రచన,స్వరకల్పన&గానం:డా.రాఖీ

నారు పోయువాడు నీరుపోయునన్నది నిజమే ఐతే

కాపుకాయువాడు కునుకుతీయడన్నది నానుడే ఐతే

తస్కరించిన నా సంతోషాన్ని ఇపుడే తెచ్చియ్యి

సంస్కరించి నాకు ఆనందాలే కలుగజెయ్యి

అవధూత సాయి మా కడగండ్లు పోనీయి

మహిమల బాబా మాకు నీ చేయూత నీయి

1.ఇమ్మని అడిగానా దుఃఖాన్ని మాకు

కొనితెమ్మని కోరానా  వ్యాధుల్ని మాకు

వేడకున్నా మాకు వెతలెన్నొ ఇచ్చావు

ప్రార్థిస్తున్నాగాని అసలే పట్టించుకోవు

షిరిడీ సాయి మరిమరి చెప్పాలా

సద్గురు సాయి మనసింకా విప్పాలా

2.మంచెంత చేసిన గుర్తింపునీయవు

పొరపాటైతోనో తగిన బుద్ధి గరిపేవు

బోధపడలేదు నీ తత్వమైతే మాకు 

పామరత్వమింక పోనైన పోలేదు

ద్వారకమాయికి మమ్మిపుడే రానీయి

మా గుండె మంటల్ని చల్లార్పి వేయి