నీకేమో నవ్వులాట నా కేమో ప్రేమపాట

రైలుపట్టాలయ్యేనా మన బాట

కలవడం సాధ్యమా ఏదో ఒకచోట

ఎపుడో ఒకపూట

ఎన్నాళ్ళిలా మూగవేదన-నరకయాతన

1.మనసులో అనురాగంగా బయటేమో బింకంగా

నీలోనీకే తెలియని వింత మథనంగా

మనలేవు మౌనంగా తెలుపలేవు ఎద భావంగా

పట్టలేని విడువలేని సందిగ్ధంగా

ఎన్నాళ్ళిలా మూగవేదన-నరకయాతన

2.ముట్టబోతే అత్తిపత్తివి-తలచకుంటే అగరుబత్తివి

ఎలా వేగనేనీతో నాచెలీ ఎలనాగ

నిశ్చయంగా నీది ప్రేమే నీ గుండె మండే కొలిమే

మదిముళ్ళు విప్పక  మునిగేది మనమే

ఎన్నాళ్ళిలా మూగవేదన-నరకయాతన