https://youtu.be/SnXy5ML3HWo

రచన,స్వరకల్పన&గానం:డా.రాఖీ

రాగం:మధ్యమావతి

నీ గుడి వైపే చూడకపోతిని
దారిన వెళ్ళినా దాటవేసి చనితిని
ఇంటిపట్టునైనా పూజించనైతిని
మాటవరుసకైనా  మది తలవకపోతిని
మా ధర్మపురి నరసింహస్వామీ
నిను వేడగ నాకున్న అర్హత ఏమి

1.పావన గౌతమిలో మేను ముంచనైతిని
దానమో ధర్మమో ఎన్నడెరుగ నైతిని
జీవజంతు జాలమందు కరుణచూపనైతిని
పదపడి ఎవరికీ సాయపడకపోతిని
ఏవిధి నను బ్రోతువు నారసింహస్వామి
నిన్నడుగగ చెల్లెడి నా మొకమేది

2.నిత్యానుష్ఠానమైన నియతి చేయనైతిని
నోరారా నీ భజనలు పాడనైతిని
సుందరమౌ నీరూపము కనుల కాంచనైతిని
నీ మహిమలు తెలుపు కథలు  విననైన వినకపోతిని
అమ్మా నాన్నలనే నీవుగ నేనమ్మితిని
అదిచాలద తనయుడిపై దయజూడగ స్వామి

రచన.స్వరకల్పన&గానం:రాఖీ

రాగం:చారుకేశి

ఏమున్నదో రాధమ్మలో
కిట్టయ్యనే కట్టివేసే పాశము
ఏ కిటుకునే కనిపెట్టెనో
కన్నయ్యనా కట్టుకొను మంత్రము
అష్టభార్యలూ ఇష్టసతులే
గోపికలంతా ప్రేమమూర్తులే

1.సాయం సమయమున
ఆపేక్షగ ప్రేక్షకి ఆ యమున
బృందావనమున ఎదలయ సాయమున
మాధవ కలయికె ఏకైక ధ్యేయమున
ప్రతీక్షలో ప్రతిక్షణం రాధిక ఒక అభిసారిక

2.సుధనే మించిన అధర మాధురి
సౌరభమొలికే కతన తనురస ఝరి
తనువే విరిసరి తపనలు కొసరి కొసరి
తల్పము తలదన్ను ఊరువుల మృదు దరి
తలపుల తన్మయి రాధిక తత్వమసియే తానిక