https://youtu.be/Wj1AGXdllPY

తెలుసుకో నరుడా శివరాతిరి అంతరార్థం
మసలుకొ పామరుడా ఎరిగి లింగార్చన పరమార్థం
శివుడొక్కడే విశ్వనాథుడు-భవుడొక్కడే ఆత్మరూపుడు
శివోహం సదాశివోహం-దాసోహం సదా సోహం

1.పంచభూతాత్మకుడు-పంచానన రూపుడు
పంచప్రాణాధీశుడు- పంచామృత ప్రియుడు
సలిలధారతోనే సంతుష్టుడు
మారేడు దళమిడితే పరవశుడు

2.అహరహరం హరధ్యానము-శివరాతిరి మర్మము
నవవిధభక్తి యుతము శివదీక్షా విధానము
నదీ స్నానం ఉపవాసం పాపహారకం
జాగరణ నామ స్మరణ ముక్తి కారకం

3.ప్రకృతియే పార్వతి-కాలాత్ముడే రుద్రుడు
భక్తవశంకరుడు అభయంకరుడు
అర్ధనారీశ్వరమే సకల సృష్టికి మూలం
అంబా శివ కళ్యాణమె ఆనంద దాయం

OK