రచన,స్వరకల్పన &గానం:డా.రాఖీ

తెలుసు నీకు తెలుగు భాష

ఎరిగెదవేమో ఆంగ్ల భాష

మాట్లడ గలవుకాస్తైనా హిందీభాష

ఎన్ని వచ్చి లాభమేమి ఎరుగనపుడు మనసు భాష 

నా మనసు భాష

ఎపుడైనా నా మనసుకు నీదే ధ్యాస- నీవే అభిలాష

1.క్రీగంటి లిపితొ తెలిపినా

పెదవి మలిపి తెలిపినా

మునిపంటనొక్కి తెలిపినా

చిలిపిచూపు కలిపి తెలిపినా

ఎరుగవాయే నా ఎద భాష

నీవే లేక ఆగుతుంది నా శ్వాస - ఓ అనిమేష

2.కవితగ నిను మలచినా

పాటగా నేనాలపించినా

నా మదిమర్మం చిత్రీకరించినా

మౌన సందేశమందించినా

గ్రహించవైతివి గుండె ఘోష

కొడిగట్టుతోంది బ్రతుకు ఆశ నా బ్రతుకు ఆశ