https://youtu.be/GmB7nDahdP4
రచన,స్వరకల్పన&గానం:డా.గొల్లపెల్లి రాంకిషన్ రాఖీ
రాగం:మాయామాళవగౌళ
చాలుచాలింక నరజన్మ శివశంకరా
చేయగానైతినే సత్కర్మ మన్నించరా
దుర్లభంబైనదీ మనిషి పుట్టుకరా
నిజమెరుగు నంతలో ముగియవచ్చేనురా
హరహరా భవహరా రాజరాజేశ్వరా
శుభకరా జయకరా రామలింగేశ్వరా
1.మంచి చెడ్డలమాట ఎంచకుంటిని స్వామి
తలబిరుసు నడవడిక పెంచుకుంటిని స్వామి
తపనలింకను తలపులో త్రుంచకుంటిని స్వామి
తత్వమిక సత్వరమె తెలుపమంటిని స్వామి
2.గంగతో నా బెంగ కడిగివేయర స్వామి
కంటితో కలుషాలు కాల్చివేయర స్వామి
నా ఒంటి విషమింక లాగివేయర స్వామి
ఈశ్వరా నా ఈర్ష్య మసిజేయరా స్వామి