రచన,స్వరకల్పన&గానం:డా.రాఖీ

(ప్రతి పంక్తిలో క్ష కార పదగీతి)

అక్షయ నిధులను అందించవె
ఆది/ధన/గజ/వర/ధైర్యలక్ష్మీ మాయమ్మా
అక్షయ తృతీయ నేడూ
లక్షణముగ నిన్నర్చించెద మోయమ్మా

1.బిక్షకులే లేనటుల ఈ ఇలలో
క్షుద్బాదలు తీర్చవె మాయమ్మా
నిక్షేపములౌ ధాన్య రాశుల మాకు
దయసేయవె ధాన్యలక్ష్మీ శరణమ్మా

2.నిరక్షరాస్యులను మాటే
ఈ క్షితిలో వినిపించనీకమ్మా
అక్షరమౌ విద్యాసంపద నొసగవె
విద్యాలక్ష్మీ వినతులు గొనవమ్మా

3.రక్షించవె ఆయురారోగ్యములిచ్చి
పరీక్షించక మమ్మిక ఓయమ్మా
వీక్షించవే కన్నుల వెన్నెల ఒలుక
సంతాన లక్ష్మీ మాయమ్మా