రచన,స్వరకల్పన&గానం:డా.రాఖీ
గంటలు మ్రోగుతాయి ఎదలో-ఎదురుగా నీవొస్తే
మంటలు రేగుతాయి మదిలో - గోముగా నువుచూస్తే
అందమన్నదొకటే కాదు అందుకు కారణం
నీ మనసుకు నా మనసుకు ప్రేమ తోరణం
1.పూలపట్టుగా చెట్టుని కనుగొని కోసినపుడు
పూలబుట్టగా పట్టు పావడను చేసినప్పడు
చిటారుకొమ్మన విరులుకోయ నిను మోసినప్పుడు
వెచ్చని మెత్తని నీ తనువే నాకొరిసినప్పుడు
ఉద్వేగంతో ప్రతిధ్వనించెనే చెలీ నా గుండె చప్పుడు
2.మామిడి తోపులో తాడుతొ ఊయల వేసినప్పుడు
నిలబడి ఎగబడి అల్లంతగ నువ్వూగినప్పుడు
విరబోసిన నీ నీలి కురులు గాలికి రేగినప్పుడు
పట్టుతప్ప నిను పట్టుకొనగ నా ఒడి చేరినప్పుడు
ఉద్వేగంతో ప్రతిధ్వనించెనే చెలీ నా గుండె చప్పుడు