https://youtu.be/0w31P3M-gUQ?si=cilSnKybSuykSWpL
రచన,స్వరకల్పన&గానం:డా.రాఖీ
చిత్తశుద్ధిగా చేసే యత్నమె నిజమగు గెలుపు
పశ్చాత్తాపం ఎరుగని కృషి సంతృప్తి గొలుపు
నిరంతరం పయనించడమే మానవ జీవన గమ్యం
మలుపు మలుపులో ఎదురౌ మజిలీలే కడు రమ్యం
కాలానికి గాలం వేసి పట్టుకోవాలి నిమిషాల ఝషలను
ఫలితాలేవైనా స్వీకరించి పక్కకునెట్టాలి పసలేని మిషలను
1.ఎన్నడైనా ఎత్తక మానేనా ఎక్కక ఆగేనా
చిన్నచీమ తనను మించిన బరువున్నా
తను పదేపదే జారుతున్నా ఏ తోడులేకున్నా రాకున్నా
ఎన్ని సార్లు దులిపినా తన వాసం కూల్పినా
సాలీడు వెనుకాడేనా గూడల్లిక నొల్లేనా
తనువులోని దారం ఆధారంగా నైపుణ్యమే పుణ్యంగా
2. ఎదురేమున్నా బెదురేలేకా వడివడి కదిలేనుగా
నది విధిగా ఏటవాలుగా తనకు వీలుగా
విప్లవించేనుగా పాధి మిన్ను మబ్బు వాన నేల
ఆటవిడుపుగా
తూరుపు బుగ్గన అరుణిమ సిగ్గు మొగ్గలు తొడిగినా
గడియగడియకు బిడియము నొదిలి చెలగును భానుడు ధాటిగా ఏకదాటిగా
రేపటి ఆశలు పేర్చుకొని ఎరుపుని పిడికిట చేర్చుకొని చనునజ్ఞాతిగా పడమటి దెసగా
