రచన,స్వరకల్పన&గానం:డా.రాఖీ

నిను రమ్మన్నానా మతిమాలి

మనసిమ్మన్నానా బ్రతిమాలి

నీ మాయలొ పడ్డానే ఖర్మకాలి

నీ మత్తులొ మునిగానే నామీద నాకే జాలి

1.ఊడిపడ్డావే నాపై ఉల్కలా ఉన్నట్టుండి

ఉప్పెనై నను ముంచావే తెంచుకొని గండి

విందునందమన్నావే  సొగసులన్ని వండి

పొందు పొందమన్నావే వలపుపంట పండి

2.సరళహృదయవనిపించే కఠినాత్మురాలివే

మంజులసడిగా తోచే సాగర ఘోషవే

ఊరించినావే కలనైనా ఎన్నడూ ఎంచనట్టుగా

వంచించినావే ఉత్తుత్తి ఊహవై  కనికట్టుగా