రచన,స్వరకల్పన&గానం:డా.రాఖీ
రాగం:షణ్ముఖ ప్రియ
మంగళహారతి గొనవే మంగళగౌరి
మంగళ మొనరించవే మాహేశ్వరి
మాంగళ్యం మెట్టెలు గాజులు
పసుసు కుంకుమలౌ ఐదోతనం కావవే
1.పలు వన్నెల పూలతొ రోజూ నీ పూజ చేయుదును
నిండు ముత్తైదువగా నిన్నే కొలిచెదను
నోములు వ్రతములు నేనాచరించెదను
త్రికరణ శుద్ధిగా తల్లీ నిను నమ్మెదను
2. నా పతి మతిలోనా నా స్మృతే మెదలనీ
శ్రీవారి పరపతి జగతిలో ఉన్నతమై ఎదగనీ
నా సంతాన మెపుడూ సంతసాల నందనీ
అనునిత్యము నాచేత అన్నదానం జరుగనీ