Thursday, September 12, 2019


గూడు లేని కోయిలకు మావి తోడు దొరికింది
పాటలోని మాధురికే తాను ఫిదా అయ్యింది
కచ్చేరి పెట్టడానికి వనముకంతా తెలిపింది
వసంతాన్ని మోసుకొచ్చి తనసొంతం చేసింది

1.పికమేదో కాకమేదో కనిపెట్టగలిగింది
రూపమెలా ఉన్నా గళమునకే విలువిచ్చింది
నీదీ నాదీ ఓ కథే అంటూ గీతాన్ని నేర్పింది
ఆ గానమాధుర్యానికి జగమంతా తలవూచింది

2.చెక్కగలుగు శిల్పుంటే శిల శిల్పమౌతుంది
సాన పెట్టునేర్పుంటే రాయి రత్నమౌతుంది
భక్తిదృష్టి ఉన్నపుడే సర్వమూ దైవమయం
ఆదరణ నోచినపుడే కళలౌను కమనీయం