రచన,స్వరకల్పన&గానం:డా.రాఖీ
మౌనం మన మధ్యన పారే జీవనది
భావనా యానానికి అక్షర వారధి
ప్రత్యక్ష సావాసమె మన పరమావధి
ఉవ్విళ్ళూరుతోంది తలవగ నామది
1.మాటలతో కట్టేస్తా మహారాణీ నీకో కోట
నందనవనాలే నీ నగవులు విరియు చోట
స్వప్న లోకాలలో సరదా విహారమేనంట
స్వర్గసీమలే మనకు వేసవి విడుదులంట
2. స్నిగ్ధ సౌగంధికా పుష్ప చందమే నీ తనువు
కేతకి పొదల ఎదల సుగంధమే నీవున్న తావు
పరిపక్వ ఆమ్ర ఫల రసానందమే నీతో చనువు
అముక్తమాల్యద ప్రబంధమే నీతో నా మనువు