రచన,స్వరకల్పన&గానం:డా.రాఖీ

నా మనసంటి స్నిగ్ధవు నీవు

నా మదిదోచు ముగ్ధవు నీవు

ఎంతకూ తీరిపోని దుగ్ధవు నీవు

నాకెప్పటికీ అస్పష్టపు సందిగ్ధవు     

1.జిలేబీలా నోరూరే రసజ్ఞవు

జిలిబిలి  పలుకుల అభిజ్ఞవు

జాబిలి సొగసుల మనోజ్ఞవు

నను జాగృత పరిచేటి ప్రజ్ఞవు

2.నిరంతరం నా ప్రేమదీక్షవు

 యుగ యుగాల నా ప్రతీక్షవు

నీవే నీవే చెలీ ఏకైక ఆపేక్షవు

నేనుగా వేసుకున్న తీయని శిక్షవు

 రచన,స్వరకల్పన&గానం:డా.రాఖీ

నిండు పున్నమే నేడు

ఐనా కటిక చీకటి నాతోడు

నందనవనమే నా ముందు

ఐనా ఎడారి నా మనసందు

ఎన్నుంటేం చెలీ పక్కన నువ్వేలేక

సున్నానైనాను ఫక్కను నీ నవ్వుల్లేక

1.ప్రేమిస్తేనే తెలిసేది ఎడబాటు బాధ

సహానుభూతితోనే ఎరిగేవు మనోవ్యధ

తేలికగా తీసుకోకు నా అపార అనురాగం

తేలితేలి పోనేపోదు నీతో నా సహయోగం

ఎన్నుంటేం చెలీ పక్కన నువ్వేలేక

సున్నానైనాను ఫక్కను నీ నవ్వుల్లేక

2.కంచెలెన్నొ దాటుకొని నీకై అరుదెంచా

ముళ్ళదారులెన్నన్నో కడచి నా చేయందించా

నిన్ను చేర అధిరోహించా ఆగమేఘాలు

నన్ను ఔననడానికింకా ఏల మీనమేషాలు

ఎన్నుంటేం చెలీ పక్కన నువ్వేలేక

సున్నానైనా ఫక్కను నీ నవ్వుల్లేక