Saturday, August 3, 2019

రచన,స్వరకల్పన&గానం:రాఖీ

"మహితం -మన స్నేహితం"

అహమెప్పుడు దహియిస్తుందో
స్నేహమపుడు ఉదయుస్తుంది
త్యాగమెచట యోగిస్తుందో
స్నేహమచట వికసిస్తుంది
అపురూపమైన బంధమే మన స్నేహితం
నేస్తమా నీతోటి మైత్రియే మహితం

1.ఎంతచిత్రమో మనపరిచయ ఘట్టం
చుట్టాలను సైతం మరిపించగ నీవే చుట్టం
విడదీయలేదు మనని లోకంలో ఏ చట్టం
కట్ట్యాముకదా నేస్తమా మనం చెలిమికి పట్టం
అపురూపమైన బంధమే మన స్నేహితం
నేస్తమా నీతోటి మైత్రియే మహితం

2.నిష్టూరాలకు మన మధ్యన లేదు తావు
కష్టాలు కన్నీళ్ళూ చేరవు మన రేవు
అపార్థాలు అలకలు రావెప్పుడు మన తెఱువు
కాలం మాయాజాలంలో మన కలయిక తాజా పువ్వు
అపురూపమైన బంధమే మన స్నేహితం
నేస్తమా నీతోటి మైత్రియే మహితం