Saturday, May 28, 2022

 పులకరింపచేస్తుంది -ముద్దాడి నేలను

చూసి ఎద మురుస్తుంది - కురిసేటి వానను

పరవశింపజేస్తుంది కడలి- కౌగిలించి నదిని

తలచి మనసు కోరుతనకై- తపించే ఒక మదిని


1.మండుతున్న నా గుండెకు

 నవనీతం చెలి కావాలి

నాకూరట కలిగించాలి

నవ్వుతు నా ఒడిలో వాలి


నేనెడారిలో బాటసారిని

నా దాహమంత తీరాలి

అనురాగ వాహినితానై

చెలి నన్నుచేరాలి


2.నా చీకటి నిశీధిలోనా

చెలి వెన్నెల విరబూయాలి

నా ఒంటరి బ్రతుకులోనా

చెలి మంజుల రవమవ్వాలి


దారితెన్ను లేనినన్ను

రాదారికి మరలించాలి

శూన్యమైన నా భవితకు

చెలి రమ్యత చేకూర్చాలి