కరిగిన నా గతానికి జ్ఞాపిక నీవు
తిరిగిరాని జీవితానికి చిత్రిక నీవు
ఆనందాలు కొన్ని అనుభూతులైనవి
ఆవేదనలు ఎన్నో గుణపాఠాలైనవి
కలగలసిన భావాలకు ప్రతీకవే నీవు
తీపి చేదు కలలన్నిటికీ నిదర్శనం నీవు

1.పరిధులెపుడు మించదు అవధిలేని ప్రేమా
పలకరించక మానదు అనురాగపు ధీమా
అనుబంధం ఆత్మీయతకూ నీవేగా చిరునామా
అంధకార భవితవ్యానికి ఆరిపోని దీపమా
కలగలసిన భావాలకు ప్రతీకవే నీవు
తీపి చేదు కలలన్నిటికీ నిదర్శనం నీవు

2.నీ ప్రతి కదలికతో మువడింది నా బ్రతుకు
నీవు లేని ఏ నిమిషం ఎద నీకై వెదుకు
అమాసకో పున్నమికో కనిపించి పోరాదా
ఆశపడే తీరాన్నీ నువు స్పృశించి పోరదా
కలగలసిన భావాలకు ప్రతీకవే నీవు
తీపి చేదు కలలన్నిటికీ నిదర్శనం నీవు