రచన,స్వరకల్పన&గానం:డా.రాఖీ
సాకి: కలడు కలండనగ నీవిక కలవో లేవో
కలనైనా కనిపించక నీవొక కలవూ కావో
ఉన్నావని స్మరించలేనులే
లేనే లేవని విస్మరించలేనులే
ఎంత సందిగ్ధమాయే నీ ఉనికి
సంశయాలె తీరవాయే ఈనాటికి
నిరూపించుకోలేకుంటే నువ్వే హుళుక్కి
స్వామీ నువ్వే హుళుక్కి
1.శిష్టరక్షకుడ వంటారు
దుష్ట శిక్షకుడవంటారు
తారుమారాయే నేటి తార్కాణాలు
శిష్ట శిక్షకునివైనావు దుష్ట రక్షకునిగ మారావు
ఉన్నావని నిను నమ్ముకోలేను
లేనే లేవని నిర్ధారించుకోలేను
2.ఆపత్తులలో ఆదుకొందువందురు
నీ భక్తుల నీదరికి చేదుకొందువందురు
ఎటమటమైపోయే నీ లక్షణాలు
ఆపదలు కలిగిస్తావు భక్తులను బాధిస్తావు
ఉన్నావని ఎలుగెత్తిచాటను
లేనే లేవని నాస్తికుడనవ్వను