అంగడిలో దొరకని దొకటే -అమ్మ పంచే అనురాగం

సాధించగ అసాధ్యమే-గడిచిన కాలం పోయిన ప్రాణం

విలువ తెలుసుకోవాలి  కాస్తైనా ఇక  నేస్తం

ఒడిసి పట్టుకోవాలి  చేయిజారనీక జీవితం

 

1. కనుమరుగై పోవడమే క్షణం లక్షణం

అనూహ్యమే మనిషికెప్పుడూ మరణ కారణం

చక్కదిద్దుకోవాలి వెలిగినంతలోనే ఆశాదీపం

మసకబారి పోకముందే మనదైన ప్రతిరూపం

 

2 అక్షరమై నిలవాలి  కవితల్లో ప్రతీ అక్షరం

హృదయాలను గెలవాలి  కదిలించగ  పదం పదం

పాటనై... నడిచేందుకు బాటనై...  చేరుస్తా  గమ్యం  

మాటనై పసిడి పలుకుల మూటనై పంచేస్తాఆనందం