న నీలాదేవీ నీవే భూ సిరివి

హరిని మనోహరుని మేల్కొపి సిద్ధపరచు జాగుమాని


2.నగధరునికి ప్రియ సతివని కోరితిమి శరణము

అందీయవె నోముకై వలయు ఆలవట్టం,దర్పణము

సపర్యలే చేయుచు సహకరించవే నందకిషోరునికి

నీరాడగ జేయవే నీ ప్రియ వరదుడిని మాతో కూడి

మదనగోపాలుని పదిలముగా లేపవే బ్రతిమిలాడి

Wednesday, December 14, 2022

 రచన,స్వరకల్పన&గానం:డా.రాఖీ


నిష్కారణ స్వేచ్ఛ పుష్కలమగు స్వేచ్ఛ

స్వతంత్ర భారతావనిలో యధేచ్ఛగా స్వేచ్ఛ

స్వేచ్ఛా భారత్ మనది అచ్ఛా వతన్ మనది


1.మతస్వేచ్ఛకు కొదవేలేదు వాటంకొద్దీ కప్పదాటు

వాక్స్వేచ్ఛకు అదుపేలేదు బూతులతో మాటల కాటు

వస్త్రధారణ మనోభీష్టం నప్పకుంటె మనకేం నష్టం

మనోభావాలు సుస్పష్టం దృష్టికానకుంటే దురదృష్టం


2.విద్యా వైద్యం ప్రాథమిక హక్కు ధనికులకే దక్కు

వాహనదారులు రాదారి నియమాలు తుంగలొ తొక్కు

ఊసరవెల్లులై రాజకీయనాయకుల రంగులు పెక్కు

కట్టుబాటు కలిగిన స్వేచ్ఛ స్వాతంత్ర్యమై గణుతికెక్కు

 

https://youtu.be/4wjTJVmoTag?si=vGWBIYjGgkFhDhtl

19) గోదాదేవి పందొమ్మిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:కాపి


కాటుక కళ్ళతో కళకళలాడే నీలాదేవీ నీకు వందనం

కనికరముతొ సడలించు స్వామికి నీ కౌగిటి బంధనం

మత్తిలి నిదురించసాగే నీలాధవుడు మాధవుడు

వత్తిగిలి పడుకోక ఇరువురు లేచి మము దయగనుడు

వ్రతముపూర్తి చేయించి మాకు వరములొసగుడు


1.వేకువ తలపించదు వెలిగే దీపపు సెమ్మెలతో

లేవాలనిపించదు పడక దంతపు మంచమ్ముతో

నీలా కావలించగా ఏదీ కావాలనిపించదుగా శిఖిపింఛమౌళీ

నిదురలేవవయ్యా మమ్ముద్ధరించ చాలించి నీకేళీ


2.ఎవరికి మాత్రము వదలగ తరము ప్రియపతిని

చివరికి మాకైనా వీడగకాదువశము నీ స్థితిని

నీలాసుందరీ గొప్పమనసు నీది మన్నించు మా అల్ప మతిని

స్వామిని ప్రేమతో మేలుకొలుపగలిగేది నీవేనని నమ్మితిని

Tuesday, December 13, 2022

 https://youtu.be/_6zJtODPjxI?si=ILLI0B6SYd6Xhgvv


18) గోదాదేవి పదునెనిమిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:శ్యామ 


నీలిమేఘశ్యాముని కృష్ణుని నీ నాథునిగాగొని

నందగోపరాయుని ముద్దుల కోడలైన భామిని

నీలాసుందరి దేవీ నిదురలెమ్ము సతీశిరోమణి

ఫలింపజేయి శ్రీనోము నోచెటి మా మనోకామనని


1.పరిమళాలలు వెదజల్లే  నీలి కురుల ఓ రమణి

తొలికోడి కూస్తోంది తలుపు తెరువు శుభ తరుణి

పికమాలపిస్తోంది గురువిందతీగ పందిరిపై కూర్చొని

గడియతీయి  పూమంజరి గొనినచేత ఓ గజగామిని


2.కెందామరలైతోచు నీ సుందరమగు చేతులు

కదలమెదల పలుకును నీగాజులు సంగీతసంగతులు

గోవిందుని గుణగణాలు కీర్తించును మా గీతులు

తొందరించి నిదురలేచి తీయవమ్మ గది తలుపులు

 రచన,స్వరకల్పన&గానం:డా.రాఖీ


పిల్లనగ్రోవి నా మోవే-ఉల్లము నీ తావే

నీ ఉనికి తెలిపేను మొగిలిరేకు తావే

వదలక నను ముద్దూమురిపాలలొ ముంచుతావే

వేణుగోపాలా మువ్వగోపాలా నందగోపాలా

వందనాలు వందనాలూ ఆనందగోపాలా


1.నా అధరము మృదువుగ నీవందగను

సుధలూరును మధుర నదమూ పారును

వనమాలి శిఖిపింఛమౌళి రాసకేళి తలచను

మరులూరును మనమున మయూరమాడును

వేణుగోపాలా మువ్వగోపాలా నందగోపాలా

వందనాలు వందనాలూ ఆనందగోపాలా


2.దోబూచులాడేవు నా మది గది లో నక్కి

దొంగాటలాడేవు  నెమ్మదిగా నాలో నను నొక్కి

తిప్పలుబడి పట్టినా తప్పించుకుంటావు చిక్కినట్టె చిక్కి

తరింపజేయరా అలసితిని ఇకనైనను నాకు దక్కి

మదనగోపాలా కదనగోపాలా ఎద సదన గోపాలా

కృష్ణ గోపాలా నీపై తృష్ణ గోపాలా నీ లీలనాపాలా

Monday, December 12, 2022

 రచన,స్వరకల్పన&గానం:డా.రాఖీ


మతమొకడికి గతమొకడికి

ప్రాంతీయ ఊతమింకొకడికి

జనహితమెవరికీ పట్టదు ఎప్పటికీ

నలుగుతోంది నాదేశం నేతల మధ్య

నవ్వులపాలౌతోంది బూతుల మధ్య


1.తాతలు తాగిన నేతుల  సంగతులే

చేజేతులారా చేజార్చుకున్న అధిపతులే

సత్తువకొరవడినా వింత వారసత్వ ఒరవడి

ఎందుకు కొఱగాక తందనాలాడే చతికిలబడి


2.మసిబూసి మారేడు కాయజేసి కాజేసి

మంచి మనుషుల మధ్యన విద్వేషాలే రాజేసి

అరచేత స్వర్గం చూపించేసి మోచేయినాకించేసి

వ్యాపారుల పాలైనా రాజకీయాల ముసుగులేసి


3.కొట్టిన ఉట్టిని పంచిపెట్టలేక బుట్టదాఖలాజేసి

పట్టుబట్టి ఊపిరి బిగబట్టి ఆశావాదులనంత పోగేసి

కాళ్ళక్రింద నేలకదుల్తున్నా గాలిలో గారడీలు చేసి

ఉన్నదీ సాధించుకున్నదీ కుక్కలు చించే విస్తరి చేసి

https://youtu.be/ghffvMxFri8?si=wh9YMoxFwbcBbEup


 17) గోదాదేవి పదిహేడవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:భీంపలాస్(అభేరి)


తిరుప్పావై వ్రతమొనర్చు తరుణులము

వ్రతఫలితము మాకొసగగ మీరే శరణము

గోపకుల గోపాలకుల ఏలికా

నందగోప స్వామీ మేలుకోఇక

ఏలోటు రానీయక మమ్మేలే మారాజా

మాకు మేలుకూర్చగా మేలుకో రవితేజా


1.అన్నపానాదులకు ఉన్ని వస్త్రాదులకు

కొదవలేని విధముగా మము కాచే నేతకు

యదుకుల మానినీ యశోదా భామామణీ

దంపతులిరువురు  మేలుకూర్పరో మేల్కొని


2.త్రివిక్రముడిగా మూడడుగులతో ఈ జగతిని

ఆక్రమించిన శ్రీకృష్ణ పరమాత్మా వదులు నిద్రని

రత్నకంకణధరా బలరామా విని మా మనవిని

మేలొనర్పు మాకు తమ్మునితో సహా మేల్కొని

 రచన,స్వరకల్పన&గానం:డా.రాఖీ


రాగం:ఖరహరప్రియ


కచ్ఛపి వీణా మంజుల వాద వినోదిని

ఇచ్ఛా జ్ఞాన క్రియాశక్తి స్వరూపిణి

శ్రీ విద్యా ఆత్మవిద్య పరవిద్యా దాయిని

వందే భారతీ తవ చరణారవిందమే శరణాగతి


1.మూలాధార స్వాధిష్ఠాన 

 మణిపూరచక్ర   ప్రేరేపణి

అనాహత  విశుద్ధి సహిత 

ఆజ్ఞా చక్ర జగృత కారిణి

సహస్రార చక్ర సిద్ధి ప్రదాయిని


2.సప్త స్వర వర సంధాయిని

సప్తవర్ణ సంభావిత జనని

సప్త చక్రానుగ్రహ మేధావిని

సప్తధాతుయుత దేహ విదేహిని

సప్తజన్మ కృత దోషనివారిణి వాణీ

 

https://youtu.be/uFPlWTxTDeE?si=26D-47FgY53xp0ah

16) గోదాదేవి పదహారవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం: ధర్మవతి


నీదెంతటి భాగ్యమో  కక్షావేక్షకా

నందగోప  మందిర సంరక్షకా

సుందర కుడ్యాలు చెక్కణాల సౌధ ద్వారపాలకా

సుప్రభాత సేవకై స్వామి మేలుకొలుపు మా వేడుక

వేడుచుంటిమి దారివిడువు ఏ మాత్రం మమ్మాపక


1.శ్రీవ్రత దీక్షాదక్షులము మేము ముముక్షులము

యదు ముదితలము గోవిందుని కొలిచే బేలలము

నీలమణుల రుచిర దేహుడు కృష్ణుడంపె ఆహ్వానము

మురళీధరుడే వరమీయగ బాస చేసె నిన్నటి దినము


2.నీలమేఘశ్యాముని ఈవేళ నిద్రలేపుదామని

వనితలమంత గూడి తిరుప్పావై వ్రతాచరణకని

శుభోదయాన ఈ శుభసమయాన గానము చేయబూని

వచ్చితిమిటకు వారించకు మము తలుపులు తెరువగ మాని

 రచన,స్వరకల్పన&గానం:డా.రాఖీ


లోకమంతా నిదురలో జోగుతున్నవేళ…

మౌనాన్ని జోకొడుతూ మన కలయిక ఓ కల 

జ్ఞాపకాలు కొన్ని  కలబోసుకొని

అనుభూతులెన్నో నెమరేసుకొని


1.తారాడిన తారా తారా-దూరాలు దాటుకొని

వెన్నెల జల్లులలో తడిసి- జాబిలిని చేరుకొని

అలవాటుగా మాటల మల్లెలనే వాటేసుకొని

నవ్వులని నంజుకొంటూ సమయాన్ని జుర్రుకొని 

చూపుల తాంబూలంతో పెదవులెరుపు చేసుకొని


2.అలక పానుపు దులిపేసి-ఆనందపు దుప్పటి వేసి

అలుపుదీరే ఉపాయమేదో -మేనంతా శోధించేసి

వద్దన్నదల్లా వద్దకే లాక్కొని ముద్దునే ముద్దుచేసి

వలపు తలపులు తీసేసి హాయికే హద్దులు చెరిపేసి

మధురమైన తీరాలనే చేరు కోరిక తీరాలనే కృషిచేసి

 రచన,స్వరకల్పన&గానం:డా.రాఖీ


తచ్చాడుతుంది ఏదో ఒకభావం మది మాటున

పెనుగులాడుతుంది బయట పడగ ఒక్క ఉదుటున

ప్రతి పాట ప్రతిపూట మారుతుంది సవాలుగా

తనకు తానే ప్రత్యేకమై అనుభూతికి ఆనవాలుగా


1.ఎదను కదిలిస్తుంది ఒక దృశ్యం తనదైన ముద్రతో

ప్రతీకలేవో కదిలివచ్చి వరుసకడతాయి ఆర్తితో

పదాలన్ని పదిలంగా అందగించుకుంటాయి పాటలో చోటుకై

పల్లవొకటి తళుకుమని పొడసూపుతుంది చరణాలకు బాటయై


2.తొలి అడుగు పడడమే తరువాయి ఆగదు నడక 

వడివడిగా సాగును చరణాలు గమ్యానికి తడబడక

విషయమేదైనా సరే విశ్వాసమేమాత్రం సడలక

సంగీతం ఊతమై ఆహ్లాదమె ధ్యేయమై పుడుతుంది గీతిక

Saturday, December 10, 2022

 https://youtu.be/OYLlnCdeakM?si=GVgohm_lcuyNClgz


15) గోదాదేవి పదిహేనవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం: కీరవాణి


చిలుక పలుకుల ఓ చినదానా

గోవిందుని మది దాచినదానా

వేకువాయేను మేలుకొనవే వేగిరాన


కులుకులొలికే నెరజాణలారా

కాకిగోలగ సణిగే రణగొణలేలా

అందరినొదిలి ముందుగ నన్నే లేపాలా


1.మాటలతొ మాయచేసే మానినీ

సరిచూసుకో లేచివచ్చి మన లెక్కనీ

సజావుగా సాగనీవే సిరి వ్రతమునీ

ఎరుగవే రోజూ నీదే జాప్యమనీ


2.మత్తగజమునే వధించిన విధి

కంసుని సంహరించిన సంగతి

లీలామానుష వేషధారి మురారికీర్తి

కీర్తించెదము నోరారా తీరగ మన ఆర్తి

 రచన,స్వరకల్పన&గానం:డా.రాఖీ


నా కవన ఉషఃసుందరి,

నా మనోజ్ఞ రసమంజరి

నా జీవన బృందా విహారి

తరించనీ నిను నిత్యం ఆరాధించి

ఈ జన్మకు నాకదే రాసాడు విరించి


1.ముట్టుకుంటె మాసిపోవు అందము

పట్టుకుంటె నవనీతపు చందము

నీవున్న తావు పారిజాత గంధము

నీకన్న లేదు మరో పరమానందము


2.సంతూరు సంగతులే నీనవ్వులో

కోయిల గళమాధురి నీ పలుకులో

తటిల్లతలు తళుకులీను నీమేనులో

రాజహంస స్ఫురించును నీ నడకలో

 రచన,స్వరకల్పన&గానం:డా.రాఖీ


తిరువేంకటగిరి శ్రీహరి

కొలిచితి నీ పదముల చేరి

విసిగితి ప్రతిదీ నిను కోరి కోరి

నేనే నీకొసగెద ప్రాణాలైదీసారి

గోవిందా గోవిందా గోవిందా

పరమదయాళా పాహి ముకుందా


1.స్వామీ నీ నామార్థాలు నిరర్థకాలు

నమ్మితిమా  అవి అజాగళస్తనాలు

పేరుకు మాత్రం వేనకు వేలు అనంతాలు

పేరుకపోయెను తీరని మా విన్నపాలు

గోవిందా గోవిందా గోవిందా

పరమదయాళా పాహి ముకుందా


2.సర్వాంతర్యామివి నా ఎదలో లేమివి

నేననాథను ఐనా జగన్నాథుడ వైతివి

ఘటనాఘటన సమర్థుడివి నే పార్థుడిని

ఆపద మొక్కుల వాడివి నీ శరణార్థుడిని

గోవిందా గోవిందా గోవిందా

పరమదయాళా పాహి ముకుందా

 https://youtu.be/e7KRUZPHbKY?si=-ej45F8KEcPRtkqN


14) గోదాదేవి పదునాలుగవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం: హరి కాంభోజి 


