https://youtu.be/GpUYw-TURF4?si=KRKNfSf2gdl9IYx7

రచన,స్వరకల్పన&గానం:డా.గొల్లపెల్లి రాంకిషన్(రాఖీ)

రాగం:దర్బార్ కానడ

నా మొర నాలించవయ్యా- నన్ను పరిపాలించవయ్యా
ఓ బొజ్జ గణపయ్యా-ఓ వికట వెంకయ్యా

1. ఆశల పాలిటి దాసుని జేయకు
భవ బంధాలకు బానిసజేయకు
కలలో ఇలలో కైవల్యములో
నీ నామ స్మరణ మరువనీయకు

2. వేదము నీవే నాదము నీవే
నే నమ్మిన శ్రీ పాదము నీదే
ఆవేదనలో ఆనందములో
సదా నే చేయు ఆరాధన నీదే

3. పిలిచిన పలికే గిరిజానందన
కోర్కెల దీర్చే మూషక వాహన
కరుణాంతరంగా ఓ వక్రతుండా
నీవే నాకిల కొండంత అండ

https://youtu.be/XQt5YfqrLkQ?si=Q9VdYRRM_Yyudkzw

చిత్తము నీమీద స్థిరమగు రీతి
నన్నాయత్త పరచుము ఓ గణపతి
చెలగెటి నా మది చంచలమైనది
సంకెలవేయుము సరగున గణపతి

1. మాయాజగమిది క్షణభంగురమిది
ఎరిగీ చిక్కెడి రంగుల వలయిది
తాపత్రయముల బానిస మనసిది
శరణం శరణం నీవే నాగతి

2. మోహావేశము తీరని పాశము
నిలుపుము నా మది నీపై నిమిషము
జీవన సారము భవసాగరము
కడతేర్చుము నను కరుణతొ గణపతి