https://youtu.be/AA8pAdFlh1c?si=CBEsSWbWxtm9ay60

రచన,స్వరకల్పన&గానం:డా.గొల్లపెల్లి రాంకిషన్ రాఖీ

రాగం:అభేరి(భీంపలాస్)

జగమంతా ఎరిగినది అష్టలక్ష్ములని

మరవకండి పతులారా మహితులా నవమలక్ష్మిని

నిత్యం కంటిముందు నడయాడే మన ఇంటి లక్ష్మిని,గృహలక్ష్మిని

ఆదరించండి ఆరాధించండి అనవరతం మీ అనురాగం పంచండి

లాలించండి సేవించండి చండీలక్ష్మిగా భావించండి

1.చిరునవ్వుతొ స్వాగతించే తాను చిన్మయ లక్ష్మి ఒద్దికగా ఇల్లు చక్కదిద్ధే తానే పరిశుభ్ర లక్ష్మి

కమ్మగ వండీ వడ్డించి కడుపు నింపే తాను మాతృలక్ష్మి

అలసినవేళలో సేదదీర్చి సేవలందిస్తుందీ  దాస్యలక్ష్మి,శృంగార లక్ష్మి

ఆదరించండి ఆరాధించండి అనవరతం మీ అనురాగం పంచండి

లాలించండి సేవించండి చండీలక్ష్మిగా భావించండి

2.చిక్కులు ఎదురైతే మనపక్కన నిలబడే స్నేహ లక్ష్మి

మిక్కిలి గుట్టుగా ఒడుపుగా సంసారనావ నడుపు సాహసలక్ష్మి

పరువు మర్యాదలు పదిలంగా కాపాడే పావన లక్ష్మి

జీవితాన అడుగిడి జీవితంతొ ముడిముడి జీవితమే తానయే జీవనలక్ష్మి

ఆదరించండి ఆరాధించండి అనవరతం మీ అనురాగం పంచండి

లాలించండి సేవించండి చండీలక్ష్మిగా భావించండి