కన్యకామణీ యదుకుల కలికి

అదమరిచి నిదురోయావా కలలో కులికి

అలసిపోయినావా కవ్వంతో పెరుగు చిలికి

మునగదీసుకున్నావా మము లేపెదవని బీరాలు పలికి

తయారుకావమ్మా మన సిరి వ్రతమును ఆచరించగా

శంఖచక్రధారి బృందా విహారి శౌరి లీలలాలపించగా


1)బుకాయింపు నీకేల తెల్లవారలేదని

శికాయతే ఊరంతా నంగనాచివేనని

కొలనులో కలువలే ముడుచుకొనే వేకువనేగని

ఎర్రని తామరలే విరియమురిసె రవియేతెంచునని

తయారుకావమ్మా మన సిరివ్రతమును ఆచరించగా

శంఖచక్రధారి బృందా విహారి శౌరి లీలలాలపించగా


2.గుడి పూజారుల అలజడులే వినలేదా

భక్తులు కదలాడే అలికిడి చెవిబడలేదా

నవ్వుకొందురే నలుగురు నీమొండి తనమునకు

గుసగుసలాడుదురే ప్రియసఖీ నీ పెంకె తనమునకు

తయారుకావమ్మా మన సిరి వ్రతమును ఆచరించగా

శంఖచక్రధారి బృందా విహారి శౌరి లీలలాలపించగా

 రచన,స్వరకల్పన&గానం:డా.రాఖీ


నా కలమొలికే ప్రతిగీతం

నీ తలపుల కది సంకేతం

నాదంటూ ఉండిన జీవితం

ఎపుడో చేసా నీకు అంకితం


1.విరిసిన విరులాయే 

ఉదయాన మరులన్నీ

రేయిన తారకలాయే

నే కన్న స్వప్వాలన్నీ


2.అలరించెను పరిమళమేదో 

అది నీ కురులదే  చెలీ

పులకించెను నా ఒళ్ళంతా

స్పృశించింది నిను తాకిన గాలి

 

https://youtu.be/3o5toGOulyo?si=EKCkBVq3SKdBtuej

13) గోదాదేవి పదమూడవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం

దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం: కర్ణరంజని


జాగృతి జాగృతి జాగృతి 

జాగిక సేయకు ఓ గోప పడతి

పద్మవదనా హరిణ నేత్రీ

ముగిసెను సుదీర్ఘ రాత్రి

జలకములాడే ఈ సమయాన

దుప్పటి ముసుగేయ తగునా

తిరుప్పావై నోమునోచగ-వేళమించునే

కపట నిదురమాని మా-మాట మన్నించవే


1.రావణుడి ప్రాణహారి రామ గుణ గాన లహరి

బకరాక్ష సంహారి యదునందన ముకుంద శౌరి

కీర్తనలే పాడుకొంటూ కన్యకలు చేరారు వ్రతస్థలి

పానుపింక వదిలేసి వేగిరముగ రావేమే నెచ్చెలి

తిరుప్పావై నోమునోచగ-వేళమించునే

కపట నిదురమాని మా-మాట మన్నించవే


2.గురుగ్రహం కనుమరుగై వేగుచుక్క పొడచింది

గూళ్ళు వదిలి పక్షిసమూహం నింగివంక ఎగిరింది

మిత్రుడి తొలికిరణం తూరుపింట మొలిచింది

శుభోదయం అంటూ నీకై గుడిగంటా మ్రోగింది

తిరుప్పావై నోమునోచగ-వేళమించునే

కపట నిదురమాని మా-మాట మన్నించవే

 రచన,స్వరకల్పన&గానం:డా.రాఖీ


కురులు నవ్వుతాయి-గాలికి చెలరేగి

కనులు నవ్వుతాయి- క్రీగంట కవ్వించి

పాపిటి సిందూరమూ గర్వంగా నవ్వుతుంది

పెదాలు నవ్వితే వింతేముంది 

నవ్వు మత్తుజల్లితే కొత్తేముంది

మహిమ గలదిలే చెలీ అందమైన నీ నవ్వు

మహిలోన సాటిరాదు నీ నవ్వుకు ఏపువ్వు


1.చెవి జూకాలు నవ్వుతాయి-చెక్కిళ్ళు నవ్వుతాయి

కెంపుల చెంపల సొట్టలు సైతం నవ్వుతాయి

నాసికా నవ్వుతుంది-చుబుకమూ నవ్వుతుంది

చుబుకానికున్న చిన్ననొక్కూ నవ్వుతుంది

నవ్వుకు నిలువెత్తు రూపం నీది

నవ్వుకు సరియైన విలాసం నీమది


2.నవ్వుల పాలైతాయి -లోకంలో ఎన్నోనవ్వులు

జీవమే లేక పూస్తాయి కొన్ని ప్లాస్టిక్ పువ్వులు

జలతారు ముసుగులవుతాయి-మోముకు కొన్ని నవ్వులు

ఎద వేదన పదిలంగా కప్పిపుచ్చుతూ నవ్వులు

మహితమైన మణిరత్నం అపురూపపు నీ నవ్వు

మహిళలంత కుళ్ళుకునేలా కాంతులెన్నొ రువ్వు

Wednesday, December 7, 2022

 

https://youtu.be/Xe7Y7_w-wsI?si=vy-TS74sZQOQPjAH

12) గోదాదేవి పన్నెండవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం: హంసానంది


కదలవే సుందరి గోపికా తక్షణము 

నిష్ఠగ చేయగా తిరుప్పావై వ్రతాచరణము

పొందెదము మనమిక శరణము 

రాయినే రమణిగ చేసిన  రామ చంద్రుని చరణము


1.పశుసంపద మిక్కిలి గల యదు శ్రేష్ఠుని చెల్లెలా

లేగలు పొదుగులు చేపగ కారిన పాలాయే బురదలా

మంచు కురియ తలలు తడవ వాకిట మాకేలా నీకై ఈ కాపలా

పండుకొన్నదిక చాలు లేలే ఇక గారాలు పోమాకే పసి పాపలా


2.తండ్రిమాట జవదాటని సాకేత రాముని కథను

పతి బాటను చేపట్టిన మహిజ సీత పాతివ్రత్య చరితను

తన సతినపహరించ దశకంఠు దునిమిన కోదండరామ గాథను

ఎలుగెత్తీ ఆలపించ వినిసైతం లేవనట్టి నీదెంతటి విడ్డూర మననూ

 రచన,స్వరకల్పన&గానం:డా.రాఖీ


పొరపొచ్చాలే ఎరుగనిది

తెరచిన మనసుతొ  మసలేది

మన్నింపెన్నడు కోరనిది

ఎదీప్రతిగా  ఆశించనిది

చెలిమి కన్నా కలిమే లేదు జగనా

తన పర భేదమె కనరాదు స్నేహానా


1.మంచీ చెడులను వివరించేదీ

 తప్పుల నెన్నక సవరించేదీ

ఒంటరితనమును మరపించేది

అండగ ఉంటూ నడిపించేది

చెలిమి కన్నా కలిమే లేదు జగనా

స్వార్థపు ఛాయే కనరాదు స్నేహానా


2.ఎందరు ఉన్నా ముందుగ మెదులును నేస్తం

ఖేదం మోదం పంచుకొనుటకు తానే సమస్తం

చీకటి కమ్మిన వేళలలో మిత్రుడే మనదారిదీపం

పూర్తిగ నమ్మెడి ఆప్తుడొకడే పరమాత్మ రూపం

చెలిమి కన్నా కలిమే లేదు జగనా

వంచన యన్నది కనరాదు స్నేహానా

 రచన,స్వరకల్పన&గానం:డా.రాఖీ


ఇంతి నీ అణువణువున  చంద్రకాంతి

పూబంతి నీ మోము కనగ మదికి ప్రశాంతి

నిలువెల్లా వెల్లువై తెలుపు తెలుపుతోంది

పాలని బోలిన స్వచ్ఛత నీ మనసుదంది


1.తెల్లచీర అందాన్ని సంతరించుకొంది

నీ తనువును పెనవేసి పులకించింది

తల్లోన మల్లెమాల తరించిపోయింది

నీ కురులను అలరించి పరవశించింది


2.ఫక్కున  నవ్వితే పల్వరుసే వజ్రదంతి

మిక్కిలి పరిమళమే నీకడ తెల్లచామంతి

చుక్కల మెరుపంతా నీ అక్కున జేరింది

నీ కదలిక తటిల్లతగ చూపరులకు తోచింది

Tuesday, December 6, 2022

 

https://youtu.be/sh4Lqtrxw5c?si=4PRr86n5jPbQ47Ly

11) గోదాదేవి పదకొండవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం: మోహన


భామామణీ గొల్లభామామణీ

అందరిలోకి నీవె అందాల భరణి

యదుయోధుల వంశజవయ్యీ రాజిలు రాణి

సుగుణశీలివి ధైర్యశాలివి స్వర్ణలతాంగి రమణి

సుప్రభాత సమయమాయె వ్రతపు నియమమాయే

త్వరపడి నిదురలేచి రంగని మార్గళిసేవకు చనవాయే


1.వనమయూర ఛాయతో వరలే వనితామణీ

నీ జఘనము తలపించునే విప్పిన నాగ ఫణి

ఇరుగుపొరుగు ఇంతులు పాడిరి కృష్ణగీతాలని

ఎంతకూ ఉలకవు పలకవు కారణాలేవొ పూని


సుప్రభాత సమయమాయె వ్రతపునియమమాయే

త్వరపడి నిదురలేచి రంగని మార్గళిసేవకు చనవాయే


2.ఒరులకు బుద్దిగరపు శుభలక్షణ లక్షితవు

శ్రీ వ్రత నియమాలు నీవె దీక్షగ పాటింతువు

ఆవుల పొదుగుల పాలు పితుకు సడినీ వినవు

చెలులమంత చేరిచేసే ఈ అలజడినీ కనవు


సుప్రభాత సమయమాయె వ్రతపునియమమాయే

త్వరపడి నిదురలేచి రంగని మార్గళిసేవకు చనవాయే

 రచన,స్వరకల్పన&గానం:డా.రాఖీ


తిరిగి చూసుకుంటే-చిత్రమైన పరిచయం 

ఏ విధి పెనవేసెనో-మన పవిత్ర స్నేహం

ఎడారిలో దొరికింది-అమృత మైత్రి కలశం

మండుటెండలో నేస్తం-మలయ సమీరం


1.కలిసిన అభిరుచులే పెంచెను అభిమానము

వెతలో కలతలో మనకు చెలిమె సాంత్వనము

వెన్నుతట్టి ప్రోత్సహించు అతులితమౌ ప్రేరణము

కన్నుకు రెప్పలాగా నిరతము కాపెట్టే సాధనము

 

2.రంగు రూపు ఏదైనా మనసుల సాంగత్యము

  ఆడా మగయన్నదేది కాదొక అవరోధము

ధనిక పేద భావనలకు తావీయదు ఆభిజాత్యము

పరస్పరం అనుక్షణం హృదయాంతర ప్రియత్వము

 రచన,స్వరకల్పన&గానం:డా.రాఖీ


ఉసిగొలుపుతున్నాయి నీ మేని మిసమిసలు

కసిపెంచుతున్నాయి నీ వొంటి పదనిసలు

పసివాడినే ప్రేయసీ మసిచేయకే ముసిముసిగ నవ్వేసి

వసివాడి పోయానే నిన్నే చూసి చూసి చూసి కళ్ళే తేలేసి


1.రసాభాస కానీకు నువు చేసిన బాసలన్నీ

గాలిమేడలవనీకు నీవాడిన ఊసులన్నీ

ఊసూరంటూ ఉన్నానే ఊరించకు ఇక నన్ను

ఉప్పెనయై ఎగసే కెరటం వారించకు నా తపనను


2.మూలకున్నవాడిని ముగ్గులోకి దింపావు

వలపులన్ని రంగరించి మనసుమీద వంపావు

పద్మవ్యూవ యుద్ధరచనలో అభిమన్యుడ నేను

సంసిద్ధమై దూకానంటే వెన్నుచూపి మనలేను

 రచన,స్వరకల్పన&గానం:డా.రాఖీ


నీలినీలి కోకలోన కోమలాంగి

అప్సరసగ తోచావే ఓ శుభాంగి

నీ పలుకులు తలపించును సారంగి

మహిలోన సాటిలేదు నీ అందానికి ఓ సంపంగీ


1.అజంతా చిత్రాలు గీసింది నిను చూసే…

ఎల్లోరా శిల్పాలలోనూ అట నీ రూపసే

ఇంద్రధనుసు కున్నదంత నీ సొగసే

పరవశమై పోయింది నినుగని నా మనసే


2.వాలిన నీ రెప్పల వెనుక నను స్వప్నమవనీ

మెరిసే నీ బుగ్గలపైన నును సిగ్గునవనీ

మందార అధరాలపై చిరునగవు నవనీ

నీ నుదుట సిందూరమై నను చెలఁగనీ

Monday, December 5, 2022

 

