ఎవరికెలా ముడిపెడతాడో పరమేశ్వరుడు

ఎవరితో జతకడతాడో మనలనా భగవంతుడు

ఏ క్షణం జీవితాన్ని ఏ మలుపు తిప్పుతాడో

ఏ ఋణం తీర్చుకొనగ ఏ బంధం విప్పుతాడో

1.పరిచయాలన్నిటిలో మన ప్రమేయమెంతని

స్నేహాం కొనసాగుటలో మన పాత్ర ఏమేరకని

ఎదురయ్యే సందర్భం ఎవరు రచించారని

ఎదుర్కొనే సంఘటనలు ఎవరు సృజించారని

2.పరమార్థమేదో లేకుండా ఉండదు ప్రతి జన్మకు

ప్రయోజనమొకటి కలుగకుండ ఉండదు ప్రతికర్మకు

ఏ చర్యవల్ల ఏ చర్యకే ముందొ అవినాభావ సంబంధం

దైవలీలల్లోనా సంభవమే ఏదో కార్యకారణ సంబంధం