రచన,స్వరకల్పన&గానం:డా.రాఖీ

దివ్యత్వమేదో కళ్ళనుండి కురిసింది
కనుపాపలందు కరుణ కదలాడింది
కాటుకే చీటికిమాటికి నరదృష్టి మరలిస్తోంది
కనుబొమల ధనువే ఎక్కిడ వక్రబుద్ధి జడుస్తోంది

1.ఒలికీ ఒలకని కలికి నవ్వు కనికట్టుచేస్తోంది
కోటేరసొంటి నాసికేమో వాసిగా ఉంది
చెంపలైతే కెంపులల్లే మెరిసిపోసాగే
చెవిన జూకా ఆకతాయిగ సైగ చేసే

2.వనిత ఒద్దిక దిద్దుకున్న తిలకమే తెలిపే
నీలవేణి కురుల సొగసే మేఘమై తోచే
శంఖమంటి కంఠమే కలకంఠి కింపాయే
పెదవులనుగని మధుపమే భ్రమకు లోనాయే

శుభోదయం ప్రతి ఉదయం
అనురాగయుతం ప్రతి హృదయం
జగమంతా ఆనందమయం
నీలోకి నీవే తొంగిచూచు ప్రతి సమయం

1.మలయమారుతం మనసు తాకినప్పుడు
లేలేత రవికిరణం తనువు మీటినప్పుడు
పక్షులన్ని పనికి వెళుతు పలకరించుకొన్నప్పుడు
నీకోసమె నీవుగా జీవించునప్పుడు

2.గృహదేవత తులసిచుట్టు ప్రదక్షణలు చేసిపుడు
యోగా వ్యాయామం యోగక్షేమమైనప్పుడు
ఘుమఘుమ కాఫీ టీలు ముక్కుపుటాలు చేరినపుడు
నిన్ను నీవు తెలుసుకొనగ బ్రతుకు మలుచుకొన్నప్పుడు

https://youtu.be/PX5LF3_utRE

రచన,స్వరకల్పన&గానం:డా.రాఖీ

శంభో హరా శంకరా
గౌరీ మనోహర గంగాధరా
పదములు చాలవు నీ పదములు కొలువ
నా ఎరుక సరిపోదు నీ తత్వమెరుగ

1.నీ రూపము  నిరాడంబరము
నీ వేషము నిఖిల దిగంబరము
నీ తత్వము నిత్య సంబరము
నీనామమే వరము ఇహఁబరము

2.కాలము నిటారు గమనము
ప్రకృతి విశాల వ్యాపకము
అద్వైతము నీ అర్ధనారీశ్వరము
అనూహ్యమే శివా భవా'నీ లక్ష్యము

OK