https://youtu.be/w1PY17zB4Ik?si=4V1Q5aK-Uax0y7xN

10) గోదాదేవి పదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం: భాగీశ్వరి


తలుపు తీయవే నెరజాణా ప్రియ గోపచానా

గోపాలుని తీయని తలపుల మునిగినదానా

అహరహము నిదురనూ హరి నొదలనిదానా

వేకువజామాయే వేగలేవగ జాగేల ఇభయాన


వనమాలినేగొలుచు వ్రతమాచరించగ లెగవా

ఈ గాఢ నిద్దుర నికనైన వీడి సిద్ధపడవే మగువా


1.కుంభకర్ణుణి భగినివో కన్మోడ్పునకు

ఓర్మిగల ఊర్మిళ పూర్వజవో శయనానికి

బదులైన పలుకవే మా అరుపుల గోలకు

పదపడి వీడవే మొద్దునిద్దుర శౌరి సేవకు


2.జాగృతమైనా అనృతమాడకు నిదురయని

తప్పించుకోకు తప్పునోయని తీయక తలుపులని

కొలిచెదము ప్రీతిగ తులసీదళమాలి నారాయణుని

పొందగ వ్రతఫలము అంగజ జనకుని అండను కోరి

 రచన,స్వరకల్పన&గానం:డా.రాఖీ


రాగం:దర్బార్


మురళీ మనోహరం

శీకర శరీరం వశీకరం

రాధికా హృదయేశ్వరం

గోపికా చిత్తచోరం


కృష్ణం వందే జగద్గురుమ్

కృష్ణం వందే జగద్గురుమ్


1.యమునా తీర సంచారం

బృందావన రాస విహారం

కరుణాకరమ్ గిరిధరమ్

ఘన శ్యామ సుందరమ్


కృష్ణం వందే జగద్గురుమ్

కృష్ణం వందే జగద్గురుమ్


2.సమ్మోహన విగ్రహమ్

ప్ర జ్ఞానా నుగ్రహమ్

సుజన రంజనమ్ నిరంజనమ్

నందనందనం ఆనందవర్ధనమ్


కృష్ణం వందే జగద్గురుమ్

కృష్ణం వందే జగద్గురుమ్

Sunday, December 4, 2022

 https://youtu.be/R55WQZrjun4?si=EhV41Z8YpriJokbT


రచన,స్వరకల్పన&గానం:డా.రాఖీ


శివమైనా కానీ నను శవమైనా కానీ ధృతి

నీవే వశముకాక పరవశ మాయేనా నామతి

పశుపతి పార్వతీపతి  నాకీవే శరణాగతి 

అహర్పతి జగత్పతి నాకీవే భవా సదాగతి


1.ఆశే దోషమై బహుకృత వేషమై

అశనిపాతమై అంతట ఆవేశమై

అస్థిర చిత్తమై బ్రతుకే అస్థవ్యస్థమై

నిత్యం రణదృశ్యమై మరణ సదృశ్యమై


2.నిను తలవని క్షణమే తీక్షణమై

చంచల హృదితో కాల భక్షణమై

దశ దిశా లేక శిశు పశు లక్షణమై

నీ కృపాకటాక్ష వీక్షణకై నిరీక్షణయై


https://youtu.be/K-n7dHTb9R4?si=16oUnmK0QuqZvKQx

 9) గోదాదేవి తొమ్మిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం: వలజి


అత్తకూతురా మేనత్తకూతురా

వగలమారి వన్నెలున్న వదినమ్మా

మత్తు నిదుర వదలవే ముదురమ్మా

భక్తపరాయణుడా నారాయణుని కొలువగ వేళాయెనే

దిండును హత్తుకుని పండుకొన్నదిక చాలు మేలుకొనవదేలనే


1అత్తరు పరిమాళాలు చిత్తము చిత్తుచేయగా

సుతిమెత్తని పరుపుమీద వత్తిగిలినావా

రతిసుఖసారుని మతిలో నిలిపి కమ్మని కలకంటివో

ఇరుకైన వాడలో అద్దాల మేడలో ఇభవరదుని బిగికౌగిటి కలకంఠివో

భక్తపరాయణుడా నారాయణుని కొలువగ వేళాయెనే

దిండును హత్తుకుని పండుకొన్నదిక చాలు మేలుకొనవదేలనే


2.మమతలు పంచేటి మా ప్రియమైన అత్తమ్మా

నీ గారాల సింగారాల కూతురిని కుదిపైనా లేపవమ్మా

చెవిటిదీ మూగదీ కానైతె కాదుగాని కదలదేలనమ్మా

కన్నయ్య లీలలెన్నొ గానం చేసే మా అలికిడికి ఉలకదు పలకదేలనమ్మా

భక్తపరాయణుడా నారాయణుని కొలువగ వేళాయెనే

వ్రతదీక్ష కొనసాగ వదలము వదినను తప్పదు తననికా మేలుకొలుపవమ్మా

 రచన,స్వరకల్పన&గానం:డా.రాఖీ


జలతారు ముసుగు వెనక

జవరాలిదే సొగసు కనక

జాబిలికి ఎంతొ కినుక

జారుకుంది వగచి తానే మనక


1.కురులన్ని తామసిని బోలి

కనులు తారకలై మిలమిలలాడి

దరహాసమే చంద్రికయై కురిసి

శశి బదులు తానని సవాలు విసిరేసే


2.చూపులలోనా వింత కవ్వింతలు

చెంపలలోనా నను సిగ్గు దొంతరలు

వలపు పిలుపుతో మేన పులకింతలు

తలపుకొచ్చినంత అంతులేని చింతలు

 https://youtu.be/DYyZvGUI7O0?feature=shared


8) గోదాదేవి ఎనిమిదవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం: దేశ్


ఓ గోపికా నువు నిదురించుట నాపిక

నిను మేలుకొలుపగ సన్నగిల్లె మా ఓపిక

శ్రీకృష్ణుని సేవలో నీకు ఆసక్తి మెండు కనుక

నిను తోడ్కొని పోవగ తప్పదు మాకీ జాగృత గీతిక

శ్రీ రంగశాయి కీయగా మనము మంగళహారతిక


1.పొద్దెక్కి పోతోంది సద్దు పెద్దదవుతోంది

ఆలమందయూ పచ్చిక బయలుకు చేరింది

మంచు ఆవరించిన పచ్చికను మేయసాగింది

నీదే ఇక ఆలిసెము మనబృందమంత సిధ్ధమైంది

శ్రీ వ్రతమాచరించ నిను శీఘ్ర పరచుతోంది


2.చాణూర ముష్టికుల మట్టి కరిపించిన వాడు

వైకుంఠధాముడైన మహావిష్ణు అవతారుడు

గానవిలోలుడా గోపాలుని ప్రణుతించినంతనే

ఇహపర సౌఖ్యమొసగి మనల ఆదరించుతాడు

వెంటనే కనులు విప్పి మా వెంటను చని తీరాలిక


https://youtu.be/2bP7TZHy3QE?si=voR9D4zNkBmcaOIG

 రచన,స్వరకల్పన&గానం:డా.రాఖీ


రాగం:హంస నాదం


నిమిత్త మాత్రుడను-చిత్త ప్రవృత్తుడను

కర్మాను వర్తుడను-నీ చరణ శరణాగతుడను

వేంకటరమణా సంకట హరణా కరుణాభరణా

నీ నిజ భక్తుడను సేవానురక్తుడను నీ దాసదాసుడను


1.పాండురంగ విఠలునిగా భజింతును

   శ్రీరంగ నాథునిగా నిను కీర్తింతును

   గోదా ప్రియ నాథునిగా మది ప్రార్థింతును

   శ్రీనాథా అనాధనాథా యనిసదా స్మరింతును


2.భద్రాద్రి రాముడవని నిను భావింతును

   ధర్మపురి నరహరిగా నిను సేవింతును

   బదరీనాథునిగా ఎద నిను నిలిపెదను

   శ్రీ సత్యనారాయణ స్వామిగ అర్చింతును

Friday, December 2, 2022


https://youtu.be/i_MXwItjoYU?si=bLa1ShkmONN-PwN2

 7)గోదాదేవి ఏడవ పాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధనం


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం: శ్రోతస్విని 


కేశవ మాధవ ముకుంద శౌరి

గీతాలు ప్రియమార కోరి కోరి

ఆలపించెడి మా బృంద నాయకీ

కనకపోతిమి చెలీ నీ ఆచూకి

ఆదమరచి నిదురింతు వేల

శ్రీ వ్రతమాచరించెడి శుభవేళ


1.వేకువ జామాయే వేగిరపడవు

ఊరంత సందడి నీవేల వినవు

నీ నటనలు కడు విడ్డూరమే

నోము నోచుట నేరిగీ నిర్లక్ష్యమే

ఆదమరచి నిదురింతు వేల

అలసిన మిషతో బద్దకమేల


2.క్రౌంచ మిథునపు కీచు రొదలు

గొల్లభామల గాజుల సడులు

పెరుగు చిలికెడి వింత పదరులు

వినరావా రావాల హరి కీర్తనలు

ఆదమరచి నిదురింతు వేల

వేచితిమి నీకై పదపడి రావేల

 రచన,స్వరకల్పన&గానం:డా.రాఖీ


బద్దకించే చిన్నముల్లువి నువ్వు

సుద్దులాడే పెద్దముల్లుని నేను

మన జీవితమే చెలీ గోడ గడియారం

నాకు పయనమెంతో దూరం

నీకు అడుగు కదపడమే భారం


1.సూర్యకాంతి పువ్వులా నీవైపు నాచూపు

చంద్రగోళమల్లె నీ చుట్టు దిరుగుడె పొద్దుమాపు

తుమ్మెదనై చిక్కుబడితి నీ తమ్మికనుల మద్దెన

పట్టొదలక నీ వెంటబడితి ఎంతగ నువు వద్దన్నా


2.గొడుగును నేనై అడుగడుగున తోడుంటా

పదముల నీ పట్టీనై ఘల్ ఘల్లని మ్రోగుతా

సెకనుల ముల్లెక్కించి సుఖములు చూపుతా

కాలమున్నంత కాలం నీ జతగా కడతేరుతా

 రచన,స్వరకల్పన&గానం:డా.రాఖీ


ఎన్ని కారణాలో అప్సరసవు నీవని  నమ్మడానికి

రూపం సౌందర్యం గాత్రం గాంధర్వం ఉనికే మార్మికం

ఎన్ని అనుభవాలో నిన్నే దేవతగా కొలవడానికి

దివ్యమైన విగ్రహం వరముల అనుగ్రహం ధర్మాగ్రహం

మనసా వచసా శిరసా అందానికి వందనం

దేహం జీవం భావం సర్వం నీకే అంకితం


1.మురిపిస్తావు సొగసులతో

బులిపిస్తావు సోకులతో

అందీ అందక ఎందుకో ఏమారుస్తావు

కలలో మాత్రం ప్రత్యక్షం

కలయిక కేలనో నిర్లక్ష్యం

ఎప్పటికిక దొరుకేనో నిను పొందే మోక్షం


2.పరీక్షించి చూస్తావు నా ఓర్పుని

నిరీక్షింప కురుస్తావు ఓదార్పుని

ప్రాణం పోతుంటే పోస్తావు  అమృతాన్ని

నిలిచేవు నిత్యం నా కలమందు

పూసేవు కాలే నా హృదయానికి మందు

నవ్వుల దివ్వెలునాకై వెలిగిస్తావు అంధకారమందు

 

https://youtu.be/jJNzcRSxryo?si=pqFrEinmRJcPjiGU

(6) గోదాదేవి ఆరవ పాశురగీతం-స్వేచ్ఛానువాదం

30 రోజుల వ్రతం-ముప్పై రాగాలతో గీతా ఆరాధనం


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:మలయమారుతం


నీల మేఘ శ్యాముడు

లీలా మానుష విగ్రహుడు

గరుడ గమనుడు శేష శయనుడు

కొలువై ఉన్నాడు కోవెల లోన శ్రీ రంగనాథుడు

నిలుపరో చెలులార హృదయములోన రేపవలు

మేలుకొనరో ముదితలార చేయగ మార్గళి సేవలు


1.ఆలకించరో ఆరుబయట పక్షుల కువకువలు

వినరో మందిరమందున శంఖమూదు నాదాలు

మునులూ యోగులు ఒనరించు హరినామ స్మరణలు

భక్తుల ఎలుగెత్తు గోవింద గోవింద స్వన సందడులు

మేలుకొనరో ముదితలార చేయగ మార్గళి సేవలు


2. ఘాతకి పూతన పాలుత్రాగి హతమార్చినాడు

శకటాసురుని పదతాడనతో తుదముట్టించినాడు

మన్నుదిన్న కన్నయ్య మైమలు జనులు మరువరు

బాలకృష్ణుని ఎనలేని లీలలు ఎన్న జాలరెవరు

మేలుకొనరో ముదితలార చేయగ మార్గళి సేవలు

Thursday, December 1, 2022

 

https://youtu.be/WthZYkYzr9U?si=x3M1YM9_xCcAUdiJ

(5)గోదాదేవి ఐదవ పాశురగీతం-స్వేచ్ఛానువాదం


30రోజుల వ్రతం-ముప్పై రాగాలతో గీతా ఆరాధన


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:కనకాంగి


అష్ట పుష్పార్చన స్పష్ట పరచును

కృష్ణుడి ఇష్టమే విశద పరచును

మురళీధరుని సలువుగ వశపరచును

మురారి లీలలు మనల అబ్బుర పరచును


1.అహింసా కుసుమ ప్రియుడు మధురాధీశుడు

ఇంద్రియజిత పూమాల ధరుడు యమునాతీర సంచారుడు

దయ క్షమ యను విరుల పూజకు సంప్రీతుడు

యశోదమాత వాత్సల్యానికి బంధన బద్ధుడు


2.యదుకుల దీపుడు జ్ఞాన రూపుడు

జన్మాంతర పాప ధ్వంసుడు తపఃప్రసూన కాంక్షుడు

సత్యసూన మోహితుడు నృత్యగాన లోలుడు

ధ్యాన ననమున పాడి తరించగ గోపికలారా ఈ గోదా నుడి వినుడు

 రచన,స్వరకల్పన&గానం:డా.రాఖీ


రాగం:ఉదయ రవి చంద్రిక


ప్రేమ మొలకెత్తింది నా హృదయానా

కారణమైతే నీవేలే నా ప్రియ నేస్తమా

గులాబీ రెక్కల మెత్తదనం అనుభవానా

జవ్వాజి పరిమళ ఆఘ్రాణం మానసానా

రావే చెలీ సుమలతవై  ననల్లుకోవే 

నీవే సఖీ జతవై నా ఇల్లాలుకావే


1.బీడుగా మారిన నా మదిలోనా 

నీ పలకరింపే పుట్ట తేనె వానా

నీవే నా బండ బారిన గుండె వేదికన

మ్రోగే మంజుల నిక్వణ మాణిక్యవీణ

రావే చెలీ సుమలతవై  ననల్లుకోవే 

నీవే సఖీ జతవై నా ఇల్లాలుకావే


2.నీ ఎద కమలం విరియుటకై

ఉదయం నా కవి రవి ఉదయించేది

నీ కను కలువలు మురియుటకై

కవితల కైరవి పపి నీపై కురిపించేది

రావే చెలీ సుమలతవై  ననల్లుకోవే 

నీవే సఖీ జతవై నా ఇల్లాలుకావే

 

https://youtu.be/gDq1sD3uGdM?si=uFlWh-S0wmcuSoZ6

4)గోదాదేవి నాలుగవ పాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధన


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:మధ్యమావతి



పారణదేవా కరుణజూపుమా

అనుకూలముగా కురియుమా

ఘనాఘన సుందర దేహుడు

దయా సముద్రుడు మా కృష్ణుడు

నీ ప్రతి కదలిక తానైనవాడు

సర్వజగత్కారణ భూతుడు,తులసీదళ సంప్రీతుడు


1.మహాసాగర నడుమన కేగి

అపార జలమును  కడుపార త్రాగి

గర్జించు  పర్జన్యవై నిండాలి నింగి

వర్షించు శార్ ఙ్గ ధనుర్భాణ భంగి

స్ఫురణకు రావాలి నారాయణుడు

శరణము నీయాలి శ్రీరంగనాథుడు


2.అతివృష్టికానీకు అనావృష్టిరానీకు

దాతృత్వములో సాటి రారెవరు నీకు

నీ వాన మేలవని  భూలోక జనులకు

మార్గళి స్నానమై వరలనీ మా మేనులకు

సన్నుతులివె మా స్వామి రంగరంగనికి

సాష్టాంగ ప్రణతులివె మా నరసింగునికి

Tuesday, November 29, 2022

 

