రచన,స్వరకల్పన&గానం:డా.రాఖీ

పెరుగుతోంది నీకూ నాకూ మధ్య దూరం

హెచ్చుతోంది సైచలేక నా హృదయ భారం

వీడక తప్పదు పరస్పరం ఏ నాటికైనా

విషాదమేలే తుదకు ఏ బ్రతుకు నాటికైనా

1.మన పరిచయమే ఎంతో విడ్డూరం

మైత్రీబంధమైతే మరింతటి అబ్బురం

అడుగిడు ద్వారం లేనిది మన ప్రేమ మందిరం

అల్లంత దవ్వునుండి అది అత్యంత సుందరం

2.కలలే కంటున్నా నెమరువేసుకుంటున్నా

శిలలా పడి ఉన్నా శిల్పి కొరకు చూస్తున్నా

ఎందుకు ఎదురొచ్చావో  ఎదను గాయపర్చావు

మందమతిగ నను మార్చి మందహాసమిస్తున్నావు