రచన,స్వరకల్పన&గానం:రాఖీ

చంపకే చంపక మాలా
ఊరించకే ఉత్పలమాలా
చూపుల్లో తూపులు వర్షించి
పెదవుల్లో మధువులు హర్షించి
ఎంత శ్రధ్ధ తీసుకున్నాడో ఆ బ్రహ్మ
అద్భుతంగ మలిచాడే నీ బొమ్మ

1.దేశాధినేతలైనా తలవంచుతారే  నీ ప్రేమ కోసం
రాజాధిరాజులైనా దాసోహమంటారే నీ పొందు కోసం
కనీవినీ ఎరుగని సౌందర్యం సృష్టిలో నీ సొంతం
నభూతోన భవిష్యతీ నీ  అసమాన లావణ్యం
ఎంత శ్రధ్ధ తీసుకున్నాడో ఆ బ్రహ్మ
అద్భుతంగ మలిచాడే నీ బొమ్మ

2.గణాంకాలు పొంకాల్లో అనల్ప శిల్ప నిర్మాణం
కుంచె దించిన వంపుల్లో అపూర్వ చిత్ర నైపుణ్యం
గుణగణాల పరిగణలో పతివ్రతల సమతుల్యం
తార్కికమౌ వాదనలో అతులిత మేధా చాతుర్యం
ఎంత శ్రధ్ధ తీసుకున్నాడో ఆ బ్రహ్మ
అద్భుతంగ మలిచాడే నీ బొమ్మ