మాయచేసావు నాకళ్ళను-తొలిచూపులోనే

గాలమేసావు నాగుండెకు-మైమరపు లోనే

కళ్ళు దాటి గుండె మీటి-

దాడిచేసావు నా మనసుమీదే

ఆక్రమించావిక బ్రతుకంత నీదే

1.పారిజాత పరిమళ సహితం

నీ ఆగమనం కమ్మేనేదొ మైకం

నిన్ను చూస్తూ చూస్తూ చూస్తూ

మరిచాను చూట్టూ ఉన్న లోకం

ఊపిరే ఆగింది నీతో ఉన్నంత సేపు

తాగకముందే నిను చూస్తుంటే

ఎక్కింది మొత్తంగ గమ్మత్తు కైపు

2.దూరమైనాయి నా అన్నపానాలు

భారమైనాయి నా పంచ ప్రాణాలు

 ఒట్టేసి చెప్తున్నా  అమ్మతోడు

ఏ జన్మలోను ఇక నువ్వే నాతోడు

నువులేక గడిపే ప్రతినిమిషం నరకం

తెలిసీ నువ్వు మది తెలుపలేకుంటె

గూడు కడుతుంది నీలో మౌనశోకం

దాచుకున్నావు కన్నుల్లొ 

దోచుకొచ్చి వెన్నెల్ని 

పొదువుకున్నావు పెదవుల్లొ

అందమైన నవ్వుల్ని

ఫిదా బన్ గయా తెరే మై జానెమన్

దిల్ తొ కభీదియా అబ్ లేలో మెరే జాన్

1.వాయించకుండ ఉండలేను

నీ మోవి పిల్లనగ్రోవి

ఆఘ్రాణించకుండ మనలేను

నీ మేని కమ్మనితావి

ఒదిగిపో నా కౌగిలింతలో

ఏ చింతలేక జీవితాంతం

ఉంచుకో నీ తోడు నీడగా

చెలికానిగా నే నీకే సొంతం

2. జయించనా మరణాన్ని

అమృత కలశాల నాస్వాదించి

రమించనా నీ సజీవ శిల్పాన్ని

అమర సౌఖ్యాల ననుభూతించి

చెలీ నీ పొందు  పొందడం

మరు జన్మలేని కైవల్యం

నీతో క్షణమైన గడపడం

సచ్చిదానంద సమతుల్యం