రచన,స్వరకల్పన&గానం:డా.రాఖీ
నచ్చడానికి ఏముంటుంది కారణం
నచ్చనంత మాత్రనా చేయగానేల రణం
పెట్టబుద్దైతుంది కొందరిని చూస్తే
మొట్టబుద్దైతుంది కొందరు ఎదురొస్తే
భరించగాలేము బ్రద్దలైనంత నిజాలు
పుర్రెకోబుద్ధిగా జిహ్వకో రుచిగా ఎంత వింత నైజాలు
1.ముఖప్రీతి మాటలు హితకరమగు ప్రియవచనాలు
గోరంతలు కొండంతలుగా మసాలా దట్టించి పచనాలు
మసిపూసి మారెడిగా చూపించెడి సులోచనాలు
పొగడ్తలే సరిపడలేనపుడు ఎడతెగని విరోచనాలు
భరించగాలేము బ్రద్దలైనంత నిజాలు
పుర్రెకోబుద్ధిగా జిహ్వకో రుచిగా ఎంత వింత నైజాలు
2.వ్యక్తులకే విలువ ఎక్కువ విషయంలో విషయం లేకున్నా
పరిచయాలకే ప్రాముఖ్యత ప్రజ్ఞాపాటవాల మాటే సున్నా
ఎందుకా వెంపర్లాట లోకం మననే చూడనప్పుడు
సాగిపోవాలి బెదరక వినబడేది తాటాకుల చప్పుడు
భరించగాలేము బ్రద్దలైనంత నిజాలు
పుర్రెకోబుద్ధిగా జిహ్వకో రుచిగా ఎంత వింత నైజాలు
