రచన,స్వరకల్పన&గానం:డా.రాఖీ

రెచ్చగొట్టకే నచ్చినదానా

పిచ్చిపట్టు నీ సొగసును నే కన

పచ్చి ప్రాయమౌ చిత్తములోన

మచ్చిక చేయగ  నను దేవాంగనా

1.అచ్చికబుచ్చిక లాడుదువే

వెచ్చని కౌగిట చేర్చుదువే

ముద్దూముచ్చట తీర్చుదువే

బానిసగా నను మార్చుదువే

2.మూడుముడుల బేరంపెట్టి 

ఏడడుగుల దూరం నెట్టి

ఏమార్చి నా ఎదను కొల్లగొట్టి

కొంగునకట్టేవు చుక్కల చూపెట్టి

 రచన,స్వరకల్పన&గానం:డా.రాఖీ

పువ్వునేర్పుతుంది మనకు- నవ్వడం ఎలాగో

దివ్వె తెలుపుతుంది మనకు- వెలగడం ఎందుకో

పిట్ట ఎరుకపరుస్తుంది- బ్రతుకు విలువ ఏమిటో

పిల్లి బోధచేస్తుంది- తల్లి ప్రేమ ఎంతనో

1.పికము పాట పాడుతుంది- మొహమాటం లేకనే

నెమలి నాట్యమాడుతుంది- మైమరచి లోకమే 

ఎదిరిచూపు మాధురికి- చకోరమే ఒక పోలిక

తేటతెల్ల పరచుటకు- మరాళమే తగు తూనిక

2.తరువూ గురువే- త్యాగమెలా చేయాలో చెప్పుతూ

చిరుగాలి ఘనఘనము -స్నేహంలో కరుగుతూ

నదీ కడలి సంగమం- అనురాగ రాగమవుతు

పిపీలికం పట్టుదలకు- పట్టదగిన యోగమవుతు