పదరాపోదాం కలల పడవనే ఎక్కి ఆనంద తీరాలకూ
తావేలేదు ఆ నందనవని లో ఏఘోరాలకూ ఏనేరాలకూ
1.మన ప్రమేయమేలేక మన విధానమేకాక బలియౌతున్నాము
పరోక్షంగ కారణమై వికాసమే ఓ తృణమై మనుగడ కోల్పోతున్నాము
ఎదిరించలేకా భరియించలేకా సతమతమౌతున్నాము గతిగానకున్నాము
పదరాపోదాం కలల హంసనే ఎక్కి ఆనంద గగనాలకూ
తావేలేదు ఆ రోదసిదరి లో ఏ కల్మషాలకూ అనారోగ్యాలకూ
2.గతమంత మరిచి వెతలన్ని విడిచి సుఖ నిద్ర పోవాలిరా
రేపటిదిగులువీడి ఆశల జట్టుకట్టి ఊహల్లొ తేలాలిరా
తెల్లారితేచాలు అగచాట్లువేలు ఈరేయి మనదేనురా ఇక హాయి నొందాలిరా
పదరా పోదాం కలల పల్లకీ ఎక్కీ ఆనంద లోకాలకు
తావేలేదు ఆ సుందర దివిలో ఏ బాధలకూ ఏశోకాలకు