https://youtu.be/BzUzLKZT5kA?si=zD3Rjcvs_vEMJI0h

ఉపాసించనీయవే దేవీ నిను నిత్యం

ఉపవసింపజేయవే సదా నీ సామీప్యం

రసనము నీవల్లనె సల్లాపములాడునే 

ఉల్లము నీవల్లనె ఉల్లాసము నొందునే

మంజుల వీణా గానవినోదినీ వందనం

మంజుల మంజీర స్వన గామినీ అభివందనం

1. చల్లని నీ చూపువల్ల నా కలమే కదనుతొక్కు

  దయగల నీ ఎదవల్లనె చిక్కనైన కవితలొలుకు

చిరునగవుల నీమోముగనగ మదివికసించు

పావనమౌ నీ చేరువ మనశ్శాంతి ప్రసాదించు

మంజుల వీణా గానవినోదినీ వందనం

మంజుల మంజీర స్వన గామినీ అభివందనం

2.అనవరతం నా మేధలొ కొలువుదీరవే

విచక్షణను అహరహం జాగృత పరచవే

సున్నితమౌ భావుకతను స్ఫురింపనీయవే

అక్షరాలు శరములుగా పరిణమింపజేయవే

మంజుల వీణా గానవినోదినీ వందనం

మంజుల మంజీర స్వన గామినీ అభివందనం