రచన,స్వరకల్పన&గానం:డా.రాఖీ
కొండలాగ మారనీ గుండెను
ఎండకు ఎండినా వానకు నానినా
ఏమాత్రం చెక్కుచెదరక
ఏవిపత్తుకూ బెదరకా
పల్లానికి పారనీ మదినదిని
వాగులు కలిసినా మలుపులు తిరిగినా
తానెదురీదకా విధినెదిరించకా
1.సంతసించు సమయాన్ని
సంక్లిష్టం చేసుకొంటు
ప్రశాంతతని ప్రతిక్షణం
రణంగా మార్చుకొంటు
కోరి కొరవితో తలగోక్కొంటూ
తప్పుల ఉప్పెనలో చిక్కుకొంటూ
వగచనేలా వాపోవనేలా
2.వ్యాపించనీ ఈ అవని
ప్రాణవాయువులా
ఆలపించనీ ఆశించని
పికమై పరవశ గానాల
నీ ప్రవృత్తి నీదిగా నీకోసం నీవుగా
ఆతృత చెందక అడియాసకు లొంగక
అనవరతంగా ఆనందతీరంగా