రచన,స్వరకల్పన&గానం:రాఖీ

నా గానమా నా ప్రాణమా
నా జీవమా నా సర్వమా
నా మౌనమా నా ధ్యానమా
నా లోకమేనీవెగా నాసర్వస్వమా

1.గుండెలు రెండు లయ ఒక్కటిగా
కన్నులు నాలుగు ఒకటే చూపుగా
దేహాలు వేరైనా భావాలు ఒక్కటిగా
యుగళద్వయ పాదాలైనా-నడుచు మార్గమొక్కటిగా
పెనవేసుకొంది బంధం యుగాలు దాటి
సాగుతోంది మన పయనం గ్రహాలు మీటి

2.నీలో చీకటి తొలగించే రవినే నేనౌతూ
నీపై వెన్నెల కురిపించే శశినే నేనౌతూ
నదులు సంగమించి కడలైనట్టుగా
మరులుగొన్న విరితావుల్లో మకరందమైనట్లుగా
నేనూ నీవూ  కోల్పోయి మనమై పోయాము
పరస్పరం ఐక్యమై ఒకరిగ మారాము