రచన,స్వరకల్పన&గానం:రాఖీ

ఊరట దొరకని ఊరట
స్మార్ట్ఫోన్ వాడని వాడే లే(డ)దట
ప్రతి ఇంట మౌనమేనంట
బంధాలు బాధ్యతలూ
మాయమౌతున్నవంట

1.సాధలనాలెన్నో మింగేసెనంట
సాధ్యాలనెన్నో చేసేసె నంట
నెట్టింట తానంట నట్టింట తానంట
పగటికీ రేయికీ భేదమే లేదంట
ప్రాథమ్యాలనన్నీ హరియించె నంట
గుప్పిట్లో ప్రపంచ మంట
ప్రపంచమంతా తన గుప్పిట

2.పిచ్చిగా మారినా సెల్ఫీల ముచ్చట
ముచ్చట్లె పిచ్చిగా మారేను ఇచ్చట
మోసాలవాసమైనా కుక్కతోక వంకరా
స్వార్థలె పరమార్థం  స్నేహాలు  వంక రా
మిథ్యా ప్రపంచమే వాస్తవాన్ని ముంచెరా
పరివార బంధాలెన్నో తెగతెంచెరా
వాడేలా వాడకుంటే వాడిముళ్ళకంచెరా

3.ఫేస్ బుక్ టిక్ టాక్ ఫేమసై పోయాయి
వాట్సప్ ట్విట్టరూ వ్యసనంగ మారాయీ
టెలిగ్రాం ఇన్ట్సాగ్రాం ఇష్టాలైపొయినాయి
యూట్యూబ్ గూగుల్ దినచర్యలైనాయి
కరెన్సీ కరువై ఈ-వాలెట్లు వెలసాయి
భీము పేటీయం ఫోన్పే చెల్లింపుచేస్తున్నాయి
జగమే మారెనో ప్రగతి ఏమారెనో ఏగతిని చేర్చునో

కదన కుతూహల రాగం

నీ జడ కుప్పెగా ఒప్పారనీయవే
పాపిటిబిళ్ళగా నన్ను ఒదగనీయవే
నుదుటన సింధూరమై వెలుగనీయవే
బుగ్గన చుక్కనై దిష్టి కాచనీయవే
అంగాంగాన నీకు ఆభరణమై
నీ అందాలకు నను మెరుగులు దిద్దనీ
నీమేని వర్ణాలు ఇనుమడింపజేయనీ

1.చెవులకు జూకాలై గుసగుసలాడనీ
ముక్కున ముక్కెరనై జిలుగులు చిమ్మనీ
కంఠాభరణమై కనికట్టుచేయనీ
ఎదమంగళసూత్రమై బంధం బిగియించనీ
నీ అందాలకు నను మెరుగులు దిద్దనీ
నీమేని వర్ణాలు ఇనుమడింపజేయనీ

2.కటివడ్డాణమై ననువగలొలుకనీ
కాంచన కేణా నై దృష్టినా కట్టుకోనీ
గాజుల సోయగమై సరిగమలే పలకనీ
మువ్వల పట్టీలనై పదములు ముద్దాడనీ
నీ అందాలకు నను మెరుగులు దిద్దనీ
నీమేని వర్ణాలు ఇనుమడింపజేయనీ