Monday, April 18, 2022

 వగలే సింగారమాయే

వగరే నయగారమాయే

వగపు నాకు స్వీకారమాయేమి

వలపు మాట బంగారమాయేమి


ఓ గోపిక పరికించకు నా ఓపిక

ఓపలేను నినుగనక ఓ క్షణమిక


1.అల్లనేరేడు పళ్ళ నీ కళ్ళ మీదనే నాధ్యాస

నోరూరే బూరెల చెక్కిళ్ళ మీద నాకెంతో ఆశ

పనసతొనలు నీ పెదాలు ఉవ్విళ్ళూరించేను ఆ మిసమిస

చెఱకు గడలొ మాధుర్యం- నీ రసన గ్రోల నా రసన నస


ఓ గోపిక పరికించకు నా ఓపిక

ఓపలేను నీ విరహపు తీక్షణ యిక


2.దాహం తీర్చగ అందించు ముందు పాలకుండలు

ఆ వెనకే సిద్ధపరచు సేదదీర ఉబ్బెత్తు ఇసుక దిబ్బలు

నడుమన నాకిష్టం మెత్తనీ మడతల మీగడలు

తేనె నాస్వాదించగ కడుపొక్కిలి దక్కగ రగడలు


ఓ గోపిక పరికించకు నా ఓపిక

ఓపలేను నీ ఎడబాటు నిరీక్షణయిక