రచన,స్వరకల్పన&గానం:రాఖీ
చేయలేదు ఇసుమంతయు పుణ్యము
ఇచ్చినావు దండిగానె వరములు
మ్రొక్కలేదు మిక్కిలిగా మొక్కులు
ఎక్కించినావు ఎందుకో అందలాలు
ఏడుకొండలవాడా నీగుండె ఎంత మెత్తనైనదయా
ఆపదమొక్కులవాడా అనితరసాధ్యమయా నీదయ
1.పలుకులందు పంచదార కోరుకుందుమా
ఒళ్ళంతా నింపి మరీ ఊరడింతువా
హృదయాన్ని కరడుగట్టనీయకందుమా
చిట్టి ఆటుపోట్లకే తట్టుకోనట్టు జేతువ
గోరంత వేడితే ఊరంత నీదందువ
అడుగునేల నడుగకున్నా ఆరడుగులనిత్తువా
2.లౌక్యమీయకున్న నేమి నామాల స్వామీ
కరుణతోడ పరసౌఖ్యమీయవయా
శాంతమీయకున్న నేమి వేంకట స్వామీ
కృపమీరగ సాయుజ్యమీయవయా
ఆటలింక చాలించు అలసి సొలసిఉన్నాను
చోటిస్తే చాలు నీ పాదాల వాలుతాను
https://www.4shared.com/s/fv91TQQzvfi
