వైద్యుడా అనితరసాధ్యుడా

దైవసమానుడా నిత్య ఆరాధ్యుడా

పరుల కొరకె అంకితమౌ త్యాగధనుడా

ప్రాణ దానంచేసే పరమ పవిత్రుడా ఘనుడా

వందనాలు నీకివే అందుకో

అభినందన చందనాలివే అందుకో

1.మాకు వైద్యో నారాయణో హరిః

మాకు వైద్యుడే అపర ధన్వంతరి

వైద్యుడే మా పాలిటి ఆరోగ్యసిరి

వైద్యుడా నీకెవరు లేరిలలోన సరి

వందనాలు నీకివే అందుకో

అభినందన చందనాలివే అందుకో

2.శిశువు పుట్టుకలో నీ సాయం గణనీయం

మనిషి మనుగడలో నీ ప్రమేయం ప్రశంసనీయం

అడుగడుగున మా జీవన సారథి నీవు

నరుల ప్రాణానికి దేహానికి వారధినీవు

వందనాలు నీకివే అందుకో

అభినందన చందనాలివే అందుకో

3.రేయనకా పగలనకా సేవలనందిస్తావు

మేము కోలుకుంటుంటే నీవానందిస్తావు

గుండెకు మారుగా గుండెనే అమర్చేవు

తీరే మా ఆయువుకు ఊపిరి కూర్చేవు

వందనాలు నీకివే అందుకో

అభినందన చందనాలివే అందుకో

4.రాయబోతే నీ చరిత రామాయణమంతటిది

తెలుపగపూనితే నీ కథ భాగవతం ఔతుంది

ప్రాణాలకు తెగించి రోగాలు పారద్రోలినారు

కరోనావంటి వాటి నుండి మనుజాళిని కాచినారు

వందనాలు నీకివే అందుకో

అభినందన చందనాలివే అందుకో

https://youtu.be/xapGtvSRRf0

 రచన,స్వరకల్పన&డా.రాఖీ

పువ్వుల్లో పువ్వుగా ఒదిగావే

నవ్వుల్నే సింగిడిగా మలిచావే

చిత్తమే దోచావే మత్తేదో నాపై చల్లి

మనసునాక్రమించావే ఓ పాలవెల్లి

1.వసంతమే నీవైతే వికసించవా ఆ విరులెన్నో

ప్రభాతమే నీవైతే విభవించవా పసిరుచులెన్నో

అందమే నీముందు బేలగా తలవంచదా

వలపులే పండించి నా తనివి తీర్చదా

2.నీడగా నేనడిచానే ఏడడుగులు అవలేదా

తోడుగా నిలిచానే బంధమే ముడివడలేదా

చేసానులే చెలీ నా హృదయం నీకు మందిరం

నా దేవినీవని తలచి నిర్మించా ప్రేమ గోపురం

4Shankar Suraram, Kiran Kumar and 2 others

3 comments

Like

Comment

Share

 రచన,స్వరకల్పన&గానం:డా.రాఖీ

తెల్లారదు నిను కలగనక

పొద్దేపోదు నీ ఊహరాక

మనసాగదు నీ ఊసువినక

నా ప్రాణం నీదే నీదే గనక

1.అక్షరానికారాటం నీభావం వ్రాయగ

గాత్రానికెంతో ఆత్రం నీ గీతం పాడగ

వేలికొసలకుబలాటం నిను తాకాలని

పదాలు సమాయత్తం నీతో సప్తపది కని

2.చీరకింక వీరవాంఛ నిన్నలరించ

నగలకు ఒకటే ఇఛ్ఛ నీమేనునాక్రమించ

మరుమల్లికి ప్రతీక్ష నీకురుల మాలై కడతేర

చిరునవ్వుకు సార్థకత నీ పెదవుల తనుచేర

6Laxmi Padigela, Kandur Chandra Prakash Gupta and 4 others

3 comments

Like

Comment

Share

 రచన,స్వరకల్పన&గానం:డా.రాఖీ

నా కోసం నువు ఉన్నా లేకున్నా

నీకోసం నా ఎద తలుపులు తీసున్నా

నేనంటే నీకు లెక్కే లేకున్నా

బ్రతుకు దారబోయగా సిద్ధంగా నేనున్నా

జాలంటూ లేనేలేదా జాబిలంటి మోముదానా

నిను గుండెలోనైనా ఇక నేను దాచుకోనా

1.గతము గూర్చి వగచేకన్నా ఈ క్షణం పదిలపర్చుకో

ఊరడించ నేనున్నా నీ అక్కున నను జేర్చుకో

మనదైన లోకం ఒకటి ఇపుడే నిర్మించుకుందాం

అనునిత్యం ఆనందాలే మనమింక పంచుకుందాం

జాలంటూ లేనేలేదా జాబిలంటి మోముదానా

నిను గుండెలోనైనా ఇక నేను దాచుకోనా

2.దైవమిచ్చిన జీవితాన్ని వృధాపరతువేల

ఆరాధించ నేనున్నా నను దూరముంచనేల

గాలితో కబురంపు నీ ముందు వాలుతాను

నువు సంతసమొందేల బ్రతుకంతా ఏలుతాను

జాలంటూ లేనేలేదా జాబిలంటి మోముదానా

నిను గుండెలోనైనా ఇక నేను దాచుకోనా

6Panuganti Ravi Patel, Lakshmi Dvdn and 4 others

2 comments

Like

Comment

Share