పురూరవ సార్వభౌమ నిర్మితమందిరము
చందనచర్చిత ద్వయావతార సుందర విగ్రహము
సింహాచల శ్రీలక్ష్మీ వరాహ నరసింహ క్షేత్రము
పరమ పవిత్రము ప్రహ్లాద వరదుని పావన ధామము
1.హిరణ్యాక్షు దునిమి ధరణిని ఉద్ధరించి వెలిసిన వరాహ రూపము
హిరణ్య కశిపు సంహరించి భక్త ప్రహ్లాదుని బ్రోచిన నరసింహతేజము
ఏక కాలమందున దివ్య సాక్షాత్కారము
సింహాద్రిని దర్శించిన సులభ సాధ్యము
2.ఉగ్ర జ్వలిత దేహానికి ఉపశమనము చందన లేపనము
కరుణా దృక్కుల కమనీయ స్వరూపము కామితార్థదాయము
సింహాద్రి అప్పన్న భక్తజనుల కల్పవృక్షము
స్తంభ సంభవుని సాక్షిగ కోరికలీడేరును పెనవేయగ కప్ప స్తంభము
