రచన,స్వరకల్పన&గానం:డా.గొల్లపెల్లి రాంకిషన్ రాఖీ

హనుమయే భవిష్యత్తు బ్రహ్మ

హనుమయే శివ తేజపు పరమాత్మ

హనుమయే వైష్ణవాత్మిక కర్మ

హనుమయే త్రిమూర్తిరూప పరబ్రహ్మ

నమోఆంజనేయం నమో ముక్తిదాయం

1.సూర్యుడినే మ్రింగిన ఘనుడే హనుమ

దినకరునుకి ప్రియ శిశ్యుడాయెను హనుమ

రామసుగ్రీవుల మైత్రి కారకుడే హనుమ

సీతమ్మ జాడ తెలిపె సుందర హనుమ

నమోఆంజనేయం నమో ముక్తిదాయం

2.అంబుధినే లంఘించిన యోధుడు హనుమ

లంకనంత  కాల్చేసిన వీరుడు  హనుమ

సంజీవిని గొని తెచ్చిన శూరుడు హనుమ

సౌమిత్రిని బ్రతికించిన ధీరుడు హనుమ

నమోఆంజనేయం నమో ముక్తిదాయం

3.సిందూర ధారణాసక్తుడు హనుమ

రామనామగానాను రక్తుడు హనుమ

 సేవా పరాయణుడు రామభక్త హనుమ

చిరంజీవి జితేంద్రియుడు జీవన్ముక్తుడు హనుమ

నమోఆంజనేయం నమో ముక్తిదాయం

 రచన,స్వరకల్పన&గానం:డా.రాఖీ

నలగని పూదండలు

తడిసిన తలదిండులు

కలలుగన్న నవ వధువుకు అడియాసలు

తొలినాళ్ళలోనే ఎదురైన మృగతృష్ణలు

1.అవగాహనలోపము

అరాటమె సాంతము

పొదగక ముందుగనే పగులగొట్టు చందము

విచ్చని పసి మొగ్గనే పూయించిన వైనము

2.మనసెరిగుటె ముఖ్యము

మచ్చిక చేకుంటె సౌఖ్యము

మంద్రస్వరమధికతమం కొసతారాస్థాయే ఉత్తమం

గతులు గమకాలతో అనురాగ రాగమౌను రసగీతం