https://youtu.be/Eb0iUQAqhuA?si=iRV0CNzlt5mL61xL

(3)గోదాదేవి మూడవ పాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధన


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:మాయా మాళవగౌళ


మూడడుగులు బలిని దానమడిగినవాడు

చూడముచ్చటైన మన వామన బాలుడు

ఏడేడు లోకాల నాక్రమించి వ్యాపించినాడు

జగన్నాటక సూత్రధారి విరాట్రూపి త్రివిక్రముడు

విశ్వశ్రేయస్సు కూర్చాలి శ్రీకాంతుడు అనంతుడు


1.మార్గళి స్నానమాచరించు వ్రత ఫలమున

మూడు వానలు ఆరు పంటల సమృద్ధిగా

ఇంటింటా గోకులాన కురియనీ వాన సంపదగా

భారమైన గోపొదుగుల కారాలి పాలుధారగా

జగన్నాటక సూత్రధారి విరాట్రూపి త్రివిక్రముడు

విశ్వశ్రేయస్సు కూర్చాలి శ్రీకాంతుడు అనంతుడు


2.పచ్చదనము తో ప్రకృతి కనువిందు చేయగా

జుమ్మను తుమ్మెదలే కలువల ఎదల వాలగా

పెరిగిన పైరుల ధాన్యము అపారమై గాదెలు నిండగా

రెపల్లే బృందావనాల కావాలి అనునిత్యం పండగా

జగన్నాటక సూత్రధారి విరాట్రూపి త్రివిక్రముడు

విశ్వశ్రేయస్సు కూర్చాలి శ్రీకాంతుడు అనంతుడు

 రచన,స్వరకల్పన&గానం:డా.రాఖీ


రాగం:శివరంజని


మనసు పరితపిస్తోంది నిన్ను కలవాలని

కన్ను కాంక్షపడుతోంది నిన్ను కాంచాలని…

గుండె మరిచిపోయింది లబ్ డబ్ శబ్దాన్ని

వందసార్లు స్పందిస్తోంది ప్రేయసీప్రేయసని


1.పదేపదే నీపదం ముద్దాడనీ నను మువ్వనై

అదేవిధిగ మోవినీ అలరించనీ చిరునవ్వునై

నీ ఎదలో సుస్థిర స్థానం ఇకనైనా నను పొందనీ

నీ భావ కవితల్లో నీ హాయి తలపుల్లో నను చేరనీ


2.నీ సమయం నిమిషమీయి మేనుసేవ చేస్తా

క్రీగంట  వీక్షించూ బ్రతుకు ధారపోస్తా

నీ మదిలో మెదిలానా వచ్చి ఎదుట వాలుతా

కోరుకుంటె ప్రాణాలైనా నవ్వుకుంటు వదిలేస్తా

 రచన,స్వరకల్పన&గానం:డా.రాఖీ


ఈ చల్లని సాయంకాలమే

చేసింది ఇంద్రజాలమే

వెలిసింది నీ సుందర రూపమే

ఇంకేది కాదది ఇంద్రచాపమే


1.గాలికి చెలరేగే నీ కురులై మేఘాలు

ముఖ సరసున  కనుల బోలి కలువలు 

నాసికా చెక్కిళ్ళుగ సంపెంగలు రోజాలు 

మురిసే అధరాలై విరిసే మందారాలు


2.గిరులు ఝరులు ప్రకృతి వనరులు

గుర్తు తెచ్చేను చెలి నీ సోయగ సిరులు

చిలుకల పలుకులు హంసల కులుకులు 

పలువన్నెలు దివిచిన్నెలు నీ కలబోతలు

Monday, November 28, 2022

 https://youtu.be/yzNyKKr7wNo?si=JCrC9Vpr6fpIopT9

రచన,స్వరకల్పన&గానం:డా.రాఖీ


రాగం:ఆనంద భైరవి


మంగళ హారతిదే మాధవా

కర్పూర హారతిదే రమాధవా

జయ మంగళ హారతిదే సత్యదేవా

శుభ మంగళ హారతిగొని

శుభములు మాకీవా


1.నియమముతో ఏటేటా చేసెదము సత్య వ్రతము

నీ దయతో దూరమగును గతములోని మా దురితము

ఐదు కథలు గలిగిన నీ మహిమ మహితము

ఇహపర సాధకము స్వావి నీ దివ్యచరితము


2.ధనధాన్యాదులు కురిపించు మా ఇంట సిరులు

ఇడుములు దుఃఖములు కడతేర్చు మా బాధలు

అసత్యమే పలుకము ఆదుకొనగ స్వామీ నీవే గద

శ్రీ సత్యనారాయణ త్రికరణశుద్ధిగా నిన్నే నమ్మెద

 రచన,స్వరకల్పన&గానం:డా.రాఖీ


అద్దంలో ప్రతిబింబం అది నీ హృదయం

ఎదురుగా నిలువెత్తు చెలీ నీ సౌందర్యం

నిన్ను నీకు చూపించే నేనే నీ నిజనేస్తం

బహుజన్మల పుణ్యఫలం నాకు నీ సంప్రాప్తం


1.జీవితాన నువులేక జీవితమే కడుచేదు

నీ తోడు లేక  స్వర్గమైనా సఖీ అది ఖైదు

నీ మాట నటనయని ఊహకైనా రాదు

నీ కొరకై భరియిస్తా తెగువతొ అపవాదు


2.నీ సహచర్యముంటె నాకెంతో ధైర్యం

నీ సాంత్వన మాన్పేను నా ఎదగాయం

నీ పెదవుల మధువనిలో నిత్య వసంతం

నీ పలుకే  హాయి గొలుపు మంజుల గీతం

 రచన,స్వరకల్పన&గానం:డా.రాఖీ


నోచాను నీకై ప్రణయసార వ్రతము

వేచాను విరహాన ఈ సాయంత్రము

కొలను కలువల ఎడబాటు తీరెను

గగనమున జాబిలి ఆగమనమున

అభిసారికనైతి ప్రియా నీరాకను కనరాకను

కామనము తీరక వగచితి నా మనమున


1.ప్రశాంతమైన పూవన ప్రాంతమున

ఏకాంతమే దొరికిన ఈ సమయమున

నిను వలచిన కాంతనై చింతాక్రాంతమున

వలపులు చిలుకు వన్నెల ప్రాయమున

అభిసారికనైతి ప్రియా నీరాకను కనరాకను

కామనము తీరక వగచితి నా మనమున


2.మల్లెల మాలనే వాలుజడలో తురిమి

తెల్లని చీరతో పెంపొందించగ కూరిమి

రమించగ శ్రమించగ నశించు నీ ఓరిమి

లాలించగ పాలించగ చేసుకో నను మాలిమి

అభిసారికనైతి ప్రియా నీరాకను కనరాకను

కామనము తీరక వగచితి నా మనమున

 https://youtu.be/vOEfVUTJ-VE?si=kAJpV6Ws6WQXVscf

రచన,స్వరకల్పన&గానం:డా.రాఖీ


రాగం:మధ్యమావతి


సతీదేవి గతించగా చలించెగా నీమతి

పరితపించి అయితివిగా నీవొక యతి

మరలా జనియించి వరించినది మా పార్వతి

అర్ధదేహమిచ్చావని తృప్తినొందెనీ శ్రీమతి

హరా హరహరా భవహరా శివశంకరా

పరా పరాత్పరా ప్రణతులివే పరమేశ్వరా


1.గంగని సిగనిడితివి గంగాధరా

సోముని తలదాల్చివి సోమేశ్వరా

మూడుకన్నులున్న త్రయంబకేశ్వరా

నాగులే నగలు నీకు నమో నాగేశ్వరా

హరా హరహరా భవహరా శివశంకరా

పరా పరాత్పరా ప్రణతులివే పరమేశ్వరా


2.గరళము గళమునగల నీలకంఠేశ్వరా

ఉరమున విశ్వమున్న విశ్వేశ్వరా

కరమున శూలముగల రుద్రేశ్వరరా

ఢమరును మ్రోయించెడి నటేశ్వరా

హరా హరహరా భవహరా శివశంకరా

పరా పరాత్పరా ప్రణతులివే పరమేశ్వరా


3.భస్మాంగరాగా భవా రామలింగేశ్వరా

చర్మాంబరధరా  శివా రాజరాజేశ్వరా

మర్మతత్వ బోధకా శంభో మహేశ్వరా

ధర్మస్థల దీపకా శ్రీ మంజునాథేశ్వరా

హరా హరహరా భవహరా శివశంకరా

పరా పరాత్పరా ప్రణతులివే పరమేశ్వరా

 రచన,స్వరకల్పన&గానం:డా.రాఖీ


నిండు పున్నమి నిశిలో 

వెండి వెన్నెల శశినీవే

కవన గగన తారా రాశిలో

వెలుగులీను ధృవతారవే

రెప్పలమాటున నను దాచేయగా

స్వప్నలోకాల విహరింపజేతువే హాయిగా


1.అవశ్యమై ఎదనావరించు పారవశ్యము

నీ కవితనుంది మదినేదోచేసే రహస్యము

ఆసాంతం ఆస్వాదింపజేయు బిగువే నీ సొంతం

అభిమానిగ మార్చేసే పాటవమే నీ సహజాతం


2.కవిత్వ మాధుర్యం నీకు కరతలామలకం

నీ మేని సౌందర్యం అప్సరసలకే తలమానికం

రెంటిగొప్ప తేల్చుటలో నా గుండెయె లోలకం

నచ్చుతుంది నాకెపుడూ నగవుల నీ వాలకం

 https://youtu.be/C12ZhlMd9_0?si=8l8n3svtM32hQJcX


1)గోదాదేవి తొలిపాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధన


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:దర్బార్ కానడ


గొల్లభామలారా-రేపల్లె లేమలారా

మార్గశిర మాసమెంతొ మేలైనది

మన నందబాలునర్చించే వేళైనది

మార్గళి స్నానముకై  చనుచుంటినే నది

చెలులార ఆలకించరో మేలుకొనగ గోదా పిలుపిది


1.ఘనశ్యామ సుందరుడు నంద కిశోరుడు

డెందాలను మురిపించే బృందావిహారుడు

రవి తీక్షణుడు శశి వీక్షణుడు సర్వసులక్షణుడు

అన్యధా శరణం నాస్తి మనకు శ్రీమన్నారాయణుడు

అనవరతము తపించ శ్రీ వ్రతఫలమీయును కృష్ణుడు


2.వలువలు దాచేసే నవనీతచోరుడు

వదులుకొనే తెగువుంటే మదినే దోచువాడు

ఆనందవర్దనుడు అహంకార మర్దనుడు

జగన్మోహనాకారుడు జగదుద్ధారుడు జనార్ధనుడు

అనవరతము తపించ శ్రీ వ్రతఫలమీయును కృష్ణుడు

 

https://youtu.be/C12ZhlMd9_0?si=8l8n3svtM32hQJcX

(2)గోదాదేవి రెండవ పాశురగీతం-స్వేచ్ఛానువాదం

30రోజుల వ్రతం-ముప్పై రాగాలతో గీతా ఆరాధన


దయచేసి ఇవే రాగాలలో పాడాలని విన్నపము

ఇవి ఆ మురళీ మోహనుడు పలికించిన రాగాలు


రచన:డా.గొల్లపెల్లి రాంకిషన్(రాఖీ)


రాగం:నీలాంబరి

(రాగ ఆధారం జంటిల్ మెన్ సినిమా పాట- నా ఇంటి ముందున్న పూదోటనడిగేనూ)


