https://youtu.be/ZUz06ccSf1A?si=NJ_p_ujEYiSmrxKe
రచన,స్వరకల్పన&గానం:డా.గొల్లపెల్లి రాంకిషన్ రాఖీ
కోలాటమాడరమ్మ కోమలాంగులారా
చిందేసి ఆడరమ్మ ముద్దుగుమ్మలారా
సరదాల బతుకమ్మ సంబరమొచ్చె అమ్మలార
గౌరమ్మ తల్లిని కొలువరమ్మ కొమ్మలారా
1.చక్కని చుక్కలంటి అక్కయ్యలారా
చిన్నారి అల్లరి చెల్లెమ్మలారా
వన్నె చిన్నె లెన్నొ ఉన్న వదినమ్మలారా
నిండు ముత్తైదువ లత్తమ్మలారా
రండిరండి ఇరుగు పొరుగు రత్తమ్మలారా
ఆడి పాడి బతుకమ్మ కారగింపు నీయరమ్మ
2.పట్టు పావడాలను దిట్టంగా కట్టినారు
సిల్కు సిల్కు కోకలను పొందిగ్గ చుట్టినారు
మెడల నిండ నగలెన్నొ అమరించినారు
పూమాల కొప్పునెట్టి సొగసు కుమ్మరించినారు
అవనికంతటికి అందంచందం అతివలేగా మెండుగ
పండుగలన్నిటికి అందం ఆనందం బతుకమ్మ పండుగ
