Thursday, April 16, 2020

బ్రతుకు నీ చేతిలో శివశంకరా
భవిత నీ చేతలో పరమేశ్వరా
ఆరిపోయే దీపాన్నీ అఖండంగ వెలిగిస్తావు
ఆకస్మికమైన క్షణంలో అంతరింపజేస్తావు
ఏమిటో నీ క్రీడ మంజునాథేశ్వరా
ఎందుకో సయ్యాట రాజరాజేశ్వరా

1.మార్కండేయులెంతమంది చిరంజీవులైనారు
శిరియాళులెంతమంది కృపాపాత్రులైనారు
బ్రహ్మరాతరాస్తాడేల -శివుడు చెరిపివేస్తాడేలా
అపవాదునీకేల కాలకాలుడా
అపకీర్తి నీకేల విశ్వనాథుడా

2.వైద్యనాథుడవే నీవు రోగాలు బాపలేవా
మృత్యుంజయుడవే అపమృత్యునాపలేవా
ఇదే నీ అభీష్టమా-ఇదే సుస్పష్టమా
కరుణించి కాపాడు చంద్రశేఖరా
శరణంటు వేడేము శంభోహరా