కన్న ప్రేమ ఎవరికైన ఒకటే
ఆ ప్రేమముందు దైవమైన దిగదుడుపే
కడుపు ప్రేగు బంధము తెగదు జీవితాంతము
స్వంత రక్తపాశము వెంటాడును సాంతము

1.నలుగు పిండి బొమ్మచేసి మురిసె పార్వతి
కరిశిరమును పొందివెలిసె సిద్ధి గణపతి
తండ్రి ప్రేమ ఎంతటిదో తొలివేల్పుగ నుడివె పశుపతి
సుబ్రమణ్యస్వామిని చేసే దేవసేనాపతి

2.పుత్రప్రేమ పరాకాష్ఠ తార్కాణం దశరథుడు
కనకున్నా ప్రేమపంచె యశోదానందులు
గతములోన ఎన్ని లేవు కడుపుతీపి కథనాలు
నా సుతుడిని కరుణించగ ఏలమీనమేషాలు