https://youtu.be/xitlxchAGP8

రజతాచల వాస  రాజ రాజేశ్వరా

రజత కవచ విరాజ శ్రీ రామలింగేశ్వరా

సీతా రామచంద్ర నిర్మిత సైకత విగ్రహా

పునీతులను కావింపగ సత్వరానుగ్రహా

నమో ధర్మపురీశ్వరా కాశీ విశ్వేశ్వరా

1.గౌతమీ తట విలసిత గౌతమేశ్వరా

తూరుపు దిశ వేలుపు నీలకంఠేశ్వరా

దక్షిణాధీశ ఈశ మృత్యుంజయేశ్వరా

పశ్చిమ దిక్కున వెలసిన ఓంకారేశ్వరా

నమో ధర్మపురీశ్వరా కాశీ విశ్వేశ్వరా

2.మర్మము నెరుకపరచు నర్మదేశ్వరా

సదానందకారకా రామానందేశ్వరా

చకిత విజయదాయకా చంద్రశేఖరా

జగదంబాయుతా త్రయంబకేశ్వరా

నమో ధర్మపురీశ్వరా కాశీ విశ్వేశ్వరా

 విస్తారమైన వీనులు నీవి

వినాయకా వినవేమి వినతులు మావి

నిశితమైన దృక్కులు నీవి

నగజా తనయా కృపగను మము స్వామి

గుండెలోన నిలిపాము అండగ ఉంటావని

గండాలు దాటించు వక్రతుండ నమోనమామి

1.ఉండ్రాళ్ళు నీకు మేము దండిగా పెడతాము

 సంకటాలు గట్టెక్కించు సతతం సత్వరము

కడుపార పెడతాము కుడుములను

కనికరించి తొలగించు మా ఇడుములను

గుండెలోన నిలిపాము అండగ ఉంటావని

గండాలు దాటించు వక్రతుండ నమోనమామి

2.వెలగపళ్ళు పెడతాము బొజ్జనిండ నీకు

వెతలను ఎడబాపవయ్యా వేగిరమే మాకు

పాయసాన్ని ప్రియమార నీకు నివేదిస్తాము

ఆయురారోగ్యాలూ ప్రసాదించ వేడేము

గుండెలోన నిలిపాము అండగ ఉంటావని

గండాలు దాటించు వక్రతుండ నమోనమామి

సంకల్పము నీ బలము 

సంకటహర గణపతి

పట్టుదలే నీతత్వము

పార్వతి సుత విఘ్నపతి

ఆత్మవిశ్వాసమే నీ ఆరాధన

అవిమాలో పెంచమని మా ప్రార్థన

1.పరమ శివుని ఎదిరించి

కరి వదనము బడసినావు

గణాధిపత్యముకై మాతా పితరుల

ప్రదక్షిణమును సలిపినావు

నీకార్యదీక్ష నీ బుద్దికుశలత

అవిమాకీయమని నీకిదె చేజోత

2.నీ వికటరూపుగని 

పకపకమనె చంద్రుడింక

శాపమిచ్చితివి శశిని గననీకుండ

చవితిన గాంచినవారల కపనింద

మంచి మనసు మానవత నీ వరాలు

అవి మాకొసగమని కోటి నమస్కారాలు