రచన,స్వరకల్పన&గానం:డా.రాఖీ
వాలెను సీతాకోక చిలుక
గులాబీ వయ్యార మొలక
వలపులనే చిలికెనులే రామచిలుక
గోరింకతో అంకురించగ ప్రేమమొలక
ప్రతి అనుబంధం ప్రకృతి కానుక
మనలోను రవళించే ప్రణయగీతిక
1.రాసిపెట్టి ఉంది కాబట్టే మన కలయిక
సెలయేరై చేరింది నీవల్లే రేపను మరీచిక
పారలేదు నెరవేరలేదు విధి విసిరిన పాచిక
కడదాకా వీడని బంధం మనదన్నదే పూచిక
ప్రతి అనుబంధం ప్రకృతి కానుక
మనలోను రవళించే ప్రణయగీతిక
2.మధుర సాహచర్యమే మనకు నిత్యవేడుక
పచ్చని కాపురమే పరమానందపు వేదిక
ఒకే మాట ఒకే బాటగా జీవితాన మన నడక
అనుభవిద్దాం అనుక్షణం మించితె తరుణం రాదిక
ప్రతి అనుబంధం ప్రకృతి కానుక
మనలోను రవళించే ప్రణయగీతిక