ధనుర్మాస శుభవేళ తిరుప్పావై వ్రతదీక్ష

నీమాల నాచరించ నిక్కము ఒక పరీక్ష

పురుషోత్తమ మాధవా పుండరీకాక్ష

శరణంటిమి పరిసమాప్తి చేయగ మాకీవె రక్ష


1. చేసెదము మబ్బుననే కావేటి స్నానము

సతతమూ  రంగనాథ మదిలో నీ ధ్యానము

పలికెదము గోవిందా మా నోట నీ నామము

ఆచరించెదము ఆర్తిమీర మార్గళి సిరినోము


2.కంటికి నిను అంటించి-కృష్ణా కాటుక మానేము

కమలాక్షుడ తలనిడి నిను- పూలకొప్పు ముడువము

నెయ్యిని పాలను నీనెయ్యముకై మేమారగించము

ప్రియమగు సత్యమగు నుడుగులనే నుడివెదము


3.పాలకడలి శయనించే పద్మనాభ మంగళము

విబుధవరేణ్యుల కొసగెదము విరళ దానము

సాధు సంతులకు బ్రహ్మచారులకు నిత్య సమారాధనము

క్రమతను మము నడుపగ స్వామీ నీకు వందనము

 రచన,స్వరకల్పన&గానం:డా.రాఖీ


రాగం:సారమతి


నిరంతరం నీగానము

అంతరాన నీధ్యానము

నీ ఎరుకయె నిజ జ్ఞానము

స్వామీ నా ఎడ ఇక వీడు మౌనము

జగన్నాథ జగదీశా జనార్ధనా శ్రీరమణా

తప్పనీకు స్వామీ నను నీ మననము


1.నీకే అంకితము ఈ ప్రాణము

ఉద్ధరించనీ ననునీ కథాశ్రవణము

మది నీవు మెదిలితివా జన్మ ధన్యము

నను గాచు దైవమేది నువువినా అనన్యము


2.నీ మీది భక్తే నాకు ప్రాధాన్యము

భవ జలధిని దాటించగ నీదే ప్రావీణ్యము

నీ మహిమలు నీలీలలు ఎంతో ప్రాచుర్యము

ఇహమున పరమున నీ అండయె నా ధైర్యము

Thursday, November 24, 2022

 రచన,స్వరకల్పన&గానం:డా.రాఖీ


రాగం:భాగీశ్వరి


నీ అభయహస్తము  దీనుల ప్రియ నేస్తము

శ్రీ వేంకటేశ నీ మహిమలు కడు ప్రాశస్త్యము

తరించె నిను సేవించి లోకాస్సమస్తము

గోవింద నీనామ సంకీర్తన కలిగించు పారవశ్యము

గోవింద గోవింద గోవింద గోవింద గోవింద గోవింద గోవిందా


1.నీ దివ్య దర్శనము మహదానందము

నీ పాద తీర్థసేవనము అకాల మృత్యుహరణము

నీ శఠగోప శిరోధారణము అహంకార దమనము

నీ లడ్డూ ప్రసాద స్వీకారము ఆరోగ్యదాయనము

గోవింద గోవింద గోవింద గోవింద గోవింద గోవింద గోవిందా


2.పుష్కరిణీ పుణ్య స్నానము ఘోరపాపనాశనము

తిరుమలలో గడుపు ప్రతిక్షణము మోక్ష కారకము

నీ  సన్నిధి శయనము స్వప్నసాక్షాత్కార అనుభవం

ఆపదమొక్కులవాడవంది నీ సార్థకనామధేయము

గోవింద గోవింద గోవింద గోవింద గోవింద గోవింద గోవిందా

 రచన,స్వరకల్పన&గానం:డా.రాఖీ


ఊహ ఎంత మధురము

స్వప్నమే సంతోషకరము

అంతులేని స్వేచ్ఛాకాశానా

ఆనందంగా విహరించవశము

కల్పనా ప్రేయసితోను 

పదే పదే విరహించతరము

కలహించతరము కౌగిలించుకొనువరము


1.కీలు గుర్రమెక్కి ప్రియురాలితో

సప్త సాగరాలు లిప్త పాటులో దాటవచ్చు

చెలి మేను మాణిక్యవీణను

మంజుల నిక్వణ మొలుకగ మీటవచ్చు

ఆకలి దప్పుల ప్రసక్తే లేక 

ఏ ఇతరాసక్తీ లేక మనోహరితొ సల్లాప మాడవచ్చు


2.చేజారిన ప్రియసఖినీ చేరదీయవచ్చు

కోహినూరు వజ్రాన్నీ కానుక ఈయవచ్చు

భవ్యంగా రమ్యంగా నవ్యంగా జీవించవచ్చు

సవ్యంగా దివ్యంగా హృద్యంగా భావించవచ్చు

కాలమున్నంత కాలం  కాపురం చేయవచ్చు

కలలే చెదరనంత సమయం కలిసిఉండవచ్చు

Wednesday, November 23, 2022

 రచన,స్వరకల్పన&గానం:డా.రాఖీ


రాగం:దర్భార్ కానడ 


ఎక్కడి నుండి వచ్చావో

ఎందుకు షిరిడీ చేరావో

పన్నాగాలే పన్నావో

కుయుక్తులే యోగించావో

సాయీ బాబా అంటూ పిలుచుకున్నాము

సాయం చేస్తావంటూ నమ్ముకున్నాము

జైజై సాయిబాబా జయహో సాయిబాబా


1.గుండెలో గుడి కట్టాము

బ్రతుకే హారతి పట్టాము

ఆప్తునిగా జమ కట్టాము

గురువుగ నిను చేపట్టాము

వంచించిన దాఖలా ఒక్కటి లేదు

ఒక్కరినీ ముంచావన్న మాటేలేదు

అవధూత నీవే సాయి సద్గురునాథా సాయీ


2.తెలిపిన యోగం మరిచాము

అభియోగాలే మోపాము

మానవతకు నిజరూపం నీవు

విశ్వప్రేమకు నిదర్శనం నీవు

నిను నమ్మితే నిందలెన్నొ వేస్తున్నాము

నువ్వో దోషిగా ప్రచారం చేస్తున్నాము

క్షమియించవయ్యా సాయి దయయుంచు బాబా మాపై

 రచన,స్వరకల్పన&గానం:డా.రాఖీ


రాగం:దర్బార్ కానడ


ఎన్నెన్ని భావాలో ఎన్ని అనుభవాలో…

కలములో గళములో ఎన్ని హ్లాద సంభవాలో

ఎంత మార్చుకోవాలో ఎలా చేర్చుకోవాలో

మూణ్ణాళ్ళ ముచ్చట బ్రతుకైనా ఎన్నికూర్చుకోవాలో


1.నిబిడీకృతమై మనలో ఎన్ని పాటవాలో

వెల్లడైన వేళలలో ప్రభవించు నెన్ని ప్రాభవాలో

సాధించుటకై అకుంఠిత సాధన ఎంత కావాలో

లక్ష్యాన్ని చేరుటకొరకై ఎంతగా పరితపించి పోవాలో


2.పరికించి చూస్తే ప్రకృతిలో ఎన్నెన్ని రావాలో

అనుభూతులు కలగలిసి ఎలా ఎదనుండి రావాలో

తన్మయమే చెంది ఆలపించు గానం పికముకే సవాలో

నిరూపించు మిత్రమా నీ గాత్రం నా ఆత్రం ఊహలో వాస్తవాలో

 రచన,స్వరకల్పన&గానం:డా.రాఖీ


తొలి సంధ్యవు నీవై

పొడసూపావు నా డెందమందు

అందాల రాశివి నీవై

నేడు చేసావు నాకు కనువిందు

నా హృదయరాణీ రస గీతపు బాణీ

అలివేణీ విరిబోణీ మధు మంజులవాణీ


1.నా సౌందర్య దేవతా నీ ఆరాధకులెందరో

నిను నిత్యం సేవించే నిజమైన దాసుడనేను

నను కరుణించకుంటె నరకమే నాదవును

నను కానక కాదంటే చెలీ బ్రతుకే చేదవును


నా హృదయరాణీ రస గీతపు బాణీ

అలివేణీ విరిబోణీ మధు మంజులవాణీ


2.నీపదముల మంజీరమై మనినను చాలు

నీ ఎదపై మాంగల్యమవగ నను మనువాడితే జేజేలు

నిన్నంటుకొనుటుకై నన్నవనీ నీ చెవి జూకాలు

ఏదీ కూడదంటె నా తనువిపుడే చితిలో కాలు


నా హృదయరాణీ రస గీతపు బాణీ

అలివేణీ విరిబోణీ మధు మంజులవాణీ

 రచన,స్వరకల్పన&గానం:డా.రాఖీ


రాగం:చక్రవాకం


మంగళాకారా మంగళ మూరితీ

సర్వమంగళకరా మా కొండగట్టు మారుతీ

ప్రసన్నాంజనేయా నీకు ప్రణతి ప్రణతి ప్రణతి

శ్రీరామదాస ప్రముఖా నీవే నాకిక శరణాగతి


1.సర్వమంగళ మహిజ సీతమ్మకు 

ముదము కూర్చిన హితుడవు ప్రియ సుతుడవు

మంగళాంగుడు మహితుడా రామయ్యకు

జయము కూర్చిన హనుమవు ఆత్మసముడవు

భజియించేను నిజ మనము తోను భజరంగభళీ

భుజియించు స్వామీ అర్పించినాను చక్కెర కేళీ


2.మంగళ వారము ప్రాశస్త్యము నీకు

అంగరంగ వైభవాలే ఇలలో నీ ప్రతి కోవెలకు

అభిషేకం ఆకుపూజ జిల్లేడుమాలలు నీకు

ఆరోగ్యం ఐశ్వర్యం ఆనందమీయి ఆంజనేయ మాకు

జితేంద్రియా చిరంజీవ అందుకో వందనాలు

నీ కరుణా కటాక్షాలు ఇహపర వరదానాలు

 రచన,స్వరకల్పన&గానం:డా.రాఖీ


రాగం:ఆనంద భైరవి


మంత్రముగ్ధవే మహా దేవీ

మనోజ్ఞవే రసజ్ఞవే ఆనంద భైరవీ

సౌందర్య లహరివే మనోహరీ భార్గవీ

సత్య శివ సుందరివే  మాతా శాంభవీ

సరగున దయగనవే సహృదయవు గదనే


1.నినుచూసిన నిమిషాన అనిమేషుడనై

 నిను తలచిన నిశీధిన నిద్రా దూరుడనై

నిరంతరం అంతరాన నీధ్యాన మగ్నుడనై

నీ సన్నధినే కోరుకునే విరహాగ్ని దగ్ధుడనై

సరగున దయగనవే సహృదయవు గదనే


2.సకల కళా స్వరూపిణిగా కళాకారిణిగా

తనువులో సగమైన హరుని తరుణిగా

కలి కల్మష నాశినిగా దురిత నివారిణిగా

శ్రీవాణిగా మణిద్వీప మహరాణిగా శర్వాణిగా

సరగున దయగనవే సహృదయవు గదనే

 రచన,స్వరకల్పన&గానం:డా.రాఖీ


రాగం:సిందు భైరవి


ముడివడె ఏడను అంకెతో

నడమంత్రపు  ఈ నరుని బ్రతుకు

ఏడేడు పదునాల్గు లోకాల నేలేటి

వేంకట పతి వందనాలు నీ పదములకు


1.సప్త చక్రాలతో సమన్వితమాయె దేహము

సప్త ధాతువులతో నిర్మితమైనదీ కాయము

సప్త దుర్వ్యసనాలకు ఇది ఆలవాలము

సప్త ఋషుల దీవెనతో అందనీ నీ పదయుగళము


2.సప్తపదే ఆదిగా సాగుతుంది దాంపత్య ప్రగతి

సప్తవర్ణ సమ్మోహితమై చెలఁగేను చంచల మతి

సప్తస్వర సహితమై ఆలపించెదనూ నీ సత్కృతి

సప్త గిరీశా నిర్వృతికై నమ్మిచేసితి స్వామీ వినతి

https://youtu.be/aZz1sBXkvTw?si=70Ps2u0lEk_MW4i5

 రచన,స్వరకల్పన&గానం:డా.రాఖీ


రాగం:ద్విజావంతి


ఆలిని చేపట్టుడే-అర్ద దేహమిచ్చుడే

ఏమీ పట్టనట్టు-మూతికి బట్ట కట్టుడే

హరుడవు నీకు నరుడను నాకు

ఎలా చూసినా మనదొకటే బ్రతుకు

భోలాశంకరా మనకిది చచ్చే చావు కదరా

కడుపు చించుకుంటే పడేది కాళ్ళమీదేరా


1.అన్నీఉన్నా ఏమీ లేనోళ్ళం

ఏది లేనే లేదనీ చెప్పలేనోళ్ళం

మాటిమాటికీ వెయ్యాలి నోటికి తాళం

మాట మాటకీ ఔనంటు తలనూపే గంగిరెద్దులం

భోలాశంకరా మనకిది చచ్చే చావు కదరా

కడుపు చించుకుంటే పడేది కాళ్ళమీదేరా


2.బిచ్చమెత్తైనా గ్రాసం కూర్చాలి

నెత్తినెత్తి బిందెళ్తో నీళ్ళు తేవాలి

తోలును మొలకు చుట్టుకొని పట్టుచీర లివ్వాలి

నాగుల మెడలొ వేసుకొనైనా నగల్నీ కొని ఇవ్వాలి

భోలాశంకరా మనకిది చచ్చే చావు కదరా

కడుపు చించుకుంటే పడేది కాళ్ళమీదేరా

 రచన,స్వరకల్పన&గానం:డా.రాఖీ


రాగం:పట్ దీప్


నెలపొడుగునా వెలిగేను నా చెలి

నెలపొడుపై కళలుడిగేను జాబిలి

ఉషోదయ తుషారం నా చెలి సోయగం

వాసంత సమీరం నా చెలి అనురాగం


1.పెదవంచులోనా మెరిసేను కెంపులు

పదిలంగా నవ్వినా సొట్టలౌ చెంపలు

చూపులో చూపు కలిపామా వాలనే వాలవు రెప్పలు

ఆపసోపాలు పడినా చెప్పవశమా తన ఒప్పు గొప్పలు


2.ఒక జన్మ చాలదు చెలి మోము వర్ణనకు

పాదాక్రాంత మవ్వొచ్చు తన మోవి చుంబనకు

ముట్టుకుంటె మాసిపోయే ధవళ చర్మ సౌందర్యం

పలుకువింటే పరవశమొందే దివ్య గాత్ర మాధుర్యం

 

https://youtu.be/zPZv2se6Fmc?si=Xz3x5aI9D3kDuoqs

రచన .స్వరకల్పన&గానం:డా.రాఖీ


అజాగళ స్తనాలైనాయి  దైవమిచ్చిన పాటవాలు

దున్నపోతు మీద వాన చినుకులై హితవచనాలు

సార్థకత చేకూరాలి మహోన్నత మానవ జన్మకు

ప్రతిక్షణం వినియోగపరచాలి ఆనంద మందేందుకు


1.ఎవరూ  తోడురారు ఇది  మహాప్రస్థానం

ఏది వెంటరాదు ఐనా ఆగదు ఈ గమనం

వదిలేయటమే అలవాటై సాగిపోవాలి మనం

చరిత్రలో నిలిచిపోవడం ఉత్కృష్ట కామనం


2.ఎంతగా కోరుకుంటే అంతదూరం కోరిక

మనదంటూ లేకుంటే బ్రతుకుంతా హాయిక

నీతో నీవు గడపడానికి చేసుకో క్షణం తీరిక

తెలిసి అడుసు తొక్కడమే నరలోకం తీరిక

Friday, November 18, 2022

 

https://youtu.be/_xNBxT9BET0?si=GIuY_sKvN6318vKn

రచన,స్వరకల్పన&గానం:డా.రాఖీ


రాగం:మోహన


శ్రీ నివాసం నీ హృదయాన

నీ నివాసం మా హృదయాన

నీవుండేది తిరుపతి కొండనా

బండబారిన మా గుండెనా

తండ్రీ వేంకటేశ భక్తపోషా

కృపా విశేషా శ్రీశా సర్వేశా


1.నవ్వే… బ్రతుకు బండికి

నొగలే విరిచేస్తావు,చక్రపు శీలను తీసేస్తావు

ప్రశాంత సరోవరాన

అశాంతి రేపుతావు అలజడి సృష్టిస్తావు

అర్థం పర్థం ఉంటే గింటే నీకే తెలియాలి

చీకూ చింతా మాకంటించి నీవే మురియాలి


2.మా మానాన మమ్మెపుడూ

మననీయ వేలనో పడద్రోసెద వేవేళనో

విషాదాలనే కుమ్మరించి

వినోదింతువేలనో విపరీతమతి యేలనో

ఇస్తే గిస్తే చచ్చేదాకా హాయిగా ఉండే వరమివ్వు

ఇహము పరము నీ చేరువకే మము చేరనివ్వు

 రచన,స్వరకల్పన&గానం:డా. రాఖీ


సోకేను చందన గంధం నీవున్న తావులో

తాకేను దవన సుగంధం నీమేను రేవులో

చెలీ సఖీ ప్రియా పారిజాత పరిమళమే నీ నగవులో

మనోహరీ  ప్రేయసీ గులాబీ గుభాళింపే నీ కురులలో

మత్తేదొ కలిగించి గమ్మతు చేస్తుంది

మనసు వశ పరచుకొని ననుచిత్తు చేస్తుంది


1.చీకటిలో దాక్కున్నా పట్టిస్తుంది

 నీ ఒంటి నంటుకున్న ఘుమఘుమ వాసన

నీరాకను సైతం తెలుపుతుంది 

దవ్వున నువ్వున్నా మొగిలి తావి నీ తనువున

మత్తేదొ కలిగించి గమ్మతు చేస్తుంది

మనసు వశ పరచుకొని ననుచిత్తు చేస్తుంది


2.మోహాన్ని కలిగిస్తుంది

నీ దేహం వెదజల్లే  కస్తూరి సౌరభం

మైకంలో ముంచేస్తుంది

నీ మెడవంపు విరజిమ్మే జవ్వాజి పరివాసం

మత్తేదొ కలిగించి గమ్మతు చేస్తుంది

మనసు వశ పరచుకొని ననుచిత్తు చేస్తుంది

 రచన,స్వరకల్పన&గానం:డా.రాఖీ


రేపంటూ ఉంటుందో ఉండదో

మనమంటూ ఉంటామో ఉండమో

ఉన్నంత సేపే ఈ ఆపసోపాలు

చేజారిపోయిందా మేనే బుగ్గిపాలు

స్నేహించుదాం ప్రేమించుదాం

మమతనే పంచుదాం

స్పందించుదాం నందించుదాం

నవ్వుతూ జీవించుదాం


1.సేకరించుతూనే బ్రతుకంతా తేనెటీగలౌతున్నాం

అనుభవించు వేళసైతం ఆర్జనకే తగలేస్తున్నాం

వినోదించలేక ప్రతినిమిషం వ్యర్థంగా గడిపేస్తున్నాం

విలువైన కాలాన్నీ వృధాగా వెళ్ళ బుచ్చుతున్నాం

ఆటల్ని ఆడుదాం పాటల్ని పాడుదాం

సరదా సరదాగా ఉందాం


2.తిరిగి కోరితే సాధ్యం కాదు గతం గతః

భవిష్యత్తుకు రూపులేదు ఎండమావి తరహా

మంచి తరుణం రానేరాదు ఈ క్షణం మినహా

ఆహ్లాద భరితంగా జీవిద్దాం పదిమందితో సహా


తరియించుదాం మనం తరియింజేద్దాం

అంతరాలనే అంతరింపజేద్దాం

 

https://youtu.be/BjwlVDRePYI?si=EqjCFiFe2G3uLCzn

రచన,స్వరకల్పన&గానం:డారాఖీ


చేసిన బాసలు ఆడిన ఊసులు 

రేపిన ఆశలు అడియాసలాయే

ఉసూరని ఉత్సాహమే నీరసమాయే

ఉవ్విళ్ళూరే ఉబలాటమే కరిగి కన్నీరాయే


1.గోరంత ఔనంటే కొండంత సంబరమాయే

మనసే స్వేచ్ఛగ ఎగిరిన పావురమాయే

నీ వాలకం నాకెపుడూ ఓ మహామాయే

చెప్పిన మాట తప్పగ అంతలోనే ఏమాయే


2.చిన్న చిన్న ఆనందాలు నీ వల్లే నీవల్లే

చింతల చీకట్లకైతే నీ నవ్వులు వెన్నెల్లే

ఊపిరులున్నంతదాకా నాకూరట నీవేలే

తేలికగా నను తీసుకోకు నా ప్రాణం నీవేలే

Wednesday, November 16, 2022

రచన,స్వరకల్పన&గానం:డా.గొల్లపెల్లి రాంకిషన్ రాఖీ


రెక్కలు పుట్టుకొస్తాయి నువు నను రమ్మంటే

గాలి బేలి పోతుంది నీముందు వాలుతుంటే

గుండె వేగం హెచ్చుతుంది నిన్ను చేరుతుంటే

మనసే మయూరమౌతుంది నిన్ను కంటుంటే


1.నా గురించి సమయమిస్తివా మది పరవశమే

హృదయాన చోటిస్తేనో తనువంతా పులకరమే

నీ స్పర్శ పలకరిస్తే రేతిరంతా పలవరమే

నాదానిగ నిను తలపోస్తే కల'యిక ఒక వరమే


2.గులాబీ వన్నె చీరనై నీమేనున తళుకులీననీ

నను నును బుగ్గల ముద్దాడే ముంగురులనై తారాడనీ

నీ పదముల మంజీర మంజుల నాదమునవనీ

పలుచని నీ పెదవుల చిరునగవునై నను మననీ

 రచన,స్వరకల్పన&గానం:డా.రాఖీ


స్మరామ్యహం భజామ్యహం 

భావయామి తవనామం నిరంతరం

నమామ్యహం వదామ్యహం

భారతీం తవపాద పంకజం మాతరం


1.కృపాజలనిధీం హృదయ సుధాంబుధీం

కవిగాయక వరదాయినీం కరుణాపయోనిధీం

మేధావినీం వేదస్వరూపిణీం పారాయిణీం

సదావీణావాదన ప్రియం వందే వాగ్రూపిణీం


2.బ్రహ్మ రసనాగ్రవాసినీం దేవీం  సుహాసినీం

మాలా పుస్తక ధారిణీం శ్రీ వాణీం సనాతనీం

అజ్ఞాన కృత దోష నివారిణీం జ్ఞానదాయినీం

సర్వార్థ సాధకే శారదే పరవిద్యా సంధాయినీం

Tuesday, November 15, 2022

రచన,స్వరకల్పన&గానం:డా.గొల్లపెల్లి రాంకిషన్ రాఖీ


మౌనమా నీ సమాధానం 

గానమేగా మనకు ప్రాణం

నిన్ను గిల్లు తుంటుం దేంటే నా కవితల్లా

నన్నల్లు కుంటుం దేంటే నీ మమత నను లతలా

రాగమే యోగమై కడతేరనీ

భావమే సంభవమై దనివారనీ


1.అనురాగం పలికేదీ భవరోగం బాపేదీ

ఏరాగమైనా రసయోగమౌను

ఎద లయనే తెలిపేది సుధలనే చిలికేదీ

ఏ భావమైనా ఆత్మీయమౌను

రాగమే యోగమై కడతేరనీ

భావమే సంభవమై దనివారనీ


2.మరోజన్మకోసమై మూటగట్టు మరులన్నీ

ఉగ్గబట్టుకొంటాను నిన్నుపొందగా

సంగమించు తరుణంకై ముడుపుగట్టు సిరులన్నీ

మొక్కుదీర్చుకొంటాను  నీ పొందుగా

రాగమే యోగమై కడతేరనీ

భావమే సంభవమై దనివారనీ

 రచన,స్వరకల్పన&గానం:డా.రాఖీ


ఎంత చక్కనమ్మ ఈ చిట్టి గుమ్మ

ఏ పోలికకూ చిక్కనిదోయమ్మ

ఎంతగ ముద్దొస్తోందో ఈ జిలుగు చుక్క

పెట్టరో అమ్మలాల తన బుగ్గన దిష్టిచుక్క


1.తీరైన పొడవాటి పూలజడ

మెడలో మేలిమి ముత్యాల దండ

పట్టుపరికిణీకే సోకు ఈ పసిడికొండ

అద్దమే మెచ్చి అందానికి సాగిల పడ


2.పాపిటి బిళ్ళే చేస్తోంది గారళ్ళు

చారెడేసి కళ్ళు పున్నమి జాబిళ్ళు

ముక్కున ముక్కెరతో చూపెలా మళ్ళు

నవ్వీనవ్వని పెదవుల మురిపాలు తుళ్ళు

 రచన,స్వరకల్పన&గానం:డా.రాఖీ


అందరికీ అభిమాన దేవతవు

ఎల్లరకూ నువు యోగమాతవు

నీవలన మాకు చెప్పలేని గౌరవం

మావద్ద నీవుంటే బ్రతుకంతా ధైర్యం

ధనలక్ష్మీ మాపై దయగనవే ఎప్పుడు

నినదించనీ మాయింట ఘల్ ఘల్లను నీ గజ్జెల చప్పుడు


1.కుబేరుడైనా సరే నీకు దాసుడు

నీవులేక మనగలడా మా శ్రీనివాసుడు

పద్మపత్రాయతాక్షి పద్మావతి అవతారిణి

కొల్హాపూరు లోన విలసిల్లే సంపద సామ్రాజ్ఞి


2.నీ కనుసన్నలలోనే కదలాడును ప్రపంచం

నిర్లక్ష్యం చేసామంటే కలనైనా నినుకాంచం

కాంచనము ద్రవ్యము మాగాణము నీవుగా భావిస్తాం

కుల మత ప్రాంతాలేవైనా నిను మాత్రం పూజిస్తాం


 అతివృష్టి అనావృష్టి ఏదైనా నీ సృష్టి

శీతకన్నువేసిందా మాపై శివా నీ దృష్టి

దుందుడుకు వరుణుడిని చేయవేమి కట్టడి

క్రమబద్ధత నెలకొల్పి కరుణజూపు పదపడి



1.అమర్ నాథ్ కేదార్ నాథ్ క్రేత్రాలలో వరదల విలయం

దర్శించగ నేరమా హర హరా 

నీ పావన నిలయం

అతలాకుతలమాయే భక్తజనుల సముదాయం

ఇడుములు ఇక్కట్లా నిను నమ్మితే ఇదేమి న్యాయం


2.నింగికి చిల్లుబడిన చందాన కుండపోతగా ఉధృత వర్షం

దిక్కూ దెస తెలియకా పిల్లలూ వృద్ధుల వ్యధాభరిత దైన్యం

మరణాలతొ అనాథలై అమాయకుల బ్రతుకులు శూన్యం

గంగాధరా కురిపించు అభాగ్యులందు అపారమౌ హర్షం


Monday, November 14, 2022

 రచన,స్వరకల్పన&గానం:డా.రాఖీ


ఏ అర్థం తీసుకున్నా  కోమలమే నీ గాత్రం

ఎలా పరిగణించినా  ఆహ్లాదమె నీ హాసం

నడకల జలపాతానివి పలుకుల పారిజాతానివి

మొత్తంగా నువ్వే ఇంద్రజాలనివి

చిత్తాన్నేదో చేసే  వర్ణ చిత్రానివి


1.కేంద్రకాన సాంధ్రమైన సూర్య గోళానివి

 గ్రహగతుల గతిపట్టించే గుండెల కళ్ళానివి

మతికి స్థిమితం దూరంచేసే గందరగోళానివి

బ్రతుకు నతలాకుతలం చేసే వేళాకోళానివి

మొత్తంగా నువ్వే ఇంద్రజాలనివి

చిత్తాన్నేదో చేసే  వర్ణ చిత్రానివి


2.తళుకులీను తారలైనా నీ చంద్రకళా ప్రీతులు

కలలుకనే చకోరాలూ తనూ చంద్రికా తప్తులు

కార్తీక  కౌముది నీ కౌగిలికీ కారు యతులతీతులు

ఆ రతీ భారతీ నీతో తులతూగక ఎత్తారు చేతులు

మొత్తంగా నువ్వే ఇంద్రజాలనివి

చిత్తాన్నేదో చేసే  వర్ణ చిత్రానివి


https://youtu.be/mCa3FvJYdME?si=Bdx10u7g5PdPq9FQ

 రచన,స్వరకల్పన&గానం:డా.రాఖీ


నిష్టూరమాడడం నీకు పరిపాటైంది

నిర్ఘాంతపోవడం నాకు గ్రహపాటైంది

నిరంతరం బ్రతిమాలుట పొరపాటైంది

నియతి లేని బ్రతుకు నిప్పు చెర్లాటైంది నగుబాటైంది


1.నేను నీకు ఎంతో ప్రత్యేకం 

 కాలేను నేను గుంపులో గోవిందం

నాకైతె లోకానా నువ్వే ఏకైకం

నేనుమాత్రమే నీకనుకుంటే ఆనందం

నీ పంచప్రాణాలు నేనైపోవాలి

నే పంచభూతాలై నీలో కలవాలి


2.నిర్లిప్తత నేమాత్రం నే సైచను

తారస పడితేనే నేస్తమంటే నేనోపను

తళుక్కున మెరవాలి శ్వాస నడుమ నేను

చెలీ ఒదిగిపోవాలి నీ ఎద లయగానూ

భావుకతను పలుచన చేస్తే ఎలా వేగను

నీవంటూ బ్రతుకున లేక ఎలా బ్రతుకను

 రచన,స్వరకల్పన&గానం:డా.రాఖీ


రాగం:మాయామాళవ గౌళ


తందానాలాడే సుందరయ్యా

చిందులేసే తిక్క శంకరయ్యా

అంగలార్చినా తొంగిచూడవు

ఒక్కసారీ… మాదిక్కైన గానవు

మారాజువంటూ నిను నమ్ముకుంటి

మరలైన సూడవె మాదేవ ముక్కంటి


1.సొమ్ములడిగానా సోకులడిగానా

పొలములు పుట్రలు చెలకడిగానా

కమ్మన్ని గొంతుని ఇమ్మనంటిని గాని

నీలకంఠ నీగళమంటిదిస్తివే సామి


మారాజువంటూ నిను నమ్ముకుంటి

మరలైన సూడవె మాదేవ ముక్కంటి


2.ముక్కైన మూసుకొనుంటవు

తైతక్కలైనా ఆడుతు ఉంటవు

చిక్కుల్లొ మేముండి మొక్కుకుంటే

చిక్కవు దొరకవు రుక్కుల్ని బాపవు


మారాజువంటూ నిను నమ్ముకుంటి

మరలైన సూడవె మాదేవ ముక్కంటి

Friday, November 11, 2022

 రచన,స్వరకల్పన&గానం:డా.రాఖీ


రాగం:చంద్రకౌఁస్


దేహ పంజరాన నను బంధించినావు

మోహపు జలతారు తెరను దించినావు

ప్రలోభాల తాయిలాలు అందించినావు

ఇంతగనను వంచించి ఏమి సాధించినావు

తిరుమలేశ వేంకటేశ శరణు శరణు స్వామీ

చేరనీ నీ సన్నిధి నను అంతర్యామీ


1.వనిత వలపు వలగా చిక్కుల పడవేస్తివి

ధన సముపార్జనతో బ్రతుకును ముడివేస్తివి

కీర్తి కొరకు ఆర్తినొందు బేలగనూ మారిస్తివి

తగునా  నీకిది నమ్మిన  నను ఏమారిస్తివి

తిరుమలేశ వేంకటేశ శరణు శరణు స్వామీ

చేరనీ నీ సన్నిధి నను అంతర్యామీ


2.నామరూప రహితునిగా నీ సన్నిహితునిగా

జనన మరణ జీవన వలయాతీతునిగా

పరమాత్మా నీలో లయమయే ఆత్మగతునిగా

పరమానందమొంద త్రోసితివే నను పతితునిగా

తిరుమలేశ వేంకటేశ శరణు శరణు స్వామీ

చేరనీ నీ సన్నిధి నను అంతర్యామీ

Thursday, November 10, 2022

శుభాకాంక్షలందుకో మిత్రమా

శుభకామనలు నీకివే నేస్తమా

నేడు నీ పుట్టిన రోజైన సందర్భానా

ఈ నాటినీ జన్మదిన శుభసమయానా


విష్యూ హాప్పీ బర్త్ డే టూయూ

మై డియర్ హాప్పీ బర్త్ డే టూయూ 


1.అంచెలంచెలుగా ఎదిగావు

 ఎదిగినా వినయంతో ఒదిగావు

తలిదండ్రులకు ప్రేమను పంచావు

వంశానికే గౌరవ మందించావు


విష్యూ హాప్పీ బర్త్ డే టూయూ

మై డియర్ హాప్పీ బర్త్ డే టూయూ 


2.స్నేహితులంతా ప్రియతములే

బంధుజనులూ నీ అభిమానులే

మూర్తీభవించిన మూర్తిమత్వానివి

సమాజాన కీర్తిగొన్న విఖ్యాతునివి


విష్యూ హాప్పీ బర్త్ డే టూయూ

మై డియర్ హాప్పీ బర్త్ డే టూయూ

 రచన,స్వరకల్పన&గానం:డా.గొల్లపెల్లి రాంకిషన్(రాఖీ)


రాగం:హంసధ్వని


ఇదే ఇదే శత చండీ మహా యాగం

చేసినా చూసినా జన్మకు ఒక యోగం

లోక కళ్యాణార్థమై దురిత నివారణార్థమై

పుణ్య సంప్రాప్తమై

జరుపబడుతోంది మహా రుద్ర సహితమై


ఘనమైన చరితగల అఖిల బ్రాహ్మణ సంఘం

చేయగ పూనుకొంది రామచంద్రా పురమండల విభాగం

శ్రీ సీతారామచంద్ర మందిరమే యాగ కార్యస్థలం


1.చతుర్వేద పారాయణ ప్రముఖ  ఘనపాఠీలు

యాజ్ఞికులు ఋత్వికులు ద్విజులుసోమయాజులు

ధర్మ పరిరక్షులు యజ్ఞ దీక్షా దక్షులు ముముక్షులు

 శ్రీ మాధవానంద సరస్వతీ యతివరులే అధ్వర్యులు


2.విఘ్నేశ్వర నవగ్రహాది సకలదేవ హవనాలు

బీజాక్షర మంత్రాన్విత త్రేతాగ్ని ఆహూతులు

మహన్యాస పూర్వక రుద్రాభిషేకాలు అర్చనలు

చండీ సప్తశతీయుత సకలోపచార ఆరాధనలు


3.మహదాశీస్సులు తీర్థ ప్రసాదాల వితరణలు

భక్తజనాళికంతటికీ నిత్యాన్నదాన సంతర్పణలు

తృతీయ దివసాన మహా పూర్ణాహుతి సమర్పణలు

జన రంజకమైన సాంస్కృతిక కళా ప్రదర్శనలు

 రచన,స్వరకల్పన&గానం:డా.రాఖీ


నా ఈర్ష్యకు ఆనవాలు-నీలవేణీ నీ శిరోజాలు

ఉక్రోషపు సాక్ష్యాలు-ఊరించే ముంగురులు

తలమీద తగలడకా-ఏల తానా తందనాలు

చెక్కిళ్ళను నిమురుతూ పూస్తాయి చందనాలు


1.గులాబీ అలరించగ తపిస్తుంది ప్రతిఉదయం

మల్లెమాలకు మాపటేల జళ్ళోదూరుటే ప్రియం

చూడామణికీ పాపిటి బిళ్ళకూ ఎంత అతిశయం

ధూళినైన చేరనీదు రుమాలు కూర్చి రక్షణ వలయం


2.పట్టుకుచ్చులు విచ్చుకత్తులు నీకురుల బిరుదులు

ఘనాఘనాలు సుదీర్ఘాలు అంటుకొనగ పిరుదులు

తారాడే కారణాలు కేశాల మిషల వల్ల మదికి క్లేశాలు

అందినంత మేరకు దోచుకొనగ చేస్తాయి తమాషాలు

Wednesday, November 9, 2022

 రచన ,స్వరకల్పన&గానం:డా.రాఖీ


శిరమున శీతల జ్యోత్స్న

నుదురున రగిలే జ్వాల

జటల గంగ దూకేనంట

కంఠమందు విష 'మంట

భలే భలే స్వామీ ముక్కంటీ

దండాలు దయజూడూ దూర్జటీ


1.దేహమంతా భస్మధారణం

ఐశ్వర్యమెంతైనా నీవిచ్చేవరం

శ్మశానాన చితుల సావాసం

కైలాసం కైవల్యం నీ ప్రసాదం

భలే భలే స్వామీ ముక్కంటీ

దండాలు దయజూడూ దూర్జటీ


2.భయద సర్పాలు నీనగలు

పెదవుల చెదరవు నగవులు

జగతిని జయించగా త్రిశూలం

అశనము భుజించగా కపాలం

భలే భలే స్వామీ ముక్కంటీ

దండాలు దయజూడూ దూర్జటీ

 రచన,స్వరకల్పన&గానం:డా.రాఖీ


చందమామలెన్నో నీ తనువున

చంద్రకళలెన్నెన్నోనీ అణువణువున

చంద్రకాంత సోయగయమే నీ మేనంతా

చంద్రగోళాలు సైతం తరచి కాంచినంతా


1.వదన సదనాన నిండు పున్నమే

నయన ద్వయాన తదియ చిహ్నమే

కపోలాలు పంచుకున్నవి చవితి పంచమిలే 

అధర దరహాసానా విదియా ద్యోతకమే


2.చనుదోయి పూర్ణశశిలై పైటమబ్బు మాటున

నడుమొంపులే నవమిని దశమిని చాటేనా

అరుంధతితారై తారాడుతుందినాభి చాటున

జఘనార్ధగోళాలైన జాబిలి గ్రహణాల చందాన

 రచన,స్వరకల్పన&గానం:డా.రాఖీ


కార్తీకదీపమా మా ఆర్తి బాపుమా

అంతరంగ తిమిరాలనోకార్చుమా


1.ధరణికి దీపాలు విశేష రవిచంద్రులు

విశ్వానికి దీపాలు అశేష నక్షత్రాలు

మాలో ఆత్మజ్యోతిగా దీపించుమా

జ్ఞానజ్యోతిగా జగతిన వ్యాపించుమా

నదిలో కొలనులో వదిలే దొన్నెలొ ప్రకాశించుమా


2.కార్తీక పౌర్ణమివేళ పరమభక్తితో జనం 

తులసి ఉసిరిక చెట్లకు వత్తుల నీరాజనం

హరిహరనామ సంకీర్తన రోజంతా భజనం

బంధుమిత్రాదుల సామూహిక వనభోజనం

ఆనందో త్సాహం కూర్చి నేరవేర్చవే ప్రయోజనం

Sunday, November 6, 2022

 రచన,స్వరకల్పన&గానం:డా.రాఖీ


శంఖనాదమే ఒక గొంతుపాడితే

కోయిల స్వనమే ఒక కంఠం విప్పితే

వీణా వాదన నిక్వణమే ఒక గళం నినదిస్తే

మరంద మార్ధవమే ఒకగాత్రం ధ్వనిస్తే

గాత్రం సర్వత్రా పరమ పవిత్రం

గాత్రం గానానికి ఆకర్షణ సూత్రం


1.భావాన్ని అనుభవించితే

సహానుభూతినే పొందితే

అర్థాన్ని ఆకళింపుచేగొనితే

ఉచ్ఛరింపులో పట్టుసాధించితే

ఆపాత మధురం ఏపాటైనా

అసిధారావ్రతమే ఏపూటైనా


2.శ్రుతి మీద సాగేలా కసరత్తు

లయతో లయమైతే గమ్మత్తు

పాట చల్లుతుంది పరిమళాల మత్తు

శిశుర్వేత్తి పశుర్వేత్తి ఏదైనా చిత్తు

గీతం నవనీతమే ప్రతి గాయానికి

గేయం అనునయమే హృదయానికి

Saturday, November 5, 2022

 రచన,స్వరకల్పన&గాఖనం:డా.రాఖీ


ఎలా తెలుపను నీ పైని ప్రేమను

ఏదని నీకివ్వను ఇచ్చాగా మనసును

దేహభావన వదిలి వేసి

ఎదను ఎదతో జతగజేసి

అవధులేలేని సౌఖ్యన్నే అనుభూతిద్దాం

ఎవ్వరూ లేని లోకాన్నే ఏలుకుందాం


1.లోగుట్టు బయట పెట్టవు

నా జోలి మదిలొ మానవు

కనుతిప్పనీయనీ మెరుపు తీగవు

పలుచని నీ నవ్వైతే అసలాపవు

ఓపలేను నిన్ను కలవకా ఈ తపనను

గుర్తించు ఇకనైనా మన మనో మనువును


2.కనిపించిన కలికల్లా నీలానే

పలకరించబోయి ఖంగుతిన్నానే

అందరిలా నన్నెపుడూ జమకట్టబోకు

నా స్వప్న సుందరివే నను కష్టపెట్టకు

పట్టించుకుంటే సరి పక్కదారి పట్టను

కాదంటు తప్పుకోకు మెతుకు ముట్టను

 

https://youtu.be/6ZEk1VzUyCE?si=oyuBBFDVYLMQnrxa

రచన,స్వరకల్పన&గానం:డా.రాఖీ


రాగం:నాగ గాంధారి


ఒప్పుకుంటా చెప్పుతుంటా

గొప్పవారికైనా నీకృప కష్టమని

నిను చేరే త్రోవంతా క్లిష్టమని

నీపై దృష్టి పడడం అదృష్టమని

మనసా వాచా కర్మణా నువు నా కిష్టమని

శ్రీనివాసా వేంకట రమణా గోవిందా

సంకటహరణా కరుణాభరణా పాహి ముకుందా


1.కంసాలివి నీవు నను కాల్చుతున్నావు

బుద్దిని శుద్ధిచేసి మేలిమి కూర్చుతున్నావు

ఆభరణంగా రూపొందంగా ఎన్ని దెబ్బలు

నువు తలదాల్చగ పెడుతున్నా పెడ బొబ్బలు

శ్రీనివాసా వేంకట రమణా గోవిందా

సంకటహరణా కరుణాభరణా పాహి ముకుందా


2.వత్తిడి పెంచుతు వత్తిని బాగా పేనుతున్నావు

మతి వెలిగించగ  ఓరిమినూనెలొ ముంచుతున్నావు

నీ స్మృతి జ్యోతిని గర్భగుడిలో దీపించనున్నావు

నేనే దహించి నీవను కాంతిగ వ్యాపించమన్నావు

శ్రీనివాసా వేంకట రమణా గోవిందా

సంకటహరణా కరుణాభరణా పాహి ముకుందా


@everyone

 రచన,స్వరకల్పన&గానం:డా.రాఖీ


అల్ప సంతోషులం

కల్పనా చతురులం

కలలలో విహరించే కవులం

ప్రణయ గత ఆశా జీవులం

ఎదవీణ పలికే మంజుల రావాలం


వేదనంతా మటు మాయం

కాలమే మాన్పుతుంది గాయం

చింతించినంతనే అయోమయం

కలగజేస్తుంది యోచనే ఆనందమయం

పాటతోపాటే సాగుతుంది కవి పయనం


ముడివడిన బంధాలే భారమై

సాంత్వననిడ చెలిమే చేరువై

సదా సంతోషమే కలయిక సారమై

వేసే ప్రతి అడుగు అనురాగ తీరమై

పాటుపడగ పాటల తోటై కవి పాటవం

Friday, November 4, 2022

 రచన,స్వరకల్పన&గానం:డా.రాఖీ


నీ అధరమందారాలలో

నను గ్రోలనీ మరందాలు

గాఢ పరిష్వంగమందునా

నను చేరనీ స్వర్గధామాలు


1.నను తెలుపనీ ఈ క్షణాన

ప్రణయానికే కొత్త భాష్యాలు

నీ మనఃకుహర కృష్ణబిలాన

శోధించీ ఛేదించనీ రహస్యాలు


2.పయనించనీ గగనాంతరాలకు

విస్మయమనిపించనీ పాలపుంతలకు

ననుగమించనీ రోదసీ పరిధులకు

సుధలే పారే సుదూర వసుధలకు

Thursday, November 3, 2022

 రచన,స్వరకల్పన&గానం:డా.రాఖీ


రాగం: చంద్రకౌఁస్


కనకాభిషేకమా గండపెండేరమా

గజారోహణమా తులాభారమా

కళాకారులడిగే ఘన కానుక లేవని

కవులు ఆశపడే సత్కారాలేమిటని

చప్పట్లు కొడితెచాలు సంబరంతాకు అంబరం

బాగున్నదంటేనే కప్పినంత కాశ్మీరు అంబరం


1.మేధనెంతొ మధించి అనుభూతి రంగరించి

శబ్ధార్థ భావ సౌందర్య మొప్పగా అలంకరించి

కవన కృతిని కమనీయ మలర తీర్చిదిద్ది

హృద్యమౌ నైవేద్యము వాగ్దేవికి నివేదించి

అమ్మవారి ప్రసాదంగా పఠితులకందించగా…


2.రేయి పగలు శ్రమించి పాటవాన్ని మేళవించి

అనితర సాధ్యమౌ కఠిన సాధనతో సాధించి

సప్తస్వరాల నవరస సారాలు కళలోకుమ్మరించి

నటరాజు చరణాలకు నమ్రతగా సమర్పించి

కనువిందుగా మది పసందుగా  ప్రదర్శించగా…

 

https://youtu.be/W-hts27C7Cc

రచన,స్వరకల్పన&గానం:డా.రాఖీ


రాగం:హంసానంది


అత్రి అనసూయ పుత్రుడా

త్రిమూర్తి స్వరూపుడా

గురుదేవ దత్తుడా 

అష్టాంగయోగ సిద్దుడా

అభీష్ట వరదుడా సాష్టాంగ వందనం


1.త్రిగుణాతీతుడా పునీత చరితుడా

అవధూతా ఆరోగ్య దాతా వైద్యుడా

దిగంబరా దిగంబరా శ్రీపాద వల్లభుడా

భీమా నదీ తీర గాణుగాపుర వాసుడా

అభీష్ట వరదుడా సాష్టాంగ వందనం


2.శంఖ చక్ర శూలాయుధ ఢమరుధర

దండ కమండల మాలాయుత కర

కౌపీనధారి వనమాలి పరమ యోగీశ్వర

నరసింహసరస్వతీ దివ్యావతారుడా

అభీష్ట వరదుడా సాష్టాంగ వందనం

 రచన,స్వరకల్పన&గానం:డా.రాఖీ


అలకబూనితే అదో నవ్వులాట నీకు

కినుక వహిస్తే అసలు లెక్కచేయవెందుకు

గమనించవు నా మాటల మాటున గాంభీర్యం

పరికించవు నా మదిలో పేరుకునే నైరాశ్యము

ఈ చిత్రవధ కంటే చంపెయ్యి ఒక్కసారి

ఈ యాతన మనలేను వేచివేచి వేసారి


1.తోసిరాజంటూ బంధనాలు వేస్తావు

తల్లడిల్లి పోతుంటే తమాషాగ చూస్తావు

ఎందుకో మరి నీపై ఇంతటి ఆరాధన

ఎరుగవంటె నమ్మేనా నా ఎద ఆవేదన

ఈ చిత్రవధ కంటే చంపెయ్యి ఒక్కసారి

ఈ యాతన మనలేను వేచివేచి వేసారి


2.ఎందుకు వచ్చావో నా జీవితం లోకి

ఎలా నాలొ సొచ్చావో ఎరుగను ఏనాటికి

నా ఊపిరి గుండె సడి నీవేలే ముమ్మాటికి

చేరవే నా గూటికి కూడదంటే నే కాటికి

ఈ చిత్రవధ కంటే చంపెయ్యి ఒక్కసారి

ఈ యాతన మనలేను వేచివేచి వేసారి

Tuesday, November 1, 2022

 భావకవి కృష్ణశాస్త్రి స్మృతిలో…ఆయన జయంతి సందర్భాన నా భావగీతి…


రచన,స్వరకల్పన&గానం:డా.రాఖీ


ఆకులు అతిథిగ ఆహ్వానించగా

కొమ్మలు తలలూచి రమ్మనగా

పువ్వులు నవ్వులు కుమ్మరించుగా

వనమును మనమును ప్రేమించగా


1.సీతాకోక చిలుకలే దారితీయగా

శుకము పలుకులే మరి తీయగా

పికము లొలుకు గీతాలు హాయిగా

కపోతమే జతగా చెలిమి చేయుగా


2.మయూరమే వింజామర వీయగా

పారిజాత విరులే పరిమళం కురియగా

కొలను తామర విప్పార విరియగా

మది తేలి తేలి మైమరచి మురియుగా

 https://youtu.be/lvN06Q3UJo0?si=yA8nT--MwBCdpqR7


రచన,స్వరకల్పన&గానం:డా.రాఖీ


పుక్కిట పట్టని సంద్రమే ప్రేమంటే

గుప్పిట ఇమడని మేఘమే మనసంటే

పరస్పరం ఆధారమే ప్రణయ రాగ సారమే

ప్రకృతి కూర్చిన అందము అనురాగ బంధము


1.ఏ క్షణాన పుడుతుందో వీక్షణలో

ఎదనెలా మెలిపెడుతుందో నిరీక్షణలో

తెలియని ఆరాధనే ప్రేమంటే

తీయనైన వేదనే ప్రేమంటే


2.నీడలాగ వెనువెంటే జంటగా ఉంటుంది

వద్దన్నా వీడకుండా మొండిగ వెంటాడుతుంది

ప్రియమైన శత్రువే ప్రేమంటే

సాధించే నేస్తమే ప్రేమంటే

 రచన,స్వరకల్పన&గానం:డా.రాఖీ


కండ గలిగిన దండి దేవుడవు

కొండగట్టులోన ఉండి నిలిచావు

కొండను అరచేత మోసుకొచ్చావు

కొండంత అంజన్న మాకండనీవు

దండాలు నీకు శ్రీరామ భక్తుడ

మెండుగ మేలుకూర్చు వాయుపుత్రుడ


1.సూర్యణ్ణే మింగిన.శూరునివి నీవు

ఇంద్రునితొ పోరిన వీర హనుమవు

సుగ్రీవునికైతేనో మంచి మిత్రుడవు

గుండెలొ రామునికి గుడి కట్టుకున్నావు

దండాలు నీకు శ్రీరామ భక్తుడ

గండాలెడ బాపర వాయుపుత్రుడ


2.సంద్రాన్ని సైతం దాటిన ఘనుడవు

సీతమ్మకు రామయ్య ఉంగరమిచ్చావు

లంకిణిని కూల్చేసి లంకను కాల్చావు

రావణుని గర్వాన్ని అణచి వేసి నావు

దండాలు నీకు శ్రీరామ భక్తుడ

తండ్రివినీవే మాకు  వాయుపుత్రుడ

Monday, October 31, 2022

 https://youtu.be/9uaaq1vM2UI?si=tEuIyKHnLfDjO-UT


రచన,స్వరకల్పన&గానం:డా.రాఖీ


రాగం:మధ్యమావతి


కైలాసనిలయ కైవల్యదాయా

ఓం నమఃశివాయ

కారుణ్య హృదయ బ్రతుకే నీదయ

ఓం నమఃశివాయ


1.నీభక్తులకు భోలా శంకరుడవు

దుష్టశక్తులకైతే కాల రుద్రుడవు

నిను నమ్మితి కావరా నీలకంఠుడా

గణపతి ప్రజాపతీ ధవళ దేహుడా


2.దోసెడు నీళ్ళకే  పరవశమవుతావు

బిల్వపత్రమర్పిస్తే మా వశమౌతావు

శరణు శరణు శంభో మహాదేవా

శరవణభవ శాస్తా  సాంబశివా

 రచన,స్వరకల్పన&గానం:డా.రాఖీ


బండరాయి కరుగుతుంది మీ పాటకు

ఏ గుండెకాయ కదలకుంది నా మాటకు ఈపూటకు

శిలాప్రతిమలైనారా అచేతనంగ మారారా

ఏంచేస్తే వస్తుంది చలనము

ఎలా తేగలను చైతన్యము


1.అర్థించినాను అభ్యర్థించినాను

ప్రార్థించినాను ప్రణమిల్లినాను

కొండలనైతే మోయమనలేదు

డబ్బులనైతే ఈయమనలేదు

సహృదయతతో స్పందించమన్నాను

మీ ఆశీస్సులనే అందించమన్నాను

ఏంచేస్తే వస్తుంది చలనము

ఎలా తేగలను చైతన్యము


2.శిశుర్వేత్తి పశుర్వేత్తి వేత్తి గాన రసం ఫణిః

రసపిపాసులే  కదా ఉన్నది ఈ బృందావని

ప్రాధాన్యత నివ్వకనే సమయం దొరకదని

ప్రోత్సహించినంత మనకు పోయేదేముందని

తరించి తరింపజేయగా వేడుకున్నాను

అంతరాలనే  అంతరింపజేయమన్నాను

ఏంచేస్తే వస్తుంది చలనము

ఎలా తేగలను చైతన్యము


https://youtu.be/T4TpWmpyoS4


రచన,స్వరకల్పన&గానం:డా.గొల్లపెల్లి రాంకిషన్ రాఖీ


రాగం:మిశ్ర భైరవి


సడలనీ  ముడివడిపోయిన బంధాలు

తెగిపడనీ నను పెనవేసిన బంధనాలు

సాగనీ ప్రభూ నీవైపుగానే నా చరణాలు

ఆగనీ  ఈ జీవికికనైన జనన మరణాలు


1.వెదికితినీ నిను కొండల కోనల

కాంచగ పదపడితి గుడి గుండాల

తిరిగితి యాత్రల మునిగితి నదుల

మరచితి నీ ఉనికినీ హృదయాన


2.మళ్ళించు నను అంతర్ముఖునిగ 

భావించు స్వామీ నీ ప్రియ సఖునిగ

తరియించనీ నను చిదానంద సుఖునిగ

జీవించనీ విషయ వాంఛా విముఖునిగ

Saturday, October 29, 2022

 రచన,స్వరకల్పన&గానం:డా.రాఖీ


రాగం:చారుకేశి


గోవిందా గోపాలా గోపీలోలా

గోకుల శౌరి గోవర్ధన గిరిధారి 

అధర మందార మరందాల నందరా నందలాలా

మధుర మురళీ సుగంధాల ముంచరా నన్నేవేళా


1.వనమాలి శిఖిపింఛమౌళీ మురారి

యమునాతీర విహారి బృందావన సంచారి

బాలను నేను బేలనురా తాళజాలనురా

ఆపాద మస్తక సమస్తం ప్రభూ నన్నేలవేలరా


2.నామేనను వలువను వలిచేయరా

కనులతోనే నా తపనలు కొలిచేయరా

ఉలి నీవై నా కలతలనిక తొలిచేయరా

ఆగను వేగనూ నను నీవుగ మలిచేయరా

 నీవు లేనిదెక్కడ నొడువుజవ్వని

కనరాని దెన్నడు పలుకుతొయ్యలి

కళలున్నచోట కలకలము నీవే

కవులు సంధించేటి కలము నీవే

అతురత మాకుంటే చేయూత నిస్తావు

మమ్మక్కున జేర్చుకొని ప్రేమగా లాలిస్తావు


1.అక్షరాలు అందెలుకాగా నీపదములు నర్తిస్తాయి

భావాలు పల్లవించగా కృతులెన్నొ ఉదయిస్తాయి

దృక్పథమే నీ పథమైతే పరమ పదము చేర్చేను

నిరంతరం నీ తపమందున పరమానంద మందేను

అతురత మాకుంటే చేయూత నిస్తావు

మమ్మక్కున జేర్చుకొని ప్రేమగా లాలిస్తావు


2.స్వర సప్తక వరమొసగి ధన్యులగావిస్తావు

సప్త చక్రాలయందున ఉద్దీపన ఒనరిస్తావు

గాత్రమనురక్తి సూత్రమై గీతార్చన కోరేవు

గాన రసాస్వాదనలో ఎదన హాయి కూరేవు

అతురత మాకుంటే చేయూత నిస్తావు

మమ్మక్కున జేర్చుకొని ప్రేమగా లాలిస్తావు

Friday, October 28, 2022

 రచన,స్వరకల్పన&గానం:డా.రాఖీ


ఎన్నో తెలుసు అన్నీతెలుసు

అయినా వినదీ పిచ్చి మనసు

తప్పూ తెలుసూ ఒప్పూతెలుసు

అసలే మానదు ఎందుకింత అలుసు

మనసు మాట వినదు

అది నీదై పోయినందుకు


1.నిన్ను తలవగనే పురులు విప్పుతుంది

నిన్ను చూడగానే మరులు గుప్పుతుంది

పరిధులు మీరమని నొక్కి చెప్పుతుంది

ఎడబాటు భారమని ఏడ్చి రొప్పుతుంది

ఈ మనసు మాటవినదు నీదై పోయినందుకు


2.ఎన్నిసార్లు దాటవేసినా నీ వెంటపడుతుంది

గుట్టుగా దాచ జూసినా ఓ కంటకనిపెడుతుంది

కొస ఊపిరి దాకా ఆశ వదలుకోనంటుంది

పట్టువదలక పదేపదే జట్టుకట్ట మంటోంది

నా మనసు మాటవినదు నీదైపోయినందుకు

https://youtu.be/7TiH1v7Marw

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:రేవతి


శశిధరా గంగాధరా

జటాధరా నీలకంధరా

భస్మధరా చర్మాంబరధరా

త్రిశూలధరా ఢమరుధరా

ఖట్వాంగధరా పురంధరా

వందనాలు గొనరా సుందరా

నా డెందమందు మనరా మనోహరా

1.రాజధరా విషధరా మృగధరా

కుముద ధరా అజకావగ ధరా

నాగాభరణధరా శితికంధరా

కపాలధరా ఖండపరశుధరా

అనాలంబిధరా అర్ణవతూణీర ధరా

వందనాలు గొనరా సుందరా

నా డెందమందు మనరా మనోహరా


2.పశుపతి గౌరీపతి మదనారి

కపర్దీ ధూర్జటీ ఝర్ఝరీ

పినాకి పురారి భూరీ

విలాసీ ముక్కంటి మల్లారీ

జ్వాలి కపాలి పింగళి

వందనాలు గొనరా సుందరా

నా డెందమందు మనరా మనోహరా

*ఇది నా 3000 వ గీతం🌹😊💐🙏*


రచన,స్వరకల్పన&గానం:డా.రాఖీ


రాగం:శివరంజని


పల్లవి: 

వీణా నిక్వణ మాధురి ఆహ్లాదమే

గమనింతురా తెగిన వ్రేలికొసల గాయాలు

వేణువాద్య వాదన మెంతో హృద్యమే

ఎరుగుదురా ఎవరైనా ఊపిరితిత్తుల ఆర్తనాదాలు

నవ్వులు పూసే పెదవుల మాటున

హృదయ విదారాలు

మెరిసే కన్నుల వెనకగ దాగిన

అశ్రు సాగరాలు…


చ.1.కమ్మని కవితల కావ్యపఠన కమనీయమే

అనుభూతుల ప్రసవవేదన అనుభవ గ్రాహ్యమే

ఇంపగు దృశ్యపు వర్ణచిత్రాలు రమణీయమే

ఊహకు రూపకల్పనలోని సృజనా అనూహ్యమే

నవ్వులు పూసే పెదవుల మాటున

హృదయ విదారాలు

మెరిసే కన్నుల వెనకగ దాగిన

అశ్రు సాగరాలు…


చ.2.ఎలుగెత్తి ఆలపించే గానం శ్రవణానందమే

స్వరతంత్రులు పెగిలించగా రేగే యాతన విదితమే

హావభావ విన్యాసాల నాట్యం నయనానందమే

ధరణి తాడనతొ పదముల పీడన వ్యధాబరితమే

నవ్వులు పూసే పెదవుల మాటున

హృదయ విదారాలు

మెరిసే కన్నుల వెనకగ దాగిన

అశ్రు సాగరాలు…


*ఇది నా 3000 వ గీతం🌹😊💐🙏*

Thursday, October 27, 2022

 రచన,స్వరకల్పన&గానం:డా.రాఖీ


రాగం:మోహన


ఎంకన్న నీకింత మంకెందుకూ

మాకీ సావూ పుట్టుకల లంకెందుకు

సంపనన్న మమ్మేగిర సంపవాయే

సక్కన్ని బతుకైనా ఇయ్యవాయే

గోయిన్ధా గోయిందా గోయిందా గోయిందా


1.సదువూ సందెలు మాకున్న గాని

మరియాదలన్నవి మంటగలిసే

సిరి సంపదల తూగుతున్నగాని

అనుభవించు రాత అస్సల్లేదాయే


2.బండరాళ్ళైనా బస్మమైతయి గాని

పూటకు పట్టెడు మెత్కులే కరువాయే

పదారు కూరల్తొ మస్తు తినుటకున్నగాని

ఒక్కముద్దతిన్న అరుగని వెతలాయే


3.పూరిగుడిసైనా పండ లేనోనికి

కాశికి దేకేంత కాళ్ళ సత్తావుండె

కార్లుమోటర్లింట బార్లుదీరిన గాని

నాలుగడుగు లేయగ నరకంతీరాయే

Wednesday, October 26, 2022

 రచన,స్వరకల్పన&గానం:డా.రాఖీ


పంచ హారతులు నీకిస్తాం-

పల్లకీలో నిన్నూరేగిస్తాం

పాలతొ నిన్ను అభిషేకిస్తాం-

ప్రతి గురువారం అర్చిస్తాం

భక్తితొ నిన్నూ విశ్వసిస్తాం-

మాదైవమీవంటూ భజనచేస్తాం

ఓం సాయిశ్రీసాయి జయజయసాయి

ఓం సాయిశ్రీసాయి జయజయసాయి


1.తలచినంత ఎదుట నిలిచేవని

పిలిచినంత బదులు పలికేవని

ఊదుతొ వ్యాధుల్ని మాన్పేవని

బోధతొ బాధల్ని తీర్చేవని


2.చూపినప్పుడెమాకు నీమైమ తెలిసేది

మా ఆర్తి బాపినప్పుడే నీ కీర్తి వెలిగేది

మాటా మనసు మంచినే వచించనీ

నడత నడకా ప్రగతివైపే గమించనీ

Tuesday, October 25, 2022

 రచన,స్వరకల్పన&గానం:డా.రాఖీ


రాగం:ఖరహర ప్రియ


తాయిలాలేలా

పాడుటకై గండుకోయిలకు

సుభాషితాలు చాలా

కరుగుటకై బండరాయిలకు


1.తేలికైన మబ్బెపుడు

చిరుగాలికె కదులును

తెలివైన రాజహంస

మేలిమి పాలెరుగును


2.కోరనేలా చందమామను

కురియగా  వెండివెన్నెలను

కుంచెతో నింగిని దించాలా

మెరియగా ఇంద్ర ధనువును