రచన,స్వరకల్పన&గానం:డా.రాఖీ
గుట్టేదో చెప్పక గుబులే రేపకు
మనసేంటో విప్పక మంటేబెట్టకు
ముల్లుగుచ్చుకున్నా నీ కాల్లో
నీళ్ళు తిరుగతాయి నాకళ్ళలో
తుఫాను ముందటి ప్రశాంతిని
నే తట్టుకోలేను
ఉప్పెనలా వ్యధ ముంచేస్తే
నన్ను తిట్టుకోలేను
1.అందమైన నీ తనువంతా
హాలహలం చేరిందా
మంచితనపు నీ మనసంతా
మనాదిగా మారిందా
చికిత్సనే లేనిదా నీ వ్యాధి
మందంటూ దొరకదా
శోధిస్తే నింగి అంబుధి
2. బాధను తొలగించనా
అనునయవాక్యాలతో
గాయాలకు మలాం పూయనా
సాంత్వన గేయాలతో
బ్రతుకంతా కలిసే ఉందాం
ఒక చితిలోనో కాలిపోదాం