రచన,స్వరకల్పన&గానం:డా.రాఖీ
కొండలరాయుని మేలుకొలుపులలో భూపాలం శుభోదయం
గరుడస్తంభపు చిరుచిరుగంటల సడి హిందోళం శుభోదయం
కోవెల గోపుర సమీరాలలో మలయమారుతం శుభోదయం
కోనేటి తామరతూడులు కొసరేటి హంసనాదం శుభోదయం
రసోదయం రాగోదయం నవోదయం శుభోదయం
1.కొక్కొరకో కోడికూతల ఉదయరవిచంద్రిక శుభోదయం
కువకువ ధ్వనులతొ పల్లెను లేపే చక్రవాకం శుభోదయం
ఎద్దుల మెడలో రవణులు చేసే దేశ్ రాగం శుభోదయం
లేగలు మేకలు మందలొ అరుపుల ఆర్తిముల్తాన్ శుభోదయం
2.తూరుపు వాకిట భానుడి కిరణం చంద్రకౌన్స్ శుభోదయం
పచ్చికమీద తళుకులీనే తుషారమయే వలజే శుభోదయం
నేలకు దుమికే జలపాత హోరగు రేవతిరాగపు శుభోదయం
మంగళకరమౌ కర్పూరహారతి మధ్యమావతి శుభోదయం
