రచన,స్వరకల్పన&గానం:డా.రాఖీ

రాగం:మాండు

సాయము నందీయుటలో ప్రథముడవీవు

కష్టముదీర్చుటలో కడుదిట్టవు 

పంచముఖీ హనుమంతుడా మా పంచప్రాణ సముడా

నీ పంచన చేరితిమి నిన్నే శరణుజొచ్చితిమి

1.సముద్రమే లంఘించి సీతమ్మను కనుగొని సంతసింపజేసావు రామయ్యను

అశోకవనమందు అంగుళీయకమును నిచ్చి ఆనందింప జేసావు సీతమ్మను

సుఖశాంతులు వెల్లివిరియు ఫ్రభో నీకృపతో

మనోవ్యధలు తొలిగేను స్వామీ నీదయతో

2.సౌమిత్రి నేలకొరుగ సంజీవిని గొనితెచ్చి ప్రాణ దాతవైనావు సంజీవరాయా

యయాతి నిను శరణుకోర రామునికే ఎదురునిలిచి అభయదాతవైనావు శ్రీ ఆంజనేయా

ఆయువు ఆరోగ్యము సమకూరును నీ వరమున

ఏ భయములు దరిజేరవు నిను తలచగ మనమున