అందముంది అదిచాలు అందరూ పడిపోతారు

కవనము గానం ఉందా సదా ఫిదాలై పోతారు

1.పెద్దపీట వేస్తారు పెత్తనాలు సమకూరుస్తారు

చనువు చొరవా ఉన్నాయంటే సాగిలపడిపోతారు

2.అందలాలనెక్కిస్తారు పదవులేవొ ఇచ్చేస్తారు

అందుబాట్లొ ఉన్నామంటే వందిమాగధులౌతారు

3.గోరంతకు కొండంతగా అండదండలందిస్తారు

ఉబ్బితబ్బిబ్బు చేసేస్తూ ఊరంత ఊరేగిస్తారు

4.*క *కా *కీ ల కెవ్వరూ అతీతులు కారు రాఖీ

కాగల కార్యానికి గంధర్వులే దివి దిగి వస్తారు

*క-కనకం

*కా-కాంత

*కీ-కీర